المســاجلة الشعبيــة بأبيات الأبوذيات

[عطر الجنآن]

بســم الله الــرحمن الــرحيم


أخواني وأخواتي أعضاء منتدنا الغالـــي


السلام عليكم ورحمة الله وبركاته,,,, وبعد:


جئت لكم بموضوع قد شاهدته أثناء تصفحي في أحد منتديات
وهو بصراحة موضوع شيق ورائع جداً, اسم الموضوع هو " المساجلة الشعبية بأبيات الأبوذيات "


ولعل الكثير منكم يعرف أبيات الأبوذيات, فنريد من جنابكم الكريم تبادل هذه الأبيات من الأبوذيات كــل واحد منا بما يحفظ وليس من الضروري أن تكون من تأليف الشخص ولو كانت من تأليف الشخص يكون شئ جميل, المشاركة تكون بــ أبوذية واحدة من كل شخص لكي نستمر في العطاء ويصبح الموضوع شيقاً, وكما أريد المشاركة الفعالة منكم أيها الأعضاء الأعزاء.


ولكي يكون الموضوع قد بدا سوف أكون أول المشاركين


جمالك أحلى من الـــروح وصفه
وبياضك من بياض الثلج واصفه
عـلـيمن يـكتب الـدكــتـور وصفه
وعيونك والشفايف صيدليه ....
أبي واحد شهم يبدا بعدي يلا... أنتظركم

[ابو ظاهر البركي !]

السلام عليكم ورحمة الله وبركاته
ارجو الاشعار عن ما يكون البيت بقلمك او لغيرك


وهذا بيت ابوذيه لك حكايا الورد مساجلة مع ماكتبتي


حكايا الكمر سميته وصفلج
وأخلي جنود من دونج وصفلج
واذا فد يوم دكتورج وصفلج
تره وصفت طبيبج روحي هيه

بقلمي وارتجالي والان


تحيات
أبو ظاهر البركي

[ام هاني]

وصفلك وصفلكhttp://shiaee.com/vb/images/smilies/014.gif
مثل ترتيب الك ماكو وصفلك
فريد بنوعك واحسنك وصفلك
مدرس ريت انا بقسمك وصفلك
ادرسك بس الك ويولون البقية

[ابو ظاهر البركي !]

صفاتك
ذهب صافي ابد ماكو بـ صفاتك
يجل القلــم لو يكتــب صفاتك
هواي تكوك الي بحبك صفاتك
اخافن ينكطع وشلون بيه

بقلمي وارتجالي والان


تحيات
ابو ظاهر البركي

[الروح]

الله الله
رائع يا حكايا الورد
واتمنى ان يشارك الجميع معنا في هذه المُساجلة
عمووووو الأنتظار بَدَعِت والله ماشاء الله عليك
طبعاً أنا أشارك بس كوله منقول مو الي
:::::
احلوگ الماحچت بالحگ لطه
الولي نعم الولي حيدر لطه
ابكرم حلمه او بحر علمه لطه
الناس اوفاضت بخيره البريه

[الروح]

يـــبو الـــسـجاد گلي شصار وجره
أهــيّــس نــار حـــدر الظـلع وجره
يگـــلــها الطفـــل دمـه سال وجره
رضـــيــع وفــطــمته سـهام المنيه

[عطر الجنآن]

اشكركم على المرور

وان شاء الله يصير تفاعل اكثر واكثر


وصح لسانك ياعموو الانتظـــار

----------------------


هلا بريــح الشمــال الجانــي ..... منهم
أحبــاب وما قـطعنـــا اليـاس ..... منهم
كـذب يــاللـي تقــول نجــوز ..... منهـم

نظل نذكرهم كل صباح وكل مسيه

[ابو ظاهر البركي !]

الله الله

رائع يا حكايا الورد
واتمنى ان يشارك الجميع معنا في هذه المُساجلة
عمووووو الأنتظار بَدَعِت والله ماشاء الله عليك
طبعاً أنا أشارك بس كوله منقول مو الي
:::::
احلوگ الماحچت بالحگ لطه
الولي نعم الولي حيدر لطه
ابكرم حلمه او بحر علمه لطه
الناس اوفاضت بخيره البريه


ماشاء الله يامبدعة في الانتقاء

ام جعفر جربي جدا سهله الابوذيه

وهذا الرد على بيتك

حلك الساكت عللحك لطيته
وسجل غفران عدوانك لطيته
يكرار الطلب روحي لطيته
اذا اشعر صدك حب الزجيه

بقلمي وارتجالي والان

وخادم للطيبين


ابو ظاهر البركي

[ابو ظاهر البركي !]

