قصيدة (ليلة العيد)

[ثورة الحسين]

ليلة العيد اشوف الناس خبصه ،،،،،،،، واحد ايدور اهدوم حلوه للطلعه
واحد ايدور اهدوم وعنده ربعه ،،،،،،،، واحد ايدور اهدوم وعنده سفره
وانه صافن ياناس وايدي اعله خدي ،،،،،،،، واهدوم العلي ياناس دوم سمره
انه مااكلك لاتفرح ابعيد الله ،،،،،،،، بس بالعيد لاتنسه احسين بالمره
ولو ماالملامه وحجي الينكال ،،،،،،،، اكضي عيدي ياناس ابكاع صحره
الناس فرحانه بالعيد واهدومهه حلوه ،،،،،،،، وانه ابكلبي نار احسين مستعره
ثلث تيام عيد الله وينتهي ،،،،،،،، وتشوف الناس كلمن يرجع لوضعه
الاصيل المانسه احسين بالعيد لحظه ،،،،،،،، والمواصيل نسه ومعروف اصله
مولاجل كل هاي الناس احسين ،،،،،،،، ضحهه ابروحه والسيف كص نحره
ثواب احسين معروف يوم الصراط ،،،،،،،، اليحب احسين ايمر اسرع امنل الطلقه
والمايحب احسين يتمايل ويوكع ،،،،،،،، وحك الله وكعته ياناس كشره
وانه مامر بيه العيد لحظه ،،،،،،،، ونسيت احسين واشتريت اهدوم حلوه
انه صار اسنين امتاني عيدي ،،،،،،،، عيدي جبير من تفرح فاطمه الزهره
لان دم احسين مهدور لليوم ،،،،،،،، ومحد ماخذ ابثاره وكَلبي ايفرحه
لان دم احسين محد ياخذ ابثاره ،،،،،،،، بس ابواخدود السمر والمعروف امره
مهدينه الحجه المنتظر اني انتظره ،،،،،،،، اعيد اوياه وذب اهدومي السمره
وهاذه عيدي الصار اسنين انتظره ،،،،،،،، افرح من تفرح ياناس زينب الحره
وترجع من صدك ياناس الاعياد ،،،،،،،، ودين ربك يرجع وطلابه منتشره
وتنشر طلاب مهدينه امر الاسلام ،،،،،،،، ويرد بزنوده مهدينه الفرح وينشره
وعيسى صار اسنين ينطر الحجه ،،،،،،،، ايصلي خلفه ويركع ويسجد لربه
ــــــــــــــــــــــــــــــــــــــــــــــــــ ـــــــــــــــــــــــ
بقلمي خادم اهل البيت (عبدالله الشاعر)

[ابن الشاعر]

السلام عليكم
اخي عبد الله الشاعر
كل عام وانتم بخير
واعاده الله عليكم
وفقكم الله اخي الكريم
اخوك ابو مهدي

[ثورة الحسين]

شكراً لردك الرائع والجميل تحياتي
اخوك الصغير (عبدالله الشاعر)

[حُسينية الهوى ~]

أسعد الله ايامكم بطاعته ورضوانه
وكل عام وانتم بالف خير ,

تحياتي وخالص دعائي .

[مرتضى شكر]

الأخ عبد الله الشاعر

أحسنننننننننننت

مرتضى شكر
النجف الأشرف

[ثورة الحسين]

شكراً لردك الرائع والجميل تحياتي
اخوك الصغير عبدالله الشاعر
ـــــــــــــــــــــــ
سفير احسين مسلم ماهاب ابد موت
بلغ وصيت احسين وصوته صوت