يمنعوها - تنعه ابوها - الى النبي الاكرم (ص) ادخل للبركه

[رياض الرسل]

يمنعـوهـا ----- تنعه ابوها
ما رادوا بچـاها
هالأمـه شجـاها
***************
بعـد جرح الرسول وحزنه ومصابــه
ونـيـران السرت بـالــروح لـهـابـــــه
تنوح الزهره تبچي لفگــده وغيابــه
وتحس نار بگـلبها جـمـرة اصوابــه
بدمعه تجري ----- وكلها تدري
ماعنده سواها
هالأمه شجاها
******************
بعـد فگـد النبي كلها صفــت ضـدها
مارادوا الــزهــره تـنـعـه والــدهـا
رغم دمع الحزن ظل يحـفــر بخدها
عليها اتجاسروا من وصلوا الحدها
للـزچـيـه ----- آل أمـيـه
ماتدري شعماها
هـالأمه شجــاها
*****************
تظـل أم الـرسول بـلوعـه وتـنـادي
يـريـت ويـاك ارحـل يالنبي الهـادي
بعـد عـيـنـك يبـويه انـظر اشسادي
عليه الصار هـــذا شيجـري لولادي
عـذبــوني ----- ومارعوني
يابويه يـطـاها
هالأمه شجاها
*****************

تـنـوح بكل حـزنها وتسچـب الـدمعه
وتحس بالروح جمره فاطمه البضعه
لاچـن الـنــواصب خـالـفـوا شـرعـــه
من منعــوا الــزهـره تـنحب وتـنـعــه
وسفه داروا ----- ضدها صاروا
محد مارعـاها
هالأمه شجاها
******************
على امصاب الـرساله تنحب بهمها
وتـذكـر ياحـضن يـاجـنـه لـتـشـمها
من چان الـرسـول المصطـفى يمها
تحس الكون يمها بعـطفه ويضمها
وهسه دمعه ----- بيها تنعه
ومحـد مانعاها
هالأمه شجاهـا
*******************

لمزيد من قصائد الولاء للشاعر انقر هنا (https://sites.google.com/site/riadalrsl/)

[ثورة الحسين]

تسلم اناملك
تحياتي
اخوك الصغير
((عبدالله الشاعر))

[رياض الرسل]

السلام عليكم

عبد الله الشاعر

مرورك شرفني كثيرا
دمت بكل خير وبركه


رياض الرسل

[الروح]

عظم الله أجوركم سيدي الفاضل..؛
تترشح من اناملكم أحزن آل محمد
فتجرينا عبرات..؛
ياسلمتم بألف ودٍ وخير

[رياض الرسل]

السلام عليكم
الاخت الفاضله
الروح

مرورك شرفني كثيرا واسعدني
دمتي بكل خير وبركه
والله يوفقك

رياض الرسل

[ثورة الحسين]

شكراً على هذا الشعر الجميل
واهدي اليك هذه الدارميات
ــــــــــــــ
موجويه ست جويات يلساني احطبيك
ماتذكر حسين اشلون لا تظن اداويك
****
عالرمح راس حسين وافتر سبع فرات
يسمع طفل يا ناس يصرخ يا عمات
ـــــــــــ
بقلمي خادم اهل البيت (ع)
(عبدالله الشاعر)

[سديم الفجر]

السلام عليكم ورحمة الله وبركاته
اللهم صل على محمد وال محمد
تقبل الله منكم هذا الجهد والقصيدة الرائعة
وفقكم الله اخي العزيز
تقبل مروري المتواضع وتحياتي