اربعينيه .. احنه من دون الخلايق شلنه عنوان الفخر

[زكي الياسري]

هديه الى زوار الحسين عليه السلام حفظهم الله بحق دموع الزهراء على الحسين عليه السلام
ثوابها لهم و الى امواتكم و اموات شيعة امير المؤمنين المنسيين لاسيما الشهداء الكرام و خدمة الحسين عليه السلام
و اخص بالذكر ابو عبد الحسين ابو شبع و عبد الامير المرشد و عبود غفله و كاظم منضور و الخالد الجمري
و عبد الرسول محي الدين وجميع الشعراء الافذاذ الذين اوصلوا لنا الامانه بكفاحهم المنقطع النضير





زكي اليـــ النجفي ــــاسري

احنه زوّار الحُسين ..... جينه نحيي الاربعين
كربله و احزانــها .... بالفخر عنوانـــها
احنه زوار الحُسييييييين
1
جينه نحمل علجتاف هموم والآم السنين
جينه و نريد الفرج منك يلاه العالمين
نقسم اعليك بضلع فاطمه بت طه الامين
عجل اضهور الامام الياخذ بثار الحسين
عجل اضهور الامــام .... حته ننعـــم بالسلام
جينه و الحادي الدمع .... نقسم بحق الضلع
احنه زوار الحسييييييين
2
بالصفات الضاهريه الناس مختلفه الصور
كل شخص يحمل صفات اتميزه عن باقي البشر
و احنه من دون الخلايق شلنه عنوان الفخر
حيث يجمعنه الحسين شما يفرقـنه الدهر
وي ابو اليمه الشهيد .... هذا منهجنه السديد
شما قسه اويانه الزمن .... يبقه لحسين الوطن
احنه زوار الحُسييييين
3
احنه قاموس الكرامه من عطانه رفعته
احنه مشعل كل فضيله من هُدانه جذوته
احنه كل ثائر تعلم من دمانه ثورته
و كل فدائي و كل مناضل احنه سيف بيمنته
احنه عبَّدنه الطريق ..... احنه حبل الله الوثيق
احنه اهل الغانمه .... و السيوف الصارمه
احنه زوار الحُسييييين
4
احنه صرخة رفض تدوي بسمع كل ضالم رعد
احنه سدّ الكل يزيد ابحال امتنه استبد
احنه مصداق الخلود الجان من زينب وعد
قسم نقسم مانموت و عِدنه من حيدر مدد
احنه اولادك علييييي ..... بينه كل هم ينجليييي
احنه ميهمنه اليكَول ... بدعه حب ال الرسول
احنه زوار الحُسيييين
5
ويه كل كطره بدمانه يسري حب ال النبي
احنه غير احسين ابداً ما نريد و ما نبي
احنه ما قــَرّينه ابداً بالولا للأجنبي
احنه ما بعنا العقيده ( في سبيلِ المطلبِ )
اسأل اعلينه الطغاة .... منهو باقي بالحياة
بيمن اتجله الخلود ... منهو مصداق الصمود
احنه زوار الحُسيييييين
6
احنه بركان القيَمْ خالد على مر الدهور
سر بقاء الدين دمنه و البجي ولطم الصدور
حب ابو السجاد بينه جوهري .. بالـ لا شعور
يعني وي طينتنه جان بمبتدأ فطرتنه نور
احنه فرسان الولاااااء ..... و بدمانه كربلااااااء
نِحسهه وي دكَـ النبض .... كل دقيقه تنتفض
احنه زوار الحُسيييييين
زكي اليـــ النجفي ــــا سري
22/12/2010
15/محرم/1432
كيل

</b></i>

[رياض الرسل]

السلام عليكم

حبيبنا الغالي وسيدنا

الياسري المحترم

اسأل الله ان يسجلك من زوار الحسين
واني مخصوص بالاربعين بالزياره
ان بقينا وبقت الحياة انشاء الله
اذكرك يم الشباج

موفق لكل خير وبركه


تقبل مروري


رياض الرسل

[زكي الياسري]

حيا الله استاذي الغالي الشاعر رياض الرسل
تسلم يا مولاي على هذا المقصد
اسأل الله ان يجمع الشمل تحت القبه الذهبيه
للمولى المقدس

تحياتي و خالص دعائي

[رآحيل]

