قصيده (لايطلع فجر بعدك حيدر بدر)

[ثورة الحسين]

لايطلع فجر ,,,,,,, بعدك حيدر بدر
ونفارك حامي الحميه
ـــــــــــــــــــــــــــــــــــــ
صبح لاجن فاركنه بيه الوصي
وصارت الدنيه ماتسوه ياعلي
وزينب ابعمر الزهور اتيتمت ياولي
اشرقت بالمصايب ,,,,,,,, عله احسين وحسن
وصبت محن من اهل الرديه
ــــــــــــــــــــــــــــــــــــ
لو ندري نبقه بالمسجد حراس
ونمنع ابن ملجم شيلة الراس
ونصير لمحراب حيدر نبراس
جان اسيوفنه ,,,,,,, ماشافت الاغماد
ولا يغيب حامي الحميه
ـــــــــــــــــــــــــــــــــ
نفديه بالارواح لو يتشافه علينه
لاجن ضربة حاقد وفاركنه ولينه
ريض بالمشي يالحسن ارواحنه حزينه
فوك الراس ,,,,,,,, انريد شيله
وبعد منشوف غير الرزيه
ـــــــــــــــــــــــــــــــ
كل الخير فاركنه من راح من عدنه
راح حامي الايتام والحاضر الشده
شيعته اتريد اتودعه كبل لحده
سيف الفخر ,,,,,,, فارس بدر
اشلون التراب يخفي ضيه
ــــــــــــــــــــــــــــ
لاتدفن يالحسن خل اليتامه اتشوفه
حيدر الجان لاجلهه عايف نومه
والدهه انفكد لاجله صارت حومه
دمع اليتامه ,,,,,,,, ظل جاري
والدهه انفكد متشوف الهديه
ـــــــــــــــــــــــــ
يالحسن ريض بالنعش زينب اتودعه
وتدري ابكلبهه صارت الاحزان متنوعه
ولليوم ابكسر الضلع والبسمار متوجعه
ابكلبهه النار ,,,,,,,, من عصرة الباب
وبكلبهه الحزن من ضلع الزجيه
ــــــــــــــــــــــــ
زينب يالحسن دمعتهه علخد
وباوع يالحسن لدمع زينب ماكو حد
لكسر الضلع وفراك حيدر المامثله احد
ماغمض جفنهه ,,,,,,,, ماشافت النوم
وفراك حيدر زاد الاذيه
ــــــــــــــــــــــ
اشلون التراب يحجب فارس بدر
ولفراك حيدر اخدود زينب سمر
ومن كثر البجي اعيونهه صارت حمر
كلب زينب ,,,,,,,, ضل بالكبر
وظلت حزينه ليوم المنيه
ــــــــــــــــــــــــــــــــــــــــــــــــــ ـــــــــــــــــــــ
بقلمي خادم اهل البيت (عبدالله الشاعر)

[ابن الشاعر]

بارك الله فيك
اخوي عبد الله الشاعر
وفقكم الله
اخوكم ابو مهدي

[رياض الرسل]

السلام عليكم


عبد الله الشاعر

انت حبيبينا الغالي
والله يوفقك لكل خير
وعيد سعيد عليك حبيبي


رياض الرسل

[علي البههادلي]

ماجورين عزيزي وموفقين
سلمت اناملك وتقبل الله اعمالك

[ثورة الحسين]

شكراً لردودكم الرائعه والجميله نورتوني تحياتي
اخوكم الصغير (عبدالله الشاعر)

[حُسينية الهوى ~]

اللهم صل على محمد وال محمد

وحمل الكوكب المطبور هامته ,
واودع بين اطباق الثرى , ولمّا يأفل نوره
فباتت قبته شمسا لولاها لهامت الارواح في غيابت الحلكة والظلام
فعليٌ سراجنا ,

السيد عبد الله الشاعر
احسنت اخي وجزيت الخير كله ,
سيقت اليك سحائب دعائي لتمطر عند روابيك المترعة .
تقبل تحياتي .

[ثورة الحسين]

شكراً لردك الرائع والجميل تحياتي
اخوك الصغير عبدالله الشاعر
ـــــــــــــــــــــــ
سفير احسين مسلم ماهاب ابد موت
بلغ وصيت احسين وصوته صوت