الثوره العالميه .. بقيادة الدموع .. لطميه للامام الحسين ع

[زكي الياسري]

عهد مع الحسين عليه السلام ... بأن تبقى الدمعه ... رايه في ساحة الكرامه ... و سيف في وجه الطغاة يهز مضاجعهم حتى تسقط
بأيدي الشيعه الرافضه للظلم و الطغيان
ثوابها الى كل من يقرأها و الى شيعة امير المؤمنين عليه السلام المنسيين و خاصة خدمة الحسين و الشهداء الكرام
زكي الياسري النجفي
2/11/2010
يبو سكينه .... تشهـد الدمعه علينه
يبو سكينه .... لجلك الطمه و بجينه
دمعنه الجاري ... لهيبه الناري ... يهز كل ظالم .. شهيد الباري
1
احنه شيعه و جعفريه احنه انصار الفخر
احنه بركان المدامع بسم الحسين انفجر
هالدموع السايله ... جالسيوف القاتله
تشهد اعروش الطغات اعليهه .. تشهد اعروش الطغاة اعليهه
ثورة اصحاب الضماير كل وكت قِدناهه
ما نِمِل من الكفاح المسأله اعلناهه
احنه اكبر ملحمه ... للقيامه قائمه
راية الله بكل فخر شلناهه.. راية الله بكل فخر شلناهه
يبو سكينه .... عل النهج لا ما نسينه
يبو سكينه .... و انته ربان السفينه
دمعنه الجاري ... لهيبه الناري ... يهز كل ظالم .. شهيد الباري
2
للابد احنه سلام الكل عَدول انطيعه
هذا مبدأنه الرشيد وللابد منبيعه
لكن اعله المارقه ... جن صواعق حارقه
هذي معروفه بطباع الشيعه ... هذي معروفه (بصفات) الشيعه
من ابو اليمه عرفنه ما نذل للظالم
لهل السبب دين الله لسه بينه باقي و قائم
ما نسينه كربله ... و القيم متواصله
الله سبحانه و تعالى العالم .. الله سبحانه و تعالى العالم
يبو سكينه .. علعهد لا ما نبايع
يبو سكينه .. للظلم لا ما نشايع
دمعنه الجاري ... لهيبه الناري ... يهز كل ظالم .. شهيد الباري
3
يبو الاكبر وحك دمك يبكَه خالد بينه
كل عرش ظالم يزول شما تطول اسنينه
تبكَه شعلة كربله ... لليحبك بوصله
مثل شعلة حيدر ابصفينه .... مثل شعله حيدر ابصفينه
هالضماير و السراير علعشكَـ مفطوره
كل فدائي بينه اصبح من شعاعك نوره
يبن طه المصطفه ... قسم نقسم علوفه
للأبد ثورتنه علمعموره ... للأبد ثورتنه علمعموره
يبو سكينه .... ثورة الحكَـ عالميه
يبو سكينه .... اي وحكَـ ضلع الزجيه
ودمعنه الجاري ... لهيبه الناري ... يهز كل ظالم .. شهيد الباري
4
دمعة الشيعي الجريه قنبله موقوته
و الطواغيت ابرعبهه دائماً مبهوته
ترتجف من تستمع ... تخاف من هذا الدمع
دمع صح .. لكن يلعلع صوته ... دمع صح لكن يلعلع صوته
مهدويه بالبقاء الثوره يهل الشيمه
اخرويه بالعطاء و بالخلود القيمه
ثورة انقاذ الفكر ... بالمدامع تنتشر
و الحسين القائد ابتنضيمه ... و الحسين القائد ابتنضيمه
يبو سكينه ... رايتك ترفل زهيه
يبو سكينه ... يا شهيد الغاضريه
ودمعنه الجاري ... لهيبه الناري ... يهز كل ظالم .. شهيد الباري
5
الشهاده بهلطريقه و الله يا محلاهه
و الله يحسين ابمحبتك حكَنه من نتباهه
انته ناموس الفخر ... منك ادروس و عبر
و الكرامه بثورتك عشناهه .... و الكرامه بثورتك عشناهه
بسمك الدين استقام و كربلاء الايه
والسيوف الرتِلتهه و الدماء الرايه
رفرفت طول الزمن .... و اصبحت النه وطن
وين ما ذبنه الزمن بــَنّايه .. وين ما ذبنه الزمن بــَنّايه
يبو سكينه ... كل زمن اصبح زمانك
يبو سكينه ... و كل ارض صارت مكانك
ودمعنه الجاري ... لهيبه الناري ... يهز كل ظالم .. شهيد الباري
زكي الياسري النجفي
2/12/2010 كيل
</b></i>

