زكي الياسري
15-04-2011, 05:37 AM
مجموعة قصائد للزهراء البتول عليها السلام عسى ان تنفع خدام المنبر المقدس
لبضعة المختار روحي فداها
ثوابها الى امواتكم و اموات المؤمنين و المؤمنات من شيعة امير المؤمنين علي
من لا ذاكر لهم يذكرهم
ونسألكم الدعاء
موشح .. فاطمية البحرين
اليوم علبحرين مرّت فاطمه... كربله عادت يحمّاي الحِمه
1
امس حركَو خيمه في طف كربله .. اليوم بالبحرين نفس المعظله
لكن انصار العقيده الباسله .. ما تهمهم كل سيوف الصارمه
اليوم علبحرين مرّت فاطمه
2
اليوم عاد ايزيد بثياب الامير ... عنده جم مأجور ضن راسه جبير
ما عرف للنار مثواه الاخير ... و دود ياكل هلخدود الناعمه
اليوم علبحرين مرت فاطمه
3
اليوم بالبحرين دم طاهر يسيل ... و الشعب مابين مجروح و قتيل
اليوم يوم الما حصل مثله مثيل ... اليوم عادت كربله بثوب الدمه
اليوم علبحرين مرت فاطمه
4
اليوم صرخات استغاثات النساء ... شكَت الافاق وصلت للسماء
اليوم عادت للمشاعر كربلاء ... رد يزيد و كل طغمته الحاكمه
اليوم علبحرين مرّت فاطمه
5
اختبار اليوم اسمع يالتريد ... ما نريد الكوفه ترجع من جديد
ساند البحرين قدملهه الوريد ... سجل اسمك بالصحيفه الدائمه
اليوم علبحرين مرّت فاطمه
6
فاطمه مرّت عليهم بالدموع .. مثل يوم البيه رضّو للضلوع
امس خيل اليوم دبابه و دروع ... تسحكَـ الشيعه بلا اي مرحمه
اليوم علبحرين مرَّت فاطمه
**********************
قصيدة دموع فاطميه
يا زهرااااء يا زهراء ... يا زهرااااء يا زهراء
1
هاي دمعه فاطميه تجري من عيني نهر
هاي لوعه حيدريه خـلـّت بصدري قهر
هاي آهه ابكَلب يشكي من عذابات الدهر
هاي يا باب احركَوهه ومنهه دين الله ضَهر
يا زهرااااء يا زهراء .. يا زهرااااء يا زهراء
2
بيتمن هذا يوادم جمعوا عليه الحطب
بيتمن هجموا عليه ويستعر بيه اللهب
بيتمن هتكوا حُرُمته و بيه دين الله انسلب
بيتمن بيه الامامه حكهه بالجور انغصب
يا زهرااااء يا زهراء ... يا زهرااااء يا زهراء
3
فاطمه نادت يفضـــه صدري بالباب انعصر
فاطمه دمهه الشريف ابفعل بســماره انفجر
فاطمه الزهراء صاحت ضهري هليوم انكسر
فاطمه بغيبة ابوهـــــه بