هسه حتى الملح راد املوحه- الشاعر حسين الساعدي

[منذر الساعدي]

ليش؟؟؟؟http://www.imshiaa.com/vb/images/icons/icon2.gif
http://www.imshiaa.com/vb/images/icons/waz9.gif

كلها شِياب اَصبحت مات الشباب
والطفل يطلع الشيب اَبروحه


اَترَضعه الأيام بأنواع العذاب
اتسوي اَكماطه العَليه مَرجوحه


ليش دنيانا اَمتلت بس بالذياب
وليش رايات الوفاء مطروحه


قبل ناخذ فِكرة من أسم الكتاب
هسه شو كل الفِكَر ممسوحه


الزاد كان ايغزر ابملح التراب
هسه حتى الملح راد املوحه


قبل كان الينجرح يلكَه الصحاب
عنده ويشيلون كل اَجروحه


هسه وحده ايحير بجراح المصاب
ايسَكن اجروحه ابدمعته اَونوحه


واليتيم الكان ميشوف الصعاب
هسه يا صعبه التمر اَتلوحه


والارحام اتقطعت ويه الانساب
للمصالح هسه جَيه وروحه


والصدق راح اويه اهلنه وعنه غاب
اندفن ويه اقبورهم طم روحه


شافنه انحب الكذب والأغتياب
أوعدنه كلمة صدق ما مسموحه


للأسف صار البعضنه بس عقاب
والمودة البينه مَذبوحه


من ادينه الارض حل بيها الخراب
والثمر تزوير صار اَبفوحه


ليش دنيانا الوفه فيها سراب
ولغدر مبتهج تعلى اصروحه


وين كَف الرحمه وين أهل الثواب
التمسح اَدموع البقت مسفوحه


كافي مَلينه شعارات الخِطاب
اَنريد اَفعال الزلم للوحه


لا تعاتب ترى ميفيد العتاب
صارت الرحمة شُبه مفضوحه


وكافي تسأل ترى ما تلكه جواب
كلمن اَبهَل زمن حار ابروحه
للأسف كلمن احتار ابروحه

http://www.imshiaa.com/vb/images/icons/icon13.gif
ليش؟؟؟؟؟؟؟http://www.imshiaa.com/vb/images/icons/icon2.gifhttp://www.imshiaa.com/vb/images/icons/icon2.gif

http://www.imshiaa.com/vb/images/icons/waz.gif
بقلم
حسين الساعدي




منقول

[سديم الفجر]

السلام عليكم ورحمة الله وبركاته
بارك الله بكم عاشت ايد الشاعر رائع
موفقين

[منذر الساعدي]

السلام عليكم ورحمة الله وبركاته
بارك الله بكم عاشت ايد الشاعر رائع
موفقين


وعليكم السلام ورحمة الله وبركاته
وبارك الله بكم وبمروركم الرائع
وفقكم الله