شيعه ورخصنا الدم

[سعد مطلوب]

(( شيعه ورخصنا الدم ))

نتعنـه لزيـارتك يحســــين مانهتم
نكتب بوجه الوكت شيعه ورخصنا الدم
نسحگ عالمنايه ومانهاب الموت
وندري بهالطريق أخطار وملغم
لچن كل عام يبن الزهره نتعناك
ننطي شــــمانطينه وأبـد ماننــدم
تشـهد أربعينك يبن داحي البـاب
كل عـام اليمـرأفــواج نتقـدم
ندري أنذال من خُلفت بني سفيان
واويه وتصيد أبليها الأظلم
وندري تحالفت وي زمرة الشيطان
صارت للعماله وللحقد معلَم
يفجــرنه النــذل تهديــد وده ... لچم جرح الكلب هنوب وده
وبشـــفرة حقـد يذبحنـه وده ... كَل ظنه نعوف أبن الزجيـه
************
منعوفك أبد يحســين لا والله
نتمنه الشهاده وليها نتعنه
يالحُبـك تِنقل بينه بلأصلاب
غذانـه الولايـه وبيـك أمنـه
نتحده الظلم والحقد والأرهاب
نروي بكل مسيره دروب من دمنه
قدمنه كواكب لجل أبو السجاد
كل كوكب يطيح أنزفه للجنه
مشايه الضريحك ندحرالطاغوت
نفرك كل خشم لو راد يرهبنه
ذوله أحنه ربات القلع ذيچ الباب
لليـوم الشــجاعه بعزنه تتچنه
صافي لليحب حسين دُرّه ... يظمن يم أبو الســجاد دُرّه
وبتـاج الولايه يصير دُرّه ... صكه موقعه حامي الحميه
************
بقلم/ سـعد مطلوب الخفاجي

[رياض الرسل]

السلام عليكم

حبيبنا الغالي

الخفاجي

مبدع -- موفق -- مسدد

دمت لنا

رياض الرسل

[الروح]

الأديب سعد مطلوب..؛
بوركت أياديكم سيدي الفاضل ..؛
من رائعة تزفونها مخضوبةً بالدم لأروع..؛
دمتم سيدي بألف ولاء..

إمتناني

[سعد مطلوب]

الاخ الكريم
رياض الرسل
اخويه الغالي الابداع في مرورك الذي يمنحنا العزيمه والاصرار
على كتابت ماهوا افضل بحق آل البيت (ع) خالص شكري وامتناني
تمنياتي لك بالموفقيه .

[سعد مطلوب]

الاخت الكريمه
الروح
اختي العزيزه الروعه في اطرائكم الذي زادني شرف ومروركم
الذي انار صفحتي خالص شكري وامتناني تمنياتي لكم بالموفقيه .

[ثورة الحسين]

شكراً على هذا الشعر الجميل
واهدي اليك هذه الدارميات
ــــــــــــــ
موجويه ست جويات يلساني احطبيك
ماتذكر حسين اشلون لا تظن اداويك
****
عالرمح راس حسين وافتر سبع فرات
يسمع طفل يا ناس يصرخ يا عمات
ـــــــــــ
بقلمي خادم اهل البيت (ع)
(عبدالله الشاعر)

[سديم الفجر]

السلام عليكم ورحمة الله وبركاته
اللهم صل على محمد وال محمد
تقبل الله منكم هذا الجهد والقصيدة الرائعة
وفقكم الله اخي العزيز
تقبل مروري المتواضع وتحياتي

[سعد مطلوب]

عبد الله الشاعر
عزيزي الغالي شرفتني بهذا المرور المبارك خالص شكري
وامتناني لاطرائكم الرائع والله يبارك بيك على هذهِ الدراميات
الجميله تمنياتي لك بالموفقيه في خدمة آل البيت (ع) .

[سعد مطلوب]

سديم الفجر
واسعدني مروركم الذي انار صفحتي بنور قلبكم الولائي
الله يتقبل منا ومنكم ويوفقنا ويوفقكم في خدمة آل بيت محمد (ص)
خالص شكري وامتناني .