وداع الأمام علي(ع)

[مرتضى شكر]

يامسهل يالله
كعده في حق أميرالمؤمنين(ع) الشاعر:مرتضى شكر

وصيت من ياسيد الحك بينه ياباالحسن لتروح وإتخلينه
كلش صعب هم فركاك أرواحنه كلها إفداك
ياباالحسن لتروح وإتخلينه
----------------------------
ياعلي وصيت بينه الحزن لوســــهر الليالي
ودعتنه إبلــيل مخـــطربينه غــيرك مايبالي
بين نار الجاهـــليه أوبين ثارات الخــوا لي
أمنت شــيعتك عدمن لومجانك صـبح خالي
ياهواليهم إبشيعتك ياعلي إبحالة غيبتك
ماواحد إيسد خلتك إنته والدها المــثالي
إخلافك يحيدر منهو اليبارينه لودعتنه إعلينه تسهرعينه
يرد عنه ظلم الأيام با جرنصبح أيتا م
ياباالحسن لتروح وإتخلينه
--------------------------- 1
واليتم تعــرف آلامه أوحســـــــرته يالأبوأوهـمه
إيريد جـف تطـــفي لهيبه أوجف دمع عيناه تلمه
إتهود إعليه جوردهره إتوصل لحد بابه ســــهمه
إيريد أمان إبسده يكعد جف عطوف أوكلب رحمه
ياحــــيدر إتعــرف اليتم دمـعات فــوك الخد تتم
بس إنته بس إنته التهم باليتم إتداوي هضـمه
يشهد الليل إجفوفك إتوافينه يالعودتنه إبهدوته تلفينه
ماترضه خاوين إنبات تحمل إجفوفك طيبات
ياباالحسن لتروح وإتخلينه
------------------------------ 2
عينك إعلينه يحيدرلحظه ماسـلهمت عينك
إبحضن كل ليله تجينه إبخيرمطـاره يمينك
ماعثربهموم دهـرك جدمك أوناشدنه وينك
باب كل معوزيعرفك عالوعد تكصد إبزينك
مايوم عــنه إتأخرت يومـــين إلك مابينــــت
يابدرعزنه من غبت إبظل وجلنه إمناطرينك
إشعوكك عنه الليل نشدت عينه عود اليتامه والأرامل وينه
مايوم مرعنه إتغيب يالأبوأويانبع الطيب
ياباالحسن لتروح وإتخلينه
----------------------------- 3
ياعلي إركبنه الشوارع إبنارهم ننشـد أخبارك
وين والينه أوحمــانه الفــكرودانه إعـله دارك
لن يصيح الحزن بينه إيريدنه إنودع إنتضارك
حيدرإينازع إبروحه وشـــل إسنينه إحتضارك
لن يطك طوفان الدمع عالوجـــن يتهـــامــل نبــع
صوت المناحه ينسمع وي همس صوت إعتذارك
جف الحزن مامرنه ظن يلوينه أوسيف الغدربموادعك يسبينه
ودعنه عدل القرآن والبسنه ثوب الأحزان
ياباالحسن لتروح وإتخلينه
--------------------------------- 4
لاتودعنه يحــــــيدربين دمعه أوبين حســـره
لاتشيع إسنين عمرك إتخلف إبكل كلب جمره
شيعتك كل فرد منها دون روحك يفدي عمره
إتريدك أترد إلها سالم إبراسها إتمنت الطبره
إتعنتك ياحامي الحمه بكلـــوبها المـــــــــتألمه
يارب ولينه ســـــلمه تدعي ولخاطــرنه جبره
ثوب الفرح ماظن يلوك إعلينه ثوب الحزن من يومنه إمفصلينه
كل يوم وإبهم إمصاب جرح الضلع والمحراب
ياباالحسن لتروح وإتخلينه
---------------------------------- 5
أمس جرح الضلع عشنه إهمومه وأحزانه أومصابه
وإنفــــــتح للحــــــزن باب أوبعـــد ماينطــبك بابــــه
اليوم يفجـــــعنه إبولـــــينه الألـــم يتـــــولانه نابـــه
يادهـــــرإرحـــم أيتامــــه يصــــعب إعليها غــــيابه
يادهرإرحم شيعته وإجبرالدين إبطـــيبته
لتكول أعلن غيبته علي أوبي آثرإصوابه
الله وأكبريادهرمابينه نحمل خبرودع ولينه إسنينه
لتكول هلوا الدمعات هاليوم حيدركم مات
ياباالحسن لتروح وإتخلينه
-------------------------------- 6
هل يدمع العـــــــين دم لفراك حـــماي الحميه
بعد ماينفـــــــع إعتاب أولوم وي كاس المنيه
مانوفي الوصــي فضله لونون صبح أومسيه
رحل عنه العدل غفــله أوبدرعزنه خمد ضيه
ودعـــنه قرآن الفــــجر
غفله إبجرح سيف الغدر
بعد الوصي إشينفع عذر
ودع القــــرآن عـــدله إعلــــيه تون هل آته أوعــمه
-------------------------------- 7
الجمعة 16 / رمضان /1431هـ المصادف 27/ 8 /2010م
النجـــــــــــــــــــــف الأشــــــــــــــــــــرف

[والي مطر]

الشاعر الكبير مرتضى شكر الابداع يسير معك اين ما كنت دمت بنبض الايمان والولاية جازاك امير المؤمنين خيرا يوم لاينفع مال ولا بنون فيكتب ما كتبت في ميزان حسناتك .. عظم الله اجوركم ..خادمكم والي مطرِ

[عاشقة النجف]

اي وداع يكون لعلي ؟ ام اي دموع تذال ؟
ينحني الكون لتأبينه وتبكي السماء لرحيله ....
بارك الله بكم اخي الشاعر مرتضى كلمات موفقه وقصيده مباركه
جعلها المولى في ميزان حسناتكم

[المتقي]

اخي الفاضل

بارك الله بكم وجزكم الله خيراّ

[الروح]

ثوب الفرح ماظن يلوك إعلينه ثوب الحزن من يومنه إمفصلينه
كل يوم وإبهم إمصاب جرح الضلع والمحراب
ياباالحسن لتروح وإتخلينه
:::

نعم هذا هو لسانُ حالنا
مُرتضى شُكر
أيها المُبدع الموالي
لقد أجدت النزف حتى أنهُ أبكاني
بوركت الأيادي الطاهرة
وعظم اللهُ أُجوركُمْ
إحتراماااتي