هل اهلالك يا شهر الدم

[زكي الياسري]

عذراً يا رسول الله ... عذراً يا سيدتي يا فاطمه
اذا آلمَتكم ابياتي

اهدي ثوابها الى امواتكم و اموات شيعة امير المؤمنين المنسيين .. و خاصه الشهداء الكرام و خدام الحسين عليه السلام

هل اهلالك يا شهر الدم
يمحرم يا شهر اللوعه ... جم جبده الـمِنَّك مفجوعه؟
جم ركَبه ابسيفك مكَطوعه؟ ... غطي اهلالك شهر محرم
هل اهلالك يا شهر الدم
>>>1<<<
جم عين بميعادك تدمع؟ ... جم حيل ابحزنك يتِكَطّع
جم مصرع بيك و جم مصرع ... ويا مهجه ابطلتك تتألَّم؟
هل اهلالك يا شهر الدم
>>>2<<<
جبد آدم منك مفجوعه ... و نوح النوحه ابين اضلوعه
موسى و هارون بفد لوعه ... ومن همهم هم الزهره اعظم
هل اهلالك يا شهر الدم
>>>3<<<
يمحرم بيك اشجم صوره ... هزت ارجاء المعموره
خلت جبد احمد مجموره ... راس ابنه البدماه اتخذم
هل اهلالك يا شهر الدم
>>>4<<<
هل اهلالك و الدم زمجر ... جن صور ونافخ للمحشر
حَشّد كلِ إشياطين الشر ... بيدَيهُم يا منحر سلّم؟
هل اهلالك يا شهر الدم
>>>5<<<
هل اهلالك تدري ابهلته ... تنضام و تنذل عايلته
لو ما تدري ابأثم الشلته؟ ... يا شهرالشوم احجي اتكلم
هل اهلالك يا شهر الدم
>>>6<<<
نحر احسين الدمَّه الساري ... ما بطَّل نزفه الضل جاري
ويلي بيوم العاشر عاري ... ويلي وتدري بصدره اتهشم؟
هل اهلالك يا شهر الدم
>>>7<<<
يمحَرَّم تدري بيا حاله ؟ ... داست اطفاله الخياله
عطشان ومحد يبراله ... وَهَوه الجانلهم مي زمزم
هل اهلالك يا شهر الدم
>>>8<<<
يمحرم بعدك يسبوهه ... بت حيدر ويلي يسلبوهه
لبوة حيدر ميصونوهه ... ويلي اشكَد زينب حملت هم
هل اهلالك ياشهر الدم
>>><<<
بيك ابدور اتغيب و تأفل ... بيك ابليس ايقيم المحفل
بيك انعاد الذنب الاول ... شهر الكَبلك ريته لا تم
هل اهلالك يا شهر الدم

زكي الياسري النجفي
06/12/2010
كيل

[جاسم العجمي]

يًسِلمٍَوٍوٍوٍوٍوٍوٍوٍوٍوٍ عُلىٍ آلطَرٍحِ آلرٍآئعُ’’’
سِلــــمٍَــــتِ وٍ عُآشُتِ آلآيًآدُيً""






وٍدُوٍوٍوٍوٍوٍوٍوٍوٍوٍوٍوٍوٍوٍوٍمٍَ هُآآآآآآآآآآآلتِمٍَيًزٍ آلرٍآَقٍِيًَ فٍيً آلمٍَوٍآضَيًعُ""
آللهُ لآ يًحِرٍمٍَنٍهُ مٍَنٍكـ وٍلآ مٍَنٍ جَدُيًدُكـ"

[زكي الياسري]

حيا الله ابو محمد العجمي على المرور العطر

[شيعيه_نجفيه]

قد ابدع قلمك في وصف شهر الحزن والسواد


مأجور وجزاك الله خيرآ

[زكي الياسري]

حيا الله الافاضل الكرماء
اسال الله القبول مني و منكم بحق الحسين عليه السلام

[عازف الليل]

الف شكر بارك الله بيك

[دمعه من قبة العسكريين]

اللهم صل على محمد وآل محمد وعجل فرجهم الشريف

عاشت اياديكم الطاهره
ودمتم برعاية المولى

[زكي الياسري]

حيا الله الاعزاء

عظم الله اجركم بمصاب الزهراء ببنيها الكرام ع

[رياض الرسل]

طيب الله انفاسك
موفق موفق