من يكول حسين ذبحوه بالطفوف

[رحيم الحسناوي]

من يكول حسين ذبحوه بالطفوف .. عمي ذاك حسين عرشه بكربلا

تسجد بديوانه للباري الالوف .. وحتى مشلول الجسد هم يوصله

ولا تضن عباس مكطوع الزنود .. وهوه بجفوفه الحضر يستقبله

وراية الحك دوم ما مسهه التراب .. البيرغ بروحه ابو فاضل شايله

ومن يكول انجتفت الحره بسناسل .. جا صرح سفيان ياهو الزلزله

شلون كالو كيدو جتف العليل .. وهوه مرمر جيش اميه وعلعله

وخلهه اميه تصيح لوعنه الرضيع .. الاصغر بكل يوم يذبح حرمله

ويا سؤال الدوم ما صحله جواب .. وياهو يكدر ينطي حل للمساله

شلون جان الحال من كام العضيد .. ولملم غيومه وضلامه وجلجله

شلون من جففه افترك غيره وحميه .. ومن زعل غيض وغضب قلبه انمله

حششمت عباس زينب يالعضيد .. ويا هله بعباس صاحت يا هله

من صرخ الله اكبر يا فرات .. احتار هذه الكون واركانه بهله

طب عليهم موت وبسيفه الحتوف .. وصار مشراد الخوارج بلبله

بيه تناثر جيشهم مثل الجراد .. وجاوز المعكود بيده وجلجله

ثببت اوتاد القضاء على ال اميه .. ورتل القراان بيهم رتله

كثرت اللوعات وي صوت المنايح .. بججه دم عيون خصمه ورمله

صاح انه العباس جتتال الرجال .. وضعن ابو الاحرار انه الجافله

صاح انه العباس جتتال الرجال .. وضعن ابو الاحرار انه الجافله

رحيم الحسناوي

[ربيبة الزهـراء]

احسنتم كثيراً
شاعرنا .. و شاعر اهل البيت
على الابيات ..

موفقين دائماً في خدمة اهل البيت

[الروح]

أبيات رائعة جداً
المُبدع رحيم الحسناوي سلمت الأيادي الطاهرة
على هذه القصيدة المميزة
ودوماً لكم الفضل علينا
بهطولكم المميز
بانتظار المزيد من روائعكم
تحياااتي وتقديري