قصيدة تزوروني للسيد عبد الخالق المحنة

[صديق المشاعر]

تزوروني
..........
تزوروني تعرفوني شفيع الكم
أساميكم اسجلها أساميكم
هلا بيكم يازواري هلا بيكم
تزوروني
.........
وحق جف الكفيل وجوده والرايه
انا وعباس وياكم يامشايه
يامن بعتو النفوس وجيتو شرايه
علي واجب اوافيكم ياوفايه
تواسيني شعايركم..ترويني مدامعكم
اواسيكم انا وجرحي اواسيكم
هلا بيكم يازواري هلا بيكم
تزوروني
....
هلا يالـ مانسيتو ع الوعد تحظر
اجيت ولا يهمك لا برد لاحر
وحق دمع العقيله وطبرت الاكبر
احظرك مااعوفك ساعة المحشر
على الموعد اجي يمكم
ولا ابعد واعوفنكم
محاميكم وحق حيدر محاميكم
هلا بيكم يازواري هلا بيكم
تزوروني
......
ياهل شايل الرايه وجاي قاصدني
تعرف رايتك بيمن تذكرني
بالقطعوجفوفه وصاح لدركني
صحت ويلاه ياخويه والظهر محني
كسر ظهري سهم هجره
نفذ صبري بعد عمره
اوصيكم على الرايه اوصيكم
هلا بيكم يازواري هلا بيكم
تزوروني
.......
يامن قاصد والدمعه تجريها
اعرف حاجتك مو داعي تحجيها
وحق نحر الرضيع الحاجة اقضيها
يازاير عاهدت كل عله اشفيها
اخو زينب فرح بيكم
هلا ومرحب يناديكم
يحيكم ابو الغيره يحيكم
هلا بيكم يازواري هلا بيكم
تزوروني
..........
زينب من تشاهد تزوروني
تناديكم لون بطف تحظروني
ماامشي يسيره ولا يسلبوني
ولا بسياطهم قدرو يضربوني
تناديني انا بحيره
واصد عيني لبو الغيره
ابجيكم على مصابه ابجيكم
هلا بيكم يازواري هلا بيكم
تزوروني
.........

[ثورة الحسين]

تسلم الانامل تقبل مروري وودي
تحياتي
اخوك
(عبدالله الشاعر)

[رياض الرسل]

السلام عليكم

صديق المشاعر

اشكرك على نقل القصيده
دمت بكل خير

رياض الرسل

[نرجس*]

تسلم موضوع في قمة الروعة والابداع
الله يعطيك العافيه
دمت ودام ابداعك
تحياتي وودي


نرجس

[علي بن ابراهيم القمي]

تسلم على القصيدة الرائعة، والله يحفظ الشاعر السيد عبدالخالق المحنة، وما شاء الله القصيدة بصوت الملا باسم الكربلائي كانت أسطورة.