يـــبو الـــسـجاد گلي شصار وجره

أهــيّــس نــار حـــدر الظـلع وجره
يگـــلــها الطفـــل دمـه سال وجره

رضـــيــع وفــطــمته سـهام المنيه

صار الماجره عللبشر غيري
ويخيل عللذبح طفلاي غيري
يدنيه شماتغيري الوان غيري
اموت ويحيى دين الهاشميه



بقلمي وارتجالي والان

بنتي الروح
لك مني اجمل تحيه


ابو ظاهر البركي

[الروح]

الله الله عاشت الأيادي عمي الغالي
رائع ما تقدمهُ ..
:::
الـــدهر شتـــت شـــملنه بالظعينه
ودلـــيــلي سيـــوف اميه بالظعينه
وســافه الــشــمر يحدي بالضعينه
وابـــو فــاضـل عــلى الغبره رميه

[الناصر 3]

الى العقيلة ..
الى اُم الاحزان ..
الى من قال : ( يا أبا حمزة هل رأت عيناك أو سمعت اُذناك أن مخدرةً لنا سُبيتْ قبل يوم عاشورا)
......................
راحه يا هو الشاف بالدنيه مندم
لون عمري اخلصه بـحزن مندم
يا عين ابجي وهلي بـدمع مندم
مخدرت الهواشم اخذوهه سبيه

[الروح]

اليعرفونك بغالي الثمن ساموك
وسافة اهل الحقد بالسجن سموك
يكاظم للحوائج باب سموك
دخيلك لاتسد بابك عليه ...

الشاعر ملاكريم الاسدي

[ابو ظاهر البركي !]

الله الله عاشت الأيادي عمي الغالي

رائع ما تقدمهُ ..
:::
الـــدهر شتـــت شـــملنه بالظعينه
ودلـــيــلي سيـــوف اميه بالظعينه
وســافه الــشــمر يحدي بالضعينه
وابـــو فــاضـل عــلى الغبره رميه

كل الصار صدك منك انته
وابد ماريد منه منك انته
عجيبه شلون تشرب منك انته
وعله جرفك طريح بن الزجيه

بقلمي وارتجالي والان

ابو ظاهر البركي

[احمد العراقي]

لمولاي الامام الحسين عليه السلام .. وليد الساعة

ابنور الفخر عين الشمس سد بيك
محبك وابفضل عالناس سد بيك
لكه ابضكّة اسنين العسر سد بيك
وغفه ابفيّك يبن حامي الحميه

تحياتي

[ابو ظاهر البركي !]

لمولاي الامام الحسين عليه السلام .. وليد الساعة

ابنور الفخر عين الشمس سد بيك
محبك وابفضل عالناس سد بيك
لكه ابضكّة اسنين العسر سد بيك
وغفه ابفيّك يبن حامي الحميه

تحياتي
خرم للدين بيدك سدديته
ودين الجدك انت سدديته
العين الشمس نورك سدديته
لأن نورك علي يبن الزجيه

وليد الساعه

اخي احمد ياشاعر اهل البيت
رمضان خير وبركه عليك وعلى كل من حولك ومن تحب

تقبل الله الاعمال باحسن القبول



ابو ظاهر البركي

[احمد العراقي]

السلام عليكم
اخي العزيز ابو ظاهر البركي
رمضان كريم عليكم وتقبل الله اعمالكم باحسن قبوله واجزل ثوابه
وان شاء الله ينعاد عليكم بالخير والبركة والامان

ابثورته للمجد دگ ساس وثبات
و گضه حسين لزمانه اسنين وثبات
الكرامة انصاغت من ادماه وثبات
عليها الي حصل بالغاضريه

تحياتي

[الروح]

ظهرهه

زينب هلبطوله الطف ظهرهه
مثلهه الارض ماحملت ظهرهه
ياوسفه الشمر ضارب ظهرهه
ابسوطه ويشتم ابحامي الحميه

[عطر الجنآن]

