قصيدة(عباس انفاسي)

[ثورة الحسين]

كَطعني بسيوفك ولاتقصر اوياي ،،،،،،،، وسويني ذرات وشوف احساسي
واجمع ذرات جسمي بيدك ،،،،،،،، كلهن ايصيحن عباس انفاسي
وافتح كَلبي بيدك وشوف ،،،،،،،، والله تنذهل واطيح يا قاسي
لان ابكَلبي مكتوب اسم عباس ،،،،،،،، وكضيت عمري بس اكتب لعباسي
واخاف تتوهم بعد وياي ،،،،،،،، كف اسيوفك والله عباس نبراسي
صد كوم الاجت لحسين عباس ،،،،،،،، والجاب الماي من صار العطش جاسي
حارب عدوان احسين بجفوفه ،،،،،،،، وراية احسين بيده اقباسي
ابضواهه ضوه الميدان وصار ،،،،،،،، درب لكل محب لحسين ومؤاسي
هسه اعرفت زين ياغافل ،،،،،،،، اليحب عباس يذهل عقول الناسِ
بالك يوم وتنسه عباس ،،،،،،،، بجفوفه حارب الارجاس ياعاصي
وانته بسيوفك اتريد تغلبني ،،،،،،،، لا ماتكدر وحك عباسي
اطيح بالكاع واسمعك زين ،،،،،،،، حب عباس هو مفازي
انته كومة لحم ماالهه قيمه ،،،،،،،، القيمه للروح البيهه انفاسي
للموت وانفاسي اتصيح عباس ،،،،،،،، وانته ياغافل وي زمرة الارجاسي
ــــــــــــــــــــــــــــــــــــــــــــــــــ ــــــــــــــــــــــ
بقلمي خادم اهل البيت (عبدالله الشاعر)

[علي البههادلي]

ماجور عزيزي ثورة الحسين
رحم الله والديك وسلمت اناملك

[ثورة الحسين]

شكراً لردك الرائع والجميل نورتني ولا انسى فضلك الجميل في تصحيحك لمواضيعي وقد اجد بذالك وتعلمنا منه الكثير
واهدي لك هذا الدارمي
ــــــــــــــــــــــــــــــــــــــــــ
احسين ابو السجاد يستاهل النوح
لو نبجي طول الدهر مطيب الاجروح
ــــــــــــــــــــــــــــــــــــــــــــــــــ ـــــــــــــــــــ
اخوك الصغير (عبدالله الشاعر)

[حُسينية الهوى ~]

سلام على قمر أفل في كبد الطفوف
قمر توذر ليسقي الروح بفيض الوفاء والعطاء !

جزيت الخير كله اخي الموقر
وسلم مدادك ما اعطره !
جُل الشكر والتحايا .

[ثورة الحسين]

شكراً لردك الرائع والجميل تحياتي
اخوك الصغير عبدالله الشاعر
ـــــــــــــــــــــــ
سفير احسين مسلم ماهاب ابد موت
بلغ وصيت احسين وصوته صوت