يايمه يا عريس؟ الشاعر حسين الساعدي

[منذر الساعدي]

يايمه ياعريس للحومه زفوه


يايمه ياعريس للحومه زفوه...من دم ركبته السال بجفوفه حنوه
يايمه لا تبجين...روحي فدى لحسين
يايمه ياعريس للحومه زفوه
.........

وصيتي وتكولين هليوم اريدك..يوليدي ياجسام والحرب عيدك
حامي اعله عمك روح سيفك بأيدك..بروحك تذود اعليه وبدم وريدك
يايمه لتوصين
روحي فدى لحسين
يايمه ياعريس للحومه زفوه
.....
لا تنسى يبني ارباي سهر الليالي..أشكد تعبت اعليك يوليدي غالي
دللتك ابهل يوم جازي دلالي..كون ابقى يبني بيك ضل راسي عالي
اليوم اوفي الدين
روحي فدى لحسين
يايمه ياعريس للحومه زفوه
.....
للحومه من طبيت سيفي بديه..عرفت نفسي ابزود لجيوش اميه
القاسم اني ابن الحسن راعي الحميه..بلحومه لا ما اهاب من المنيه
ابن الحسن تدرين
روحي فدى لحسين
يايمه ياعريس للحومه زفوه
.....
ما همني سهم البين يسهل صوابي...يمه وبعمي احسين زايد عذابي
يايمه لا تبجين ساعة مصابي...طفوه ابعرسي اليوم شمعة شبابي
ماهمني سهم البين
روحي فدى لحسين
يايمه ياعريس للحومه زفوه
....
من طحت صحت ابصوت الحك يعمي..ابلحظه وبذاك الموت لن هو يمي
من شفته ابهل حال زيدلي همي..اشبيدي يعمي كال وامسحلي دمي
صب لجلي دمع العين
روحي فدى لحسين
يايمه ياعريس للحومه زفوه








بقلم
خادم الحسين

حسين الساعدي

[ثورة الحسين]

بارك الله فيك وجزاك الله خير الجزاء بحق محمد (ص)
اخوك الصغير
عبدالله الشاعر

[منذر الساعدي]

بارك الله فيك وجزاك الله خير الجزاء بحق محمد (ص)
اخوك الصغير
عبدالله الشاعر




شكرا لمروركم الرائع
وفقكم الله بحق محمد وال محمد
تقبلوا تحياتي

[ثورة الحسين]

شكراً على هذا الشعر الجميل
واهدي اليك هذه الدارميات
ــــــــــــــ
موجويه ست جويات يلساني احطبيك
ماتذكر حسين اشلون لا تظن اداويك
****
عالرمح راس حسين وافتر سبع فرات
يسمع طفل يا ناس يصرخ يا عمات
ـــــــــــ
بقلمي خادم اهل البيت (ع)
(عبدالله الشاعر)

[منذر الساعدي]

شكراً على هذا الشعر الجميل
واهدي اليك هذه الدارميات
ــــــــــــــ
موجويه ست جويات يلساني احطبيك
ماتذكر حسين اشلون لا تظن اداويك
****
عالرمح راس حسين وافتر سبع فرات
يسمع طفل يا ناس يصرخ يا عمات
ـــــــــــ
بقلمي خادم اهل البيت (ع)
(عبدالله الشاعر)



وبارك الله بمروركم الرائع
ماجورين وتحياتي لكم