أريد أكتب شعــر عنك وعنــي

وأدز القــلب لــدروبك وأعنيــه

صرت أنت سبب ونتــي وعلتـــي

ألــف دكتــور ما يلحق عليه

[الروح]

يدنياي المصايب عَلي جدري
يتكالب ما برد فد يوم جدري
آنه الصرت كالمصيوب جدري
اليراني يشيل ويعوف الثنيه

[عطر الجنآن]

بحبــل الولاية دوم يـــا شيعــي تمســك

بحبـلك يداحي البــاب كل مؤمن تمــسك

لا هم لا حزن هناك ولا جمرة الي تمسك

هـــذا عهــد مكتــو من سيد البريــه

[مرتضى شكر]

فكرة جميله

اللهم صل على محمد وآل محمد

أبوذيه في حق الأمام الحسن ع

إقلام الدهرماهن منصفاته

رضع درالنبوه منصفاته

كل الطيب ينبع منصفاته

شرف جود أوشهامه حيدريه

مرتضى شكر

النجف الأشرف

[الروح]

منو مثلج حمـــــل اهات ...والوان
وشفتي من العذاب اشكال...والوان
كظيتيهه سهر واســــفار...والوان
لعِد مجلس يزيد ابن الدعية

[احمد العراقي]

عزم زينب يشيل الراس ما هان
وصبرها ابصبر ابوها الحيد ما هان
مصايبها العليها اثگال ما هن
ورث من ضيم ما حل بالزجيه

[مرتضى شكر]

إجيوش الصبريوم الطف من أمها

غيرالرفضت أعله الذل منامها

زينب ورثت الدمعه من أمها

أولون إثياب همها فاطمه
----------------
مرتضى شكر
النجف الأشرف

[واثق العيساوي]

موكب بالعرش هاليوم منصاب
ودمع عيني دمه بفركاك منصاب
شخبرك بويه عالبسمار منصاب؟

ضلعي وضوك وليدي المنيه!!

لسان حال الزهراء ع

[عطر الجنآن]

بجة قلبي تعال ارجوك سكتة
القطار اشلون يمشي بغير سكته
انا بلياك قلبي يموت سكته
وسبع جلطات اذا ماتمر عليه

[ابو ظاهر البركي !]

موكب بالعرش هاليوم منصاب

ودمع عيني دمه بفركاك منصاب
شخبرك بويه عالبسمار منصاب؟

ضلعي وضوك وليدي المنيه!!


لسان حال الزهراء ع

يواثق ليش بس بالعرش منصب ؟؟؟
بكل الكون دمع المحب منصب
مهو المحراب لسه ينوح منصب
سيف الغدر راس بن الحميه



ابو ظاهر البركي

[ام هاني]

في مدح أمير المؤمنين علي بن أبي طالب (عليه السلام)

نفوس اهل الضغاين من فتاها

وفــتوات الملاحـــم مــن فتاها

أنـــشـــدك عن الامه من فتاها

ويـــا هــو الرفع رايتها العليه

[ابو ظاهر البركي !]

بجة قلبي تعال ارجوك سكتة

القطار اشلون يمشي بغير سكته
انا بلياك قلبي يموت سكته
وسبع جلطات اذا ماتمر عليه



انا المريت ياما شكثر مرات
عليك وشفت بيك اطباع مرات
اذا كلبك سكت كلبي انه مرات
سكت لأجلك حرام تعيل بيه

ابو ظاهر البركي

[مرتضى شكر]

دارالمجد دارالطيب حيدار

تفيض إبحب أبوالحسنين حيدار

درالي رضعني العشك حيدار

لأل المصطفى سيد البريه
---------------
مرتضى شكر
النجف الأشرف

[ابو ظاهر البركي !]

في مدح أمير المؤمنين علي بن أبي طالب (عليه السلام)

نفوس اهل الضغاين من فتاها

وفــتوات الملاحـــم مــن فتاها

أنـــشـــدك عن الامه من فتاها

ويـــا هــو الرفع رايتها العليه


يم هاني يخويه السو فتلها
حقد علصار للغيره فتلها
اخبرج فتوه من عنده فتلها
شيطان ابن ملجم لآل اميه


ابو ظاهر البركي

[ام هاني]

تسلم اخ الانتظار على هذه الابيات
جعلها الله لك في ميزان حسناتك

[ام هاني]

احلى الكلام اهديك
واحلى الورد اعطيك
وبمولد الحسن اهنيك