شاركونا بما تجود به قرائحكم للأمام الحسين (ع)

[رياض الرسل]

السلام عليكم

احبتي الشعراء الحسينيين المخلصين
وفقنا الله لخدمة محمد وآل محمد
ان شهر محرم لهو شهر الحزن والبكاء
على سيدنا و مولانا الامام الحسين (ع)
وفاءا للزهراء (ع)
اطلب منكم ان تضعوا بصمة للحسين
بما تجود به قرائحكم
انتطر مشاركاتكم احبتي
واليكم مشاركتي


بعــد بـينه دمع ماتـنـشـف العـيـن
ويخلص كل عمرنا نبجي لحسين


خادمكم
رياض الرسل

[زكي الياسري]

بالصفات الضاهريه
الناس مختلفه الصور
كل شخص يحمل صفات .... اتميزه عن باقي البشر
و احنه من دون الخلايق
شلنه عنوان الفخر
حيث يجمعنه الحسين
شما يفرقـنه الدهر




هذه مشاركتي يا رائع اتمنى ان تنال رضا الحسين

[رياض الرسل]

تسلم على هذه المشاركه القيمه
حبيبنا الغالي سيد زكي المحترم

الله يوفقك ويحفظك


وينهم خدام الحسين
وينهم احباب الزهراء


اليكم مشاركتي احبتي

يل رايد تنول السعـد لحسيـن روح وكـصده
ومن تحس عندك مشكله حل المشاكل عنده


خادمكم
رياض الرسل

[احمد العراقي]

السلام عليكم
وعظم الله اجورنا واجوركم اخوتي الاحبة

مشاركتي البسيطة

لحسين بخت الذي شد بالعشگ راحله
او ربّه اعله دربه النفس ولكربله راحله
وابگبره من يگصده گلبه ايعرف راحله
ابنيران عاشگ يخف نگل الجدم ماشله
بيه جرح لوما المشي كل حل ضمد ماشله
ويصيح لولا السبط واحدنه ابد ماشله
امن النار چيه للشرع صانه وبذل راحله



تحياتي

[رآحيل]

بدرب الحسين الكلب ضل ينزف ويه العين
لن الحسين الشرع والشرع يبجي الدين
’’’’’
بصراحة هذا ما قدرت على كتابته ارجو من الله القبول’’
ومنكم العذر’’’
’’’’’
استاذنا الفاضل رياض الرسل
بارك الله فيك وتقبل خالص تحياتي

[رياض الرسل]

السلام عليكم

احمد العراقي

تاج راسي شاعرنا الكبير

موفق على هذا الموال الرائع
جعله الله في ميزان اعمالك
وكل الشكر لك على هذه المشاركه
ننتظر المزيد منك حبيبنا


رياض الرسل

[رياض الرسل]

السلام عليكم

اختي الفاضله

اسرار


موفقه على هذه المشاركه
والله يحفظك و يوفقك لكل خير
جعلها الله مقبوله عند الزهراء (ع)


رياض الرسل

[رياض الرسل]

السلام عليكم

احبتي اليكم مشاركتي


ابو فاضل ليش ضحه بالجفوف
وليش قدمنهن لبن حامي الحمه
حتى يـرفـع بيها راس ام البنين
وشامخه بـاجـر اتـواجه فـاطمه
*******************


خادمكم
رياض الرسل

انتظر مشاركاتكم

[ابو ظاهر البركي !]

