لوغفت للموت يهلي اعيوني -- لوفاة الامام علي ع

[عدنان الحمامي]

بسمه تعالى


سلام عليكم

أسأل لله لكم ولنا حسن العاقبه والفوز بشفاعة امير المؤمنين عليه السلام

-----

---

--

لوغفت للموت يهلي اعيوني

يم علي بجنازتي اتودوني

-----

يهلي اوصيكم احفظوا اوصيتي

خاف من باچر اودع دنيتي

شيعوني لو حملتوا اجنازتي

للنجف والحيدر اتزورورني

-----

بالضريح وطوفوا بيه ياهلي

ثلث مرات اعله شباچ الولي

وخلي المشيع ينادي ياعلي

هذا ظيفك يمه گال اخذوني

------

هذا ظيفك ياعلي ونته الكريم

لحد يمك راد برحابك يقيم

وحگ نوح وآدم وموسى الكليم

الگه حيدر لمن اتنزلوني

-----

بلحدي حيدر يحظر وامسي بامان

وعندي صك اولايته بيدي ظمان

شلون اخاف وينعگد مني اللسان

وآنه يم حيدر علي اتدفنوني

------

ما أخاف بوحشه لو ظلمة گبر

ويمي تحظر فاطمه الزهره الطهر

لأن تدري خادم اگظيت العمر

وخادم الزهره الي ايسموني

-----

خادم الها وخادم حسين وحسن

وخادم لام المصايب والمحن

اگظيتها بخدمتهم اسنييني المظن

شلون وآنه بگبري ميحظروني

------

--

سيد عدنان الحمامي
----

--
















</b></i>






التوقيع



</B></I>
التوقيع
http://cars-club.maktoob.com/up/8-2-1/carsclub_67586547.gif

[عاشقة النجف]

عظم الله اجوركم اخي ..
وجعل شفيعكم سيد المتقين ..
بارك الله بكم على القصيده

[الروح]

عظم اللهُ أُجوركُم
سيد عدنان الحمامي
قصيدة مقرحة للقلب وما أروعها
نعم ليحملوني على الأكتاف ويقربوني من الوادي المُقدس
ولتكن مثواي الأخير حفرةٌ قرب الولي
مأجورين لهذا العطاء الثر
تحياااتي

[Noor-AlZahraa]

http://www.sez.ae/up2/get-8-2010-sez_ae_bja4c804.gif

كلمات رائعه جدا تدخل القلب وتأسرنا الى الروضه الطاهره
مبارك لكم هذه الخدمه المشرفه اخي الكريم سيد عدنان الحمامي
وعظم الله اجورنا واجوركم
مثابين ان شاء الله