دارميات اناجي فيها قلمي بحب الحسين

[ثورة الحسين]

لوحضر ملك الموت لقلمي وصيتي
يكتبلي اسم حسين بكبري وثنيتي

صار القلم مرهون لحسين والعباس
بس يغلط وياهم يكتب بدون احساس

قلمي من اسنين خلص حبر والعباس
للورقه بس يوصل يكتب بكل احساس

كمت احجي وي القلم حب حسين جنني
كام القلم يحجي وياي فدوه حسين زورني

القلم مني ضاع جنت اجنوني
بيش اكتب للحسين قلمي اعيوني

البست هدم الزين لحسين ازور
بعيوني شفت القلم يم الضريح ايدور

اتعاهدنه بالعباس اني وي قلمي
مانتفارك ابد ايزور ويزورني

اصبحنه مسرورين اني وي قلمي
نكتب للحسين بشوك علمه وي علمي

اتمشه اني العصر وي قلمي احجي
كتله انزور حسين كام القلم يبجي

صرت اله ممنون بس هو فاهمني
من اكتب للحسين بس هو حاملني

اتكابلت وي القلم لحسين نبجي
شفنه البجي مافد بالموت نحجي

شافاني يوم القلم احجي وي روحي
كتله اتوسل بالحسين ايزيد اجروحي

اتوسلي بحسين بس انته التحب
بالاجر اني وياك بس بيه تكتب

طحت بفراش الموت يكتب قلمي كدامي
نازعني ملك الموت قلمي يكتب لعنواني

ياقلم الله اعليك لاتنسه وصيتي
اكتبلي اسم حسين بكبري وثنيتي


بقلمي عبدالله الشاعر

[عاشقة النجف]

بارك الله بكم اخي على الحروف الولائيه ..
جعلها المولى في ميزان حسناتكم,,
ودام نزف قلمكم للحسين الشهيد وال بيته

[ثورة الحسين]

بارك الله بكم اخي على الحروف الولائيه ..
جعلها المولى في ميزان حسناتكم,,
ودام نزف قلمكم للحسين الشهيد وال بيته
الف شكر على الرد الجميل

[الروح]

سلمت الأيادي اخي الفاضل
ووفقك الله للمزيد في حب الحسين وآل الحُسين
ممتنين لهذا العطاء الثَّرْ الذي تغمرنا به
على حبهم وولايتهم
تحياتي وتقديري

[مرتضى شكر]

من دم أبوالسجاد صغنه القوافي

وإشما نخط لحسين قط مانوافي

مرتضى شكر

النجف الأشرف

[ام هاني]

جعلها الله لك في ميزان
حسناتك

[ثورة الحسين]

من دم أبوالسجاد صغنه القوافي

وإشما نخط لحسين قط مانوافي

مرتضى شكر

النجف الأشرف



مشكور على الرد