قصيدة سيرة الاحزان

[صديق المشاعر]

سيرة الاحزان
....
سيرة الاحزان والالم عنوان
ماضل صبر ياروح وام البنين تنوح
...
على مر الزمن ماننسى لوعتها
اذا مسنا الحزن نذكر مصيبتها
دمع ام الوفى يرسم مسيرتها
مدامعنا تضل تجري ويه دمعتها
تجي يم زينب البلهم شريكتها
هلا يام الوفه يمه وتلقتها
ريحة الاحباب من تدق الباب
حسرت قلب مجروح وام البنين تنوح
....
تضل ام البنين تناشد بحسره
تجاوبها العقيله وبالقلب جمره
اخافن قصرو ويلادي يالحره
تقلها لا يايمه وتسجب العبره
اخبرج ليش ابو اليمه انكسر ظهره
لان شاف القمر لايمنه لايسره
ضل وحيد حسين ينظر الجفين
وسفه القمر مطروح وام البنين تنوح
....
تقلها من وجوده تخاف عادينه
امان ولا شفت واحد وصل لينه
لجن ياام البنين دارت علينه
بعد قطعت يساره وقطعت يمينه
خدر ماضل بعد من غمضت عينه
صحت وين القمر يلحق على سكينه
مانهض ياحيث وبيمينه السيف
ضل الدمع مسفوح وام البنين تنوح
....
تقلها لا يايمه وزادت الونه
وفه وكل الوفه وماقصرو عنه
يايمه ومن اجى الشامت يسلمنه
صحت عباس اخويه منين اجيبنه
رحت يم النهر بليل اودعنه
عذرته والسهم بالعين اشوفنه
خويه جيت وياك يالقمر بحماك
اختك يسيره تروح وام البنين تنوح
....
يازينب والدمع مافارق اجفاني
ولا حتى الحجر يتحمل احزاني
يعتبي يالحزن وانده ياولياني
شفت بس الدمع بالغربه واساني
يابو الاكبر وابد ماتطفى نيراني
الك فدوى لبنيني وفدوتك اني
ماانام الليل والدموع تسيل
يسكت حمام الدوح وام البنين اتنوح
....
يجن ليل الحزن وتجيني حسباته
واحن لرض البقيع وحزنه واهاته
حنين ودم دمع تخلص مسافاته
قبر ام البنين اعرف علاماته
اذا حن القلب مايخفي حسراته
اذا ناح الحزن امشي ويه دمعاته
نادي يام عباس والطم اعله الراس
واسيها بالمذبوح وام البنين تنوح
....

[ثورة الحسين]

تسلم الانامل تقبل مروري وودي
تحياتي
اخوك
(عبدالله الشاعر)

[رياض الرسل]

السلام عليكم

صديق المشاعر

موفق على هذه الكلمات
دمت بكل خير

رياض الرسل

[نرجس*]

تسلم موضوع في قمة الروعة والابداع
الله يعطيك العافيه
دمت ودام ابداعك
تحياتي وودي


نرجس