رحمة الله ( الى بضعة محمد الزهراء عليه السلام )

[مهند صاحب الربيعي]

لازم رحمة الله تلوحني بهاليوم
أنه من الصبح متذكر الزهره
صاحتلي قصيده مكبعه من بعيد
وانه جاوبت رأسا وصلت الفكره
ماحاجه الوحي أنه اندل الالهام
خصوصا بالحسيني ألهامي عالفطره
خصوصا لوشعر عن فاطمه الزهراء
يصير الحرف عندي موحرف جمره
أوكف بالمدينه مدنك وخجلان
أستأذن محمد أولا وأقره
وارجع للنجف أستأذن الكرار
ارد اكتب على الزهراء هالمره
واصعد للمنصه عود اوصف عود
ومشكلة الوصف كدامهه تبره
يفز بيه الورد ويخضر المدفون
واسمع صوت بيه يكلي اتجره
سميهه فراشة الله موعنقاء
سميهه النقاء الروحي للعذره
ضلعج ينكسر معقوله ادري شلون
اركان الاسلام الضلع شيكسره
انتي أمنه الحقيقه مو ولد حواء
نعم حواء الج انسبهه بالشجره
اذا ام لابوج وهو سيد الكون
اكيد الاولى انتي بالصلب شذره
اسمج عالعرش كبل الخلق والكون
وموضوع الخلق بعدين صار امره
سر بيج الاله مخلي باب العين
اذن من عندج انتي نوصل لسره
الجنه تلوذ بيج الجنه اشك بهاي
يمكن تالي اسمهه يطلع الزهره

[رياض الرسل]

السلام عليكم

مهند الربيعي

دمت بكل خير والله يتقبلها منك
وطيب الله انفاسك
على هذه الكلمات الرائعه

رياض الرسل