صدكَـ ماتت رقيــَّـــه ؟؟؟؟؟؟

[زكي الياسري]

ايام وفاة عزيزة الحسين

رُقـَــّيـــــــة

ابيات في حقها ثوابها لكم ......... و اسألكم الدعاء

ويلي ويلي صدكـَ ماتت رُقيـــــــه
ويلي ويلي صدكـَ ماتت رُقيـــــــه
1
حلم شافت حلم ليل النوايب
ابوهه احسين جن بدر الغوالب
اجاهه و بالدمع ليهه يعاتب
يبنتي شلون يسبوج ال اميه ... يبنتي شلون يسبوج ال اميه

ويلي ويلي صدكَـ ماتت رقيه
ويلي ويلي صدكـَ ماتت رُقيه

2
حلم وردي انصبغ اسود يوادم
صفت حمره السمه وكل المعالم
نزف بالطف لأن دم المكارم
حبيب المصــــطفه بالغاضريه .... حبيب المصــــطفه بالغاضريه

ويلي ويلي صدكَـ ماتت رقيه
ويلي ويلي صدكـَ ماتت رُقيه

3
دهر وك يا دهر تسبي الحراير
درر ذني درر بيت المفاخر
صدكَـ بسم الكفر ذيج المناحر
ذبح خلصو ذبح بسيوف اميه ..... ذبح خلصو ذبح بسيوف اميه

ويلي ويلي صدكَـ ماتت رقيه
ويلي ويلي صدكـَ ماتت رُقيه

4
رقيه الحنت الوالدهه ونت
صَحَت من نومهه الزينب تعنت
تكَلهه بالدمع يا عمه جــنت
تريد الروح محبوب الزجيه ...... تريد الروح محبوب الزجيه

ويلي ويلي صدكَـ ماتت رقيه
ويلي ويلي صدكـَ ماتت رُقيه

5
على جمر الالم صوت الفواطم
عله ولن الخبر يوصل الظالم
سأل شنهو الخبر ليش المآتم
رقيه اتريد ابوهه ابهلمسيه ...... رقيه اتريد ابوهه ابهلمسيه

ويلي ويلي صدكَـ ماتت رقيه
ويلي ويلي صدكـَ ماتت رُقيه

6
على اجروح الفجيعه صاح ياناس
خذو ليهه الطشت وبداخله الراس
ولمن شافته خمدت الانفاس
حضنت راسهِ و جتهه المنيه ..... حضنَتّه و اجت ليهه المنيه
ويلي ويلي صدكَـ ماتت رقيه
ويلي ويلي صدكـَ ماتت رُقيه
7
كَبرهه شاهد العظم المصيبه
اسيره اتموت بالشام وغريبه
عجيبه يا خلكَـ والله عجيبه
سبيه تروح ويلي الفاطميه ... سبيه تروح ويلي الفاطميه


ويلي ويلي صدكَـ ماتت رقيه
ويلي ويلي صدكـَ ماتت رُقيه


زكي الياسري النجفي ... 05/01/2011
كيل

[رياض الرسل]

السلام عليكم

سيد زكي الياسري


موفق كل التوفيق
على هذه الكلمات الولائيه
بحق مولاتنا رقيه

دمت بكل خير


رياض الرسل

[ثورة الحسين]

تسلم اناملك على ماخطت من كلمات ولائيه
تحياتي
اخوك الصغير
(عبدالله الشاعر)

[الملكي]

محزن وقيم ماقدمت سيدنا
عظم الله اجوركم
بارك الله فيكم شاعرنا الموالي
تقبل خالص تحياتي

[رآحيل]

دُمتَ رَاقِي الحرف عَذْبَ الوِلاء ..
عظمَ اللهُ أُجرَكُم مولانا ..
لَكَ خالِص التَّحَايَا وَمَزِيد مِنْ التَّقدِير
إنْحِنَاءة لِـ حَرفِكَ الشَّامِخ ..
أسْألُكَ كَثِييرًا مِنْ الدَّعوات ..

[سديم الفجر]

السلام عليكم ورحمة الله وبركاته
اللهم صل على محمد وآل محمد
بارك الله بكم لهذه القصيدة الرائعه
موفقين احسنتم

[زكي الياسري]

رعاكم الله تعالى يا موالي رقيه و ابوها

تحيه من صميم القلب

[ثورة الحسين]

تسلم اناملك على هذه الكلمات الصارخه والصادقه
تحياتي
اخوك الصغير
عبدالله الشاعر

[ابو ياسر الكعبي]

الشاعر الأروع
زكي الياسري
جميلة ورائعة رائعتك
شفع لك والد رقيه
يوم لاينفع مال ولابنون
لك اكمل واخلص واتم تحياتي
اخوك

[أيمن آل زاهر]

أدامك الله راقي الشعر ثابت الولاء قوي اليقين
بانتظار جديدكم المميز دائما
تحياتي لك

[سعد مطلوب]

اخويه العزيز
السيد زكي الياسري
حبيبي الغالي في اي مكان أذهب اجد انفاسك الولائيه تملاء
المكان باراك الله بيك مولاي العزيز ويسلم قلمك الحسيني
على هذهِ القصيده الرائعه تمنياتي لك بالموفقيه .