بيت ابوذيه لأبو السجاد عليه السلام أرجو المجارات او المساجله

[ابو ظاهر البركي !]

يبو السجاد لسمك منتمي آنه
وأكو الجدك وصيه منت أمانه
الخايف لايهمة منت أمانه
تحضره هناك من تدنه المنيه


خادمكم
ابو ظاهر البركي

[ثورة الحسين]

لغير اهل البيت وسفه الوكت ــــ دار
اوحشه ابيوت النزل بيه الوحي ـــ ودار
ويحسين لليوم الحزن امخيم عله ــــ الدار
وحزنك للابد يسري بيه
ــــــــــــــــــــــــ
بقلمي خادم اهل البيت (ع)
(عبدالله الشاعر)

[ثورة الحسين]

كلبك اشكثر يحسين شال ــــ هم
ورضيعك شرب دمه ماي ــــ هم
وزينب بالصبر شاركتكم ـــ هم
وبالشجاعه معروفه بت الزجيه
ـــــــــــــــــــــ
بقلمي خادم اهل البيت(ع)
(عبدالله الشاعر)

[ثورة الحسين]

كلبك اشكثر يحسين شال ــــ هم
ورضيعك شرب دمه ماي ــــ هم
وزينب بالصبر شاركتكم ـــ هم
وبالشجاعه معروفه بت الزجيه
ـــــــــــــــــــــ
بقلمي خادم اهل البيت(ع)
(عبدالله الشاعر)

[ابو ظاهر البركي !]

اخي الفاضل عبد الله الشاعر شكرا جزيلا لمرورك العطر
ووفقكم الله لخدمة محمد وال محمد

ودي واحترامي

[ابو ظاهر البركي !]

دعيت اقلام حبكم ساعدوني
وساعة الموت فوكي ساعه دوني
صحت يولاد حيدر سعدوني
بشفاعتكم سعادة تدوم اليه



خادمكم
ابو ظاهر البركي

[رياض الرسل]

السلام عليكم

تاج راسي
وحبيبنا الغالي

ابو ظاهر البركي

الله الله على هذه الاطلاله الرائعه
شرفتنا بوجودك

واليك ردي المتواضع
*****************

بعد مانطلب احنه -- منته منه
لأن الشرف دومه -- منته منه
يبو السجاد نعرف -- منته منه
الرسوله الله وابن حامي الحميه

********************

خادمكم
رياض الرسل

[الروح]

العم الحيب ابو ظاهر..؛
سلمت أياديك الطهر التي تجري الروعة اينما حلت ..؛
بوركت عمي وتبارك حرفُك ..؛
مودتي تتلى

[ثورة الحسين]

يحسين هاذه سراب واكول ..... هاماي
ولحسين ارفعت بشرف ....... هاماي
وحزنك ما اكلك زال ........ هاماي
وهمومك للابد تبقه بيه

*****************

رضيعك ذبيح يحسين ويطلب ...... الماي
ومد ايده اعله دمه وحسباله ...... الماي
ومات ضامي يحسين وحلمه ...... الماي
وعسه جتاله ضامي ولهيب النار بيه

******************

فاركني حسين وبعد شيفيد ........ لوماي
وماي الفرات سراب كلي ....... لو ماي
وعله ضريح حسين بيدي ..... لو ماي
واومي يحسين من ضيم العليه
____________________
خادم اهل البيت (ع)
عبدالله الشاعر

[ابو ظاهر البركي !]

شرف ليه بحياتي خادمانه
وللزوار ياما خادمانه
انا نذرت الي عندي خادمانه
فده لسمك يبن خير البريه

خادم اهل البيت
ابو ظاهر البركي

[ابو ياسر الكعبي]

رعاك الله عزيزنا
ابو ظاهر
ووفقك الله
حبيبنا
رياض الرسل
وحرسك الله
شاعرنا الانتظار
الـمجد بيك إعـتـنانـه ونته مَـنّه
ورسول الله منّك وانته مَـنّه
يـحـسين انته رحمه وانته مِـنّه
مِـن رب الخـلايق عالـبريه
خادم خدمة الحسين
ابو ياسر الكعبي

[ابو ظاهر البركي !]

سيدي ابا ياسر الكعبي شرفتنا
واتمنى العودة سيدي


وهذا بيتي

انا كلبي انذبح من جزر نحرك
عجيبه شلون ذاك الشمر نحرك
يبو اليمه كتبنه الاجل نحرك
مشاعر للصخر نبجي سويه

خادمكم
ابو ظاهر البركي

[الشاعر حسن خليفه]

اللهم صلي على محمد وال بيت محمد الطيبين الطاهرين

ابو ذيات رائعه وحروف ملئها الايمان والتقوى

بارك الله بك وجعلها في ميزان حسناتك

وثبتك على ولايه امير المؤمنين وحب ال البيت روحي لهم الفدا

تقبل مروري بحروفك الانيقه

خادمكم الشاعر

حسن خليفه

[ابو ظاهر البركي !]

اللهم صلي على محمد وال بيت محمد الطيبين الطاهرين

ابو ذيات رائعه وحروف ملئها الايمان والتقوى

بارك الله بك وجعلها في ميزان حسناتك

وثبتك على ولايه امير المؤمنين وحب ال البيت روحي لهم الفدا

تقبل مروري بحروفك الانيقه

خادمكم الشاعر

حسن خليفه

اللهم صل على محمد وال محمد

حبيبي حسن خليفه
وفقكم الله وسدد خطاكم
لخدمة محمد وال محمد


ممنون منكم حبيبي على هذا المرور الرائع
وشكرا لدعائكم سيدي


اخوكم
ابو ظاهر البركي