[سيدمحمدعلي الموسوي]

بسمه تعالى
اللهم صل على محمد وآل محمد
وعجل اللهم فرج الحجة ابن الحسن عجل الله فرجه الشريف
والعن اعداهم أجمعين من الأولين الى الآخرين
شكرا أخي العزيز (زكي الياسري)
االقصيدة قيمة ورائعة جداً
ولك شكري وتقديري
ونتمنى وجودك معنا على الدوام
وبارك الله فيك
ونتمى الأكثر
ونتمنى منك تفاعل أكثرفي منتدى الكتاب
موفقين لكل خير
والتوفيق للجميع

[زكي الياسري]

حيا الله مولانا السيد الموسوي ... اخي الغالي ... اشتقت لكم كثيييييرا و اسال الباري ان يجمع الشمل في النجف باقرب وقت
رعاك الله تعالى

[سيدمحمدعلي الموسوي]

آمين يا رب العالمين

[نزار الفرج]

بسم الله الرحمن الرحيم
بارك الله بهذه الروح المضمخة بحب من انتصر دمه على السيف
سيد شباب اهل الجنة .. سلام الله عليه.. اتحفنا السيد زكي الياسري
برائعته الحسينية .. بوركت مولانا وبورك شعرك
تزار الفرج ابو محسد

[شموخ كربلاء]

السلام عليكم
بوركتم اخي الكريم
وطيب الله انفاسكم وسلمت اياديكم
واثابكم الله لكل خير
سلامي وتحيتي

[رياض الرسل]

السلام عليكم

سيدنا الغالي

اين ماتكون فأنت مبدع
الله يوفقك لكل خير
اكثر من رائع

تقبل مروري المتواضع

خادمك
رياض الرسل

[حُسينية الهوى ~]

خطت بقلب مكلوم , وروح ثورية !
قصيدة تتفجر عشقا لساكن أرض الطفوف وشمسها ,

السيد الياسري
أبدعت بترف , من روائع ما قرأت .
شكري وامتناني لروعة حضورك اخي
وتراتيل الدعاء تعانق السماء لترفل بعناية الله .

[زكي الياسري]

احطتموني بجميل الثناء و لطيف الاطراء .. بصريح العباره .. انا لا املك لكم الا الدعاء رداً .. بأن يحشركم الله تعالى في ركب سيد الشهداء ابي عبد الله الحسين عليه السلام
في طريق الكفاح الكربلائي

خادمكم زكي

[ثورة الحسين]

كلمات رائعه وشكرا على الموضوع الجميل تحياتي
اخوك الصغير عبدالله الشاعر

[زكي الياسري]

حياك الله يا صديقي العزيز عبد الله الشاعر

اسألك الدعاء

[الروح]

وكأن للثورةِ أبواباً فكان الشعر منها ..؛
وقد ولجتم يا سيد من أوسعه..!
فكانت كلماتكم الطاهرة تتأجج بالشموخ والإباء
طبتم على الولاية مطهرين طاهرين
ودمتم بحبِ الحسين وآلهين
إمتناني أتلوهُ لجنابكم مولاي الكريم

[زكي الياسري]

حيا الله اختنا الفاضله ... اسال الله ان يتقبل مني هذا القليل