-- اعگيلي -- لوفاة المام علي ع -- بيش اتصبر -- بيش اتصبر

[عدنان الحمامي]

المستهل

----

بيش اتصبر -- بيش اتصبر

اخلاف الزهره -- وعگبك حيدر

-----

زينب آنه الدمعه ابعيني

جمره اتهل عالخد تچويني

بويه امصابك شينسيني

والشوفة وجهك اتحسر -- بيش اتصبر

-----

شيخمدها النار ابروحي

لايبطل وني او لانوحي

نزفت بويه اعليك اجروحي

جرح الزهره وجرحك اثر -- بيش اتصبر

----

امنه ازغار احنه وعافتنه

اسنين ابثوب اسود خلتنه

مانشفت عالخد دمعتنه

ودمعي اعليك اليله اتفجر -- بيش اتصبر

------

يابويه يالچاتل مرحب

شيبك بالدم ليش امخضب

شلون المجرم ليك اتگرب

ماهابك وشلون اتجسر -- بيش اتصبر

------

يتجسر وسفه ابمحرابك

ونته الموت الموت ايهابك

مسموم السيف اللي صابك

وجه الكون اعليك اتغير -- بيش اتصبر

------

اتغير وجه الكون وينعه

والاملاك اتهل الدمعه

وجبرائل الصوته انسمعه

هز الدنيه صاح وكبّر -- بيش اتصبر


------

----

---






</B></I>
التوقيع
http://cars-club.maktoob.com/up/8-2-1/carsclub_67586547.gif

[والي مطر]

الاستاذ الكريم عدنان الحمامي ...طيب الله أنفاسكم وعظم الله لكم الاجر

[عاشقة النجف]

اخي الكريم عدنان قصيدتكم موفقه بارك الله بكم ..
جعلها الباري شفيعتكم يوم الورود ..

دعواتي لكم بالسداد