رحيم الحسناوي
17-01-2011, 10:10 PM
اجينه من الغرب يحسين ... اجينه وجم جرح بينه
اجيتك بالحرم وايتام ... وعليلك هالتهل عينه
ــــــــــــــــــــــــــــــــــــــــــــــــــ ـــــــــــــــــــــــــــــ
رجعنه لكربلا بليّاك ... يمن ما ينحمل همّك
اجينه وشع بدينه الراس ... نردّه مخضّب لجسمك
وتركنه وبالحزن يحسين ... يخط كل الدرب دمّك
طفه عيوني وهدملي الحيل ... وكطع ما بالصدر غمّك
بعد منهو اليحامينه ... بعد عينك يوالينه
انكسر كَلبي وفكَدت الحيل ...وخلص يبن الطهر صبري
انكتب هظم الفكَد وياي ... وتجاسر كل وكت دهري
انه بغيرك يبو الاحرار ... وبعد عينك شلي بعمري
يريت الحز وريد حسين ... يحز كَبل الطهر نحري
وفده عيوني لاجل عينه ... اخوي الما يحاجينه
اجيتك من عذاب الشام ... اجيتك والهظم حالي
يخويه وما حسبت حساب ... يغيب بغربتي الوالي
يخيمة زينب وصيوان ... يروح المرتضى وجالي
بعد غيرك منو الحمّاي ... شده وبلا فكر بالي
بغيابك مر تساجينه ... ومصايبكم تداوينه
يعباس من اجيت وياك ... كَلت يا بت علي وبحماي
ردت ترجع يساجي الماي ... فده ترابك يخويه الماي
شاكولن يا كَمر بالكون ... يَضَي يزهي وينور سماي
يعوني ورايتي ومنواي ... يسيف البالشدد تجّاي
يمن سهم العده بعينه ... صدك ياصل تجافينه
شسولف والعمر يحسين ... بعدكم شالته الونّه
المصاب يدكَ دليلي بجور ... وصالك ايّست منّه
الكَلب كَبل الجدم والعين ... بدمعته لكَبرك تعنّه
شلي بعمري ونضر هالعين ... يخويه وبيمن اتهنّه
اذكرك من توصّينه ... تصبّرنه وتواسينه
رحيم الحسيني الحسناوي
اجيتك بالحرم وايتام ... وعليلك هالتهل عينه
ــــــــــــــــــــــــــــــــــــــــــــــــــ ـــــــــــــــــــــــــــــ
رجعنه لكربلا بليّاك ... يمن ما ينحمل همّك
اجينه وشع بدينه الراس ... نردّه مخضّب لجسمك
وتركنه وبالحزن يحسين ... يخط كل الدرب دمّك
طفه عيوني وهدملي الحيل ... وكطع ما بالصدر غمّك
بعد منهو اليحامينه ... بعد عينك يوالينه
انكسر كَلبي وفكَدت الحيل ...وخلص يبن الطهر صبري
انكتب هظم الفكَد وياي ... وتجاسر كل وكت دهري
انه بغيرك يبو الاحرار ... وبعد عينك شلي بعمري
يريت الحز وريد حسين ... يحز كَبل الطهر نحري
وفده عيوني لاجل عينه ... اخوي الما يحاجينه
اجيتك من عذاب الشام ... اجيتك والهظم حالي
يخويه وما حسبت حساب ... يغيب بغربتي الوالي
يخيمة زينب وصيوان ... يروح المرتضى وجالي
بعد غيرك منو الحمّاي ... شده وبلا فكر بالي
بغيابك مر تساجينه ... ومصايبكم تداوينه
يعباس من اجيت وياك ... كَلت يا بت علي وبحماي
ردت ترجع يساجي الماي ... فده ترابك يخويه الماي
شاكولن يا كَمر بالكون ... يَضَي يزهي وينور سماي
يعوني ورايتي ومنواي ... يسيف البالشدد تجّاي
يمن سهم العده بعينه ... صدك ياصل تجافينه
شسولف والعمر يحسين ... بعدكم شالته الونّه
المصاب يدكَ دليلي بجور ... وصالك ايّست منّه
الكَلب كَبل الجدم والعين ... بدمعته لكَبرك تعنّه
شلي بعمري ونضر هالعين ... يخويه وبيمن اتهنّه
اذكرك من توصّينه ... تصبّرنه وتواسينه
رحيم الحسيني الحسناوي