يحسين انهض ع , نزله (قصائد محرم)

[رحيم الحسناوي]

يحسين انهض رد عدوانك

كوم الكوم على اهلك دارت .. زينب بالاطفال احتارت

وسكنه تنوح وتندب صارت .. وصلت بويه الخيل لدارك

يحسين انهض رد عدوانك

وين الجافل وين الرايه .. هاي دموم حسين جرايه

كوم ودك بالطف الثايه .. وصدهم عن اهلك وخوانك

يحسين انهض رد عدوانك

بنبله الاصغر كطعوا نحره .. مهشم قلب امه وشيجبره

والوننه تجاوبهه العبره .. شد حيلك واكصد ميدانك

يحسين انهض رد عدوانك

صرخات اطفالك بالحومه .. منكوبه عطاشى ومهضومه

يالضامي وضللت محرومه .. مننك يالعامر ديوانك

يحسين انهض رد عدوانك

يابويه وما ضل من حيلي .. تهت واضلم يرهب ليلي

راح ابن الزهره اليضويلي .. وضل ينحب بعدك صيوانك

يحسين انهض رد عدوانك

انهض يبن امي وحاجيني .. تفدي اسمك يحسين سنيني

يا صومي وقرااني وديني .. يا من درب الحك عنوانك

يحسين انهض رد عدوانك
رحيم الحسناوي

[الروح]

بوركت الأيادي سيدي الفاضل
لقد أبدعتم بحزن
نسأل الله لكم التوفيق

تحياتي وامتناني

[رياض الرسل]

السلام عليكم

استاذي العزيز
شاعرنا الكبير

رحيم الحسناوي

انت رائع وقصيدتك اكثر روعه
طيب الله انفاسك الكريمه
حبيبنا الغالي

رياض الرسل

[صبر الحوراء]

دائما بين حروف الكلمات اجد روحك بها
لكم تمنيت فدمت بكل تميز وابداع

[ثورة الحسين]

يسلمو كلمات روعه عاشت الايادي