المساعد الشخصي الرقمي

مشاهدة النسخة كاملة : إمرأه سنية تروي موقف صار جدامي اليوم وانة مشرفة اجتماعية في المدرسة


فتاة الاحلام
12-04-2011, 01:24 PM
إمرأه سنية تروي موقف صار جدامي اليوم وانة مشرفة اجتماعية في المدرسة

السلام عليكم ورحمة اللّہ وبركاته

بغيت اقولكم موقف جفته اليوم في المدرسة الي اشتغل فيها

انة طبعا مشرفة اجتماعية في المدرسة وفي فراشات يشتغلون عندنه (والفراشات اهمة في حسبة خدم ينظفون ويخمون واروحون انادون طلبة وجي)واحنة في ذي المدرسة عندنا اربع فراشات.
وكلهم سنة ومساكين فقارة وكبار في السن

المهم اليوم دشت علي المكتب وحدة شيعية كانت تسال عن الفراشات تقولي وينهم ماحصلتهم، جان اقول لها شتبين فيهم قالتلي بس ابي اقول لهم شي
فناديت الفراشات بالميكرفون وكلهم يو المكتب
وارد اذكركم الفراشات كلهم من الطائفة السنية

فيوم دشو الفراشات المكتب استغربت ان راحوا سلموا عليها ويسالون عنها ومن هالسوالف
فخذتهم يم الباب وعطت كل وحدة فيهم ظرف وسلمت عليهم وراحت

فانة اهني صج صادني فضول ورحت قلت للفراشات من ذي
الا ايقولون لي هاذي وحدة اتصير اخت طالبة شيعية في المدرسة جافتنا واهي ياية مرة تاخذ اختها
ومن يومتها اتي بين فترة وفترة تعطينا ظروف فيها بيزات كمساعدة لنا
انة اهني انصدمت من قلب
استغربت خصوصا في هالاوضاع وحدة شيعية تساعد سنة
وقلت لها صج جم تعطيكم كل مرة...قالولي على حسب الي اتيمعه وبطلت الظرف وحسب البيزات كانت كاطة لكل وحدة 60 دينار...كل مرة اتيمع بيزات وبعد اتيمع من ناس حولينها ومن اهلها واصدقاءها وناس يثقون فيها كله اتحطهم في ظروف وتساعد الفقارة السنة والشيعة
اهني صج ارتحت وقلت سبحان اللّہ لحين في ناس معتدلين ماتهمهم المذاهب..لحين في انسانية اتساعد الكل
والله ياجماعة انة وايد غلط على الشيعة وكل مرة ماعندي شي اعلق عليه الا مذهبهم ومعممينهم ونسيت ان احنة بعد عندنا شيوخ ونسالهم ونشاورهم في امور الدين
صج احنة بالنسبة لي وايد اشية اسوونها مااتفق معاها ووايد امصعبين الدين والدين يسر وليس عسر بس هاي مايمنع ان اهمة مسلمين
وهدوا عنكم الفتن وكل واحد اطلع عيوب الثاني
ترى الفتنة اشد من القتل

شالفايدة اتصلون واتصومون وتنشرون الفتن وتفرقون بين المسلمين..ماينفع ياجماعة

آلَلَـَھُمَـ اجمع بين المسلمين اجمعين وارحمهم وصفي قلوبهم من الحقد والفتن والطائفية

منقول من موقع سني اكبر موالي للحكومة

شيعية موالية
12-04-2011, 01:45 PM
اللهم صل على محمد وآل محمد وعجل فرجهم الشريف

اللهم كن لوليك الحجة بن الحسن (صلواتك عليه وعلى آبائه)في هذه الساعة وفي كل ساعة ولياً وحافضاً وقائداً وناصراً ودليلاً وعيناً حتى تسكنه أرضك طوعاً وتمتعه فيها طويلاً وهب لنا رأفته ورحمته ودعائه وخير برحمتك يا أرحم الراحمين

الحمد لله على نعمة الاسلام وان فيهم من يرد كلمة حق
مشكورة حبيبتي على النقل الله يعطيش العافية