نعم نحن مشعل الكرامة في دروب طالما رويناها بدماء شهدائنا’’’
دروب تخطيناها بدموع ودم لم نرهب الموت ونحن ننادي يا حسين’’
سيدنا الفاضل زكي الياسري ’’’
بارك الله بكم لهذه القصيدة الرائعة
ولأنك أهديتها لأمواتنا وأموت الموالين’’
مأجور سيدنا الله يوفقك بحق الحسين

[زكي الياسري]

حيا الله الفاضله اسرار .. و ان شاء الله يتقبل منا هذا القليل بحق دماء الشهداء الابرار

[ربيبة الزهـراء]

اللهم صلي على محمد وال محمد

جعلنا و اياكم من زوار ابا عبدالله الحسين

احسنتم و بارك الله بيكم

[زكي الياسري]

حيا الله اختنا الفاضله ربيبة الزهراء على هذا المرور الذي زاد الحروف الق
تحيه من صميم القلب لكم و لجهودكم العظيمه

[احمد العراقي]

السلام عليكم
مولاي الغالي زكي الياسري
عظم الله اجورنا واجوركم
قصيدة جميلة ورائعة كما تعودنا ان نقرا لك
ان شاء الله نور في ميزان اعمالك بحق دماء الامام سيد الشهداء عليه افضل الصلاة والسلام
تحياتي واحترامي لك مولاي

[ثورة الحسين]

جزاك الله خيراً بحق سيد الشهداء (ع)
تحياتي اخوك الصغير عبدالله الشاعر

[زكي الياسري]

تاج راسي الشاعر المقتدر احمد العراقي ... تحيه لمرورك العطر و شهادتك لي وسام على قلبي يا غالي

اسأل الله القبول ان شاء الله

[زكي الياسري]

اخي العزيز عبد الله ... تحيه من صميم القلب لهذا الوصل الدائم اسأل الله لك التوفيق
حياك الله تعالى

[سعد مطلوب]

احنه بركان القيَمْ خالد على مر الدهور
سر بقاء الدين دمنه و البجي ولطم الصدور
حب ابو السجاد بينه جوهري .. بالـ لا شعور
يعني وي طينتنه جان بمبتدأ فطرتنه نور
احنه فرسان الولاااااء ..... و بدمانه كربلااااااء
نِحسهه وي دكَـ النبض .... كل دقيقه تنتفض
احنه زوار الحُسيييييين
**********
اخي وعزيزي الغالي
السيد زكي الياسري
مولاي العزيز قصيده رائعه ومفردات في غاية الروعه بارك الله
بيك يارائع وموجديد عليك هذا التميز والابداع تمنياتي لك بالموفقيه .

[زكي الياسري]

من مثلي و قد عطر صفحتي خادم الزهراء الرائع .. سعد مطلوب الخفاجي
مولاي افرحني مرورك و اطرائك و ثنائك و دعائك

تحيه مصحوبه بالدعاء الخالص

[ابو ظاهر البركي !]

نعم انتم نعم احنه نعم كلنه
فدوه لسم حسين دمنه

نعم نبقه نكول لا
وبيها بعيون النواصب..
شوكه صرنه
همه حارو بين كل طرق الضياع
واحنه وي حسين للجنه دربنه

استاذي ومولاي الياسري
رزقنا واياكم شفاعة الحسين عليه السلام
اخي الجليل ستشفع لكم كل كلماتكم بحب الحسين ان شاء الله

تقبل مروري


خادمكم
ابو ظاهر البركي

[زكي الياسري]

نعم ............... ببركات دعواتكم الصادقه رزقني الله تعالى الزياره .. ماذا اقول عنها ؟؟؟؟

كنت في الجنه و لم اتمالك دموعي من الانهمار حين الوداع

لكني سأعود لأغفو في احضان الحسين



تحيه الى كل من عطر القصيده و كل من دعا الله لي الزياره

تحياتي و خالص دعائي

[الروح]

سيد زَكي الياسري ..؛
تتضوعُ طيباً يَ ألقَ الحرف ..؛
ونبراس الكلمات..؛
يارعاكَ اللهُ أبداً سائراً على خُطى الحُسين ..؛

دمتَ بودّ

[سديم الفجر]

السلام عليكم ورحمة الله وبركاته
بوركت يدكم سيدنا مبدع ماشاء الله
من الفصيح للشعبي تتقاطر جمالاً وابداع
حفظكم الله اين ما كنتم وايدكم بنوره

[ثورة الحسين]

تسلم اناملك على هذه الكلمات الصارخه والصادقه
تحياتي
اخوك الصغير
عبدالله الشاعر

[العلويه الياسريه]

جميله جدا مشكورين اخويه في ميزان حسناتكم ان شاء الله