نحن انصار الحسين

[زكي الياسري]

ثوابها الى قرائها و اموات شيعتنا المنسيين

الحسين الحسين .. نحن انصار الحسين
**1**
يا حُسين احنه نجاهد حتى لو تجري دمانه
علعهد جينه و نريدك تأذن نحارب عِدانه
احنه انصار الشريعه جينه و المبدأ دعانه
نرخص الاجلك عمرنه هذا والله مبتغانه
يا سليل الطيبين ..... نحن انصار الحسين
**2**
جينه و النخوه اتحدينه نبغي عن هاشم ندافع
عــــقدنه علموت العزيمه لا تهاون لا تراجع
ما نريد الدنيه هذي وبيــــهه ما عدنه مطامع
جينه للزهره الزجيه و الشــــــفاعتهه نسارع
هاهنا ثأرُ الجنين ...... نحن انصار الحسين
**3**
يا حسين الدنيه هذي وانته ما بيهه متــاهه
شلنه بالدنيه و ثراهه دون نورك ياضواهه
احنه احرار اوشيمنه من فخر اسمك سناهه
احنه سيف الله بيمينك بينه باريــنه ايتباهه
نحن ابطال العرين ..... نحن انصار الحسين
**4**
احنه ثوره معنويه احنه احرار الضــماير
هذا نافع هذا عابس وي حبيب ابنَ مضاهر
وهذا اْبن حر الرياحي هذا صنديد المفاخر
من زهير ومن برير ابـكربله اتهاب العساكر
اننا الحبل المتين ... نحن انصار الحسين
**5**
فدوه للحره العقيله كل دمانه وكل عمرنه
بت علي حامي الحميه تنتخينه يا فخرنه
كلنه عد عينج يزينب ننتظر منج امرنه
من علي لو ما ندافع شنهو يا زينب عذرنه
للمنايا قاصـــدين ... نحن انصار الحسين
**6**
هايمه الروح ابهواكم يا نسل خير البريه
بالمناحر نفتديكم اي وحكَـ هيه الزجيه
والله يعلم بالسراير صافيه ابحبكم نقيه
باليقين العدنه جينه نسحكَـ اخشوم آل اميه
اننا جندُ اليقين ... نحن انصار الحسين

[علي البههادلي]

احسنتم وجزيتم خيرا عزيزي
ماجورين بحول الله تعالى وفقكم الباري لكل خير
واعظم الله تعالى لك الاجر بمصاب سيد الشهداء

[بحب الله نحيا]

اللهم صـلِ على محمد وعلى آل محمد الطيبين الطاهرين وعجل فرجهم ياالله

السلام على الحسين وعلى علي بن الحسين وعلى أولاد الحسين وعلى أصحاب الحسين

طيّب الله أنفاسَك أخي زكي وبارك فيك
أرجوا من الله تعالى أن ننال شفاعة جدّنا الحسين عليه السلام
يوم المحشر إنّه سميع مُجيب
^^

[الروح]

أللهُمّ بارك بمدادٍ كان مع انصار الحُسين على موعد مع النور
سيدزكي زكاكَ الله بنفحات عطفه
لقد أجدتَ فبوركتَ و تباركَ حرفُكَ الطُهر..؛
وتقدسَ في علياء الحُسين مذخوراً لكم ..

تشكرآتي وامتناني مُقيم

[رياض الرسل]

السلام عليكم


سيدنا


موفق لكل خير

رياض الرسل