ياكربله

[سعد مطلوب]

(( ياكربله ))



ياكربله رد الظعن ينشــد عله حســــــين ... وين الكَبُر وين
وين الكفيل أوجوده وي جفينه والرايه
************
كربله هاي أنه زينب جيت أنشـــدچ عن أخوتي
ريت رب الكـون كاتب وي أبو الســـــجاد موتي
أصرخ بلوعت مصابي بالحزن يرجعلي صوتي
بالنــوح والهم والألم ... رديت باطفـــال أوحرم
أنشد أعله الزم العلم ... شـــلون خـلاني بغُربتي
ورجعت من عُكب اليسر أصفج بلأيدين ... وين الكَبُر وين
وعيوني من طاح الولي لليــوم همايه
************
كـربله واليـــوم عوّد ليـــــچ ظعن الهاشـــــــميه
بالهظم والنـوح يصرخ وين كَبـر أبن الزجيــــه
رحنه عنه ميســـــــرينه أومانصبنـــاله عزيـــه
ظامي وطريح أعله الثره ... بسيوف جثته موذره
والراس ويانـــه ســــــره ... ينظر أفعال آل أميه
ردينـــه ننشــــد عالكَضوا نلطُم الخـديـن ... وين الكَبُر وين
وين ألبدور ألي حمت بســيوفها الثايه
************
كربـله وينـه التكَفل هالحـــرم دلينـــــــه وينــــه
عفتـه طايح بالمعـاره مكَطعه يســـــــاره ويمينه
وراســـه مصيوب أبعمـدهم والسـهم نابت بعينـه
عالمشرعه عفت الكَُمر ... متخضب أبـدم النحر
وبطيحته مســنا الخطر ... والكَلُب زايد ونينـــه
واليـــــوم أدور كافلي أصـــرخ يطيبيـن ... وين الكَبُر وين
والله بمُصيبت كربله ضيّعت ممشـــايه
************
كربـله وشـــــــــــلون وليـــه لمّن الظالم ولانـــه
شـــبو النـــــار بخيمنه عُكَب ما ذبحو حمـــــانه
أنوب بســــهام الشــــماته بلارحم عُكَبـه رمانـه
وجّـرت نيـران الكَلُب ... من شاهدتهم عالتُرب
لليســريحدونه الغُرب ... وسهم المثلث ســـبانه
والوســــن خالَفني وجفه مامر عله العين ... وين الكَبُر وين
والحزن والَفني ونشب نيبانه بحشايه
************
كربله وشــلون نرجع دونهم لارض الرســـــاله
شـَــــرد أجاوب للنشــــدني بيـاوجه أذكر الحاله
والظعن ياهو اليكفله من عُكَب راعي الكفـــــاله
منهو اليشــدّه المحمـلي ... وياهو اليباريلي هلي
من بعـد طيحـت كافـلي ... طاح دسـتور العداله
وتوجهت لارض الغـري لايبوالحســـنين ... وين الكَبُر وين
ضليت بويه بلا ولي بس حرم ويايه
************
بقلم / سـعد مطلوب الخفاجي

[منذر الساعدي]

بارك الله بك اخي سعد على هذه الكلمات الرائعه
عظم الله اجوركم
بميزان اعمالك

[رياض الرسل]

السلام عليكم
الشاعر الغالي

سعد الخفاجي

موفق كل التوفيق على هذه الكلمات
تقبل مني كل الاحترام والتقدير

رياض الرسل

[سعد مطلوب]

الاخ الكريم
منذر الساعدي
عزيزي الغالي الروعه في مرورك المبارك واطرائك
الرائع الذي نورني خالص شكري وامتناني تمنياتي
لكم بالموفقيه .

[سعد مطلوب]

الاخ الكريم
الاستاذ رياض الرسل
حبيبي الغالي خالص شكري وامتناني لمرورك الرائع والذي نورني
ياغالي اسعدني وشرفني اطرائك المبارك تمنياتي لك بالموفقيه .

[نسر النجف]

شكراً شكراً على الشعر الرائع

[سعد مطلوب]

نسر النجف
شكرا شكرا على المرور الرائع والاطراء المبارك
تمنياتي لكم بالموفقيه .