دارميات(كلبي نص الليل فز يطلب حسين )

[ثورة الحسين]

دارميات
ـــــــــــ
كلبي نص الليل فز يطلب حسين
امنين اجيب الراح بس كلي امنين
***
صار الكلب حزنان من كتله راح
دك بحزن لحسين خر ميت وطاح
***
اتنام وتعرف النوم شو كلبك امنين
كل دكه كلبي ايريد من عندي لحسين
***
لا مامشتبه يحسين صار الكلب مينام
يخدر بعض لحظات من كثر الالام
***
دك الكلب دكات بفراك الحسين
خر اوكع للكاع وادوسه الرجلين
***
يفتحلي صدره البطران من يشعر ابخوف
مايدري حزن حسين ماخله شوف
***
كاسات حنظل بعد شربته كلبي
بفراك ابو السجاد يشهد علي ربي
***
روحي بفراك حسين ماتطلب حياة
وتدعي رب الكون يحضره الممات
ــــــــــــــــــــــــــــــــ
بقلمي خادم اهل البيت (ع)
(عبدالله الشاعر)

[نزار الفرج]

بسم الله الرحمن الرحيم
رائعة افكارك عزيزنا عبد الله
ندعليك بالعافية والصحة
نزار الفرج

[سعد مطلوب]

الاخ الكريم
عبد الله الشاعر
احسنت واجدت وبارك الله بيك على هذهِ الدارميات الجميله
جعلها المولى في ميزان حسناتك تمنياتي لك بالموفقيه .

[ثورة الحسين]

شكرا للردود الرائعه
تحياتي
اخوكم الصغير
(عبدالله الشاعر)
واهدي اليكم هذا الدارمي بقلمي
ـــــــــــــــــــــــــــــــــــــــــــــ
تدري الكلب يحسين بفراكك انصاب
انعاب وبعد ميفيد وديته للكصاب

[علي البههادلي]

احسنتم عزيزي عبد الله الشاعر
دارميات ولائيه معبره جعلت في ميزان حسناتك واثابك الباري ورعاك