السلام عليكم


احبتي اليكم مشاركتي


ابو فاضل ليش ضحه بالجفوف
وليش قدمنهن لبن حامي الحمه
حتى يـرفـع بيها راس ام البنين
وشامخه بـاجـر اتـواجه فـاطمه
*******************


خادمكم
رياض الرسل

انتظر مشاركاتكم


انه اكَلك ليش ضحة بالجفوف
حتى يسكَن ماي كلمن زاره

وحتى امه هناك كَدام البتول
تضل عزيزة شان مامحتاره

السلام عليكم ورحمة الله وبركاته
استاذنا الفاضل اخي الجليل خادم اهل البيت رياض الرسل
تقبل مني هذا مروري

وارجو ان يقبل منا كل مانكتبه بحب الرسول وال بيته الاطهار


خادمكم
أبو ظاهر البركي

[احمد العراقي]

السلام عليكم
اخي الغالي رياض الرسل
الله يسلم رسك ويحفظك يا طيب
تسلم


ابحلگ الموت حط جدمه اليزور حسين
اموثَّب عالمخاطر ما رجف گلبه

وفه اجر الرسالة لطه يقضي يريد
ويجسّد بالزيارة امودة القربه

تحياتي

[رياض الرسل]

السلام هذا الرد على حبيبنا الغالي
ابو ظاهر البركي



ياروحي بهوه الخدام لتقصريــــن
وكل واحد يشارك بالدمه اشتركي
وتاج الراس هـــذا والخدم لحسين
منه والنعــم وتــردي عالـبــركي


خادمك
رياض الراس

[رياض الرسل]

السلام عليكم

حبيبنا الغالي
وتاج راسي

احمد العراقي

اشكرك على هذه المساهمه
موفق لكل خير
واسأل الله ان لايحرمنا منك ياغالي


رياض الرسل

[رياض الرسل]

السلام عليكم

احبتي واليكم مشاركتي
واني بخدمتكم


الشمر من حزها الركبته --- حـز جميع المسلمين
وماطلع دم من وريـــده --- طلع صوت ام البنين
************

انتظركم خدام الحسين للمشاركه


خادمكم
رياض الرسل

[احمد العراقي]

السلام عليكم

قدماها حسين صفحة الـ بالطفوف
ابنور نجمات الشهادة امرصعه

ابدمه چف عباس خط ما تحتويه
ومن رفعها ابدم رضيعه اموقعه


تحياتي

[ثورة الحسين]

السلام عليكم اخوتي
هذه مشاركتي البسيطه
ـــــــــــــ
(اجمل ماقلته في حب الحسين قبل ولادته ويوم ولادته ويوم استشهاده (ع))
***
دارميات
(قبل الولاده)
ـــــــــــــــ
روحي علفكد احسين لطمت الخدين
ادم كبل ميصير هلدمعه لحسين
*****
يونس ابطن الحوت دك كلبه دكتين
وصاح ابعلات الصوت احضرني يحسين
*****
نوح ابوسط طوفان واتنخه بحسين
من طلع شاف النور صله ركعتين
******
دارمي
(يوم الولاده)
ـــــــــــــــ
اميلاد الحسين اصار بس الله يدري
شمه الرسول ابفرح ودموعه تجري
ــــــــــــــــــ
دارمي
(يوم استشهاده)
ــــــــــــــــ
علرمح راس احسين وزينب تنظره
صار الرمح والراس فاطمه الزهره
ــــــــــــــــــــــــــــــــ
بقلمي خادم اهل البيت (ع)
(عبدالله الشاعر)

[ثورة الحسين]

بسم الله الرحمن الرحيم
_______________
تدري ماطلع دم ليش ....... من حز وريده الشمر
لان دمه بيد الزجيه ........ وحز الشمر رايح هدر

_____________
بقلمي خادم اهل البيت (ع)
(عبدالله الشاعر )

[رياض الرسل]

السلام عليكم

الغالي وحبيبنا

احمد العراقي


كل الشكر على هذه المشاركات الطيبه
خدمته الى سيدنا و مولانا الامام الحسين (ع)
موفق لكل خير تاج راسي
والله لايحرمنا منك

رياض الرسل

[رياض الرسل]

السلام عليكم

حبيبنا الطيب

عبد الله الشاعر الغالي

مشاركتك افرحتني كثيرا
وحضورك الكبير
دمت بكل خير وبركه
ودام قلمك الى مولاك الامام الحسين (ع)

خادمكم
رياض الرسل

[زكي الياسري]

آنه وحروف القوافي الصارت الروحي طبيب
نبجي مشتاقين و الله الحضرة احسين الحبيب
تعبتنه الغربه و الله و هذا واقعنه الرهيب
آنه وحروف القوافي نرفع اصوات النحيب
نرفع اصوات المدامع من غريب العد غريب

تحيه الى كل الاعزاء

[رياض الرسل]

السلام عليكم

حبيبينا الغالي

سيد زكي الياسري

انشاء الله تنتهي الغربه على خير
والله لايحرمنا من وجودك بيننا
مشاركه رائعه واجرك على مولانا الحسين

واني ماناسيك بالدعاء

خادمك
رياض الرسل

[رياض الرسل]

السلام عليكم

احبتي احباب الزهراء

وين مشاركاتكم

وهاي مشاركتي وانتظركم


بعـد بـيـنه دمع مانشفــت العـيـــن
ويخلص كل عمرنا نبجي لحسين


خادمكم
رياض الرسل

[زكي الياسري]

لكِ الله يا عيني فجودي بالدما .. بدلَ الدموع على حبيب المصطفى
و تَزودي بِثرى الطفوف لعلهُ ... يُروى ضما الجُرح المؤمِلِ للشفا
و تَعطَّري فشذا رمال الغاضريه منذ آدمَ ما اضمحلَّ و ما انتــفى
و تنَّوري فشعاع شمس الله في افق الكـرامه ما تضائل و انطفى
يا عين جودي بالدموع الساكبات على الذي ذبحوه من صوب القفا

و دعي التـَـصبرَ
لغير الحسين

زكي

[رياض الرسل]

السلام عليكم

سيدنا الغالي
الياسري


اشكرك كل الشكر
على هذه المشاركه القيمه
وجعلها الله في ميزان اعمالك
الله لايحرمنا منك

دمت بكل خير


رياض الرسل

[رياض الرسل]

السلام عليكم

احبتي الكرام
وهذه مشاركتي مع الود

من كال الحسين انذبح برض الطف
ومن كال انرفع فـوك الرمح راسه
راد السيف يتشرف يـبــوس حسين
من نفس المكان الجــده بـي بــاسه




انتظر مشاركاتكم

خادمكم
رياض الرسل

[شجر الاراك]

ببحضرتك ياعلي يطوف الزمان ومن نجي نلكه المـضه والما مضه
ونلكه جايي يطوف بيك ابعد مكان الكاع تلتلتم وتجيب الرافضه
وراح اسولف حاله صارت بالضريح بيه لمن زرت كبر المرتضى
لازم بجفيني شباج الامام ودرت وجهي وبست شباج الرضا

ومن غاب نور النبي نورك تجله فحل
الجنه جنت علي مكتوبه بسم الفحل
والمايعرفله عمر عد حيدرا الف حل
من حيث تشهد اله اهل المدن و البدو
معذور يابا الحسن مواانته هم البدو
عمر ابن ود من برز كلهم وراك البدو
جــــــــــا بــــــــــس علـــــــــــى ام الحـــــــسن واحدهـــــــــــــــم اصبــــــــــــح فحـــــــــــــل

[ثورة الحسين]

بسم الله الرحمن الرحيم
هذه هي مشاركتي البسيطه
ــــــــــــــــــــــ
ومضه
http://ahbabhusain.com/vb/images/smilies/65.gifــــــــــــــhttp://ahbabhusain.com/vb/images/smilies/65.gif
من تطلب فزعت الناس اتحس بالمذله
ومن تطلب فزعت حسين اتحس بالفخر
لان حسين علمنه امنين نطلب
وحسين يوم الحشر يرفع راسك يابشر
http://ahbabhusain.com/vb/images/smilies/65.gifــــــــــــــــــــــــــــhttp://ahbabhusain.com/vb/images/smilies/65.gif
بقلمي خادم اهل البيت (ع)
(عبدالله الشاعر)