قبل ان تحرق المصحف

[مهيمن الاسدي]

ابدي بسم الرب معاك
من فكر يكره محاباة الخطيئة ..
وأنت راهب
يعني مامعناه عندك ..
رهبة من جرح الاحاسيس البريئة
　
بين عقلي وعقلك يدور الحوار ؛؛
بكل محبة وكل مودة
　أنته شايل نار بيدك ..
وآنه شايل بيدي وردة
　
وانته قيس الفرق .. مابينك وبيني
بكثر ماشايل ظغينة الفرق قيسه
... انته اشعل نارك اباب الجوامع ...
وآنه ازرع وردتي اباب الكنيسة !!
　
هُز اليك بجذع عقلك .. حتى يتساقط
غُبارك
بلكي من تتمخض الفكرة بضميرك ..
تقتنع وتطفي نارك
　
طوف بآيات الكتاب .. آية آية ،
وكلمة كلمة
وشوف نارك لو سرت بيه شتريد ؟؟
ومر على مهد المسيح .. وخلي بالك
حتى ماينصلب بيدك من جديد
　　　　　　　　　　　　　　　　　　　　　
وآنه عندي أنسان .. كتلة من المشاعر
ينجرح بس مايصيح
وينشتم بس مايصيح
نبــي لكن ..
دمعة عيونه غصن ،،
لحظة وتطيح ..
　
يرضه لو نارك تظل تاكل بروحه .
.بس ابد مايرضه نارك ،،
تجرح أحساس
المســــــــــــــــــــــــــــــــــــــــــــــ ــــــــــــيح .

وكبل ما تشتعل عيدان الثقاب
　أجّل النار ..
و اخذ نظرة تأمل عل كتاب
واذا ماعندك قناعة
وتعتقد ماعندي دين
أنصحك أن تقره سورة مريم
وأفهمها زين ،،

اعتقد ذاك الوكت
نارك تشب بين الظلوع
..وكل مساعيّك وحقدك
راح يتحوّل خشوع
　
دعك من ديني ، ورسولي
وفكّر بحكمة وخضوع ..
وكبل ماتحرك المصحف ،،
شيل أسم الطــــــــــــاهرة العذراء مريم ؟؟
　 حتى ما يزعل يسوع !!

[ابن الشاعر]

السلام عليكم
بوركت اخي الفاضل مهيمن الاسدي
بوركت لروحك الطيبه وحسن كلماتك
وفقك الله
اخوك ابو مهدي

[والي مطر]

مهيمن الاسدي ..تبارك قلمك الرائع بالعطاء الباذخ ...دمت بخير تحيتي

[علي البههادلي]

احسنتم عزيزي مهيمن الاسدي وجزيتم خيرا على ماكتبتموه
من كلمات رائعه جعلت ذخرا لك ووفقك الباري لكل خير
سلمت وسلم يراعك ودمت بود

[الروح]

الأديب والإعلامي الفاضل
مهيمن الأسدي
حينما يكون الشعر قضية سيلازمهُ الإبداعُ لامحالة
وحينما يكون الكاتب مسؤلاً عن حرفه
سيعتلي الحرف صهوةَ الجمال
لقد كنتَ مبدعاً في رسمِ صورةٍ لموقف هز الضمائر
فجرى لكَ الإبداعُ كسيلٍ متاح..
فعتليتَ بهِ عنان السماء
تباركَ حرفٌ طاهر..
أهلاً ومرحباً بهطولكَ العذب
وأهلاً ثم أهلاً بتشريفكَ لنا في أنا شيعي
ترتيلةُ إمتنانٍ لعذوبةِ حرفكَ
ولأطلالتك الملتحفة بالإبداع
تحيتي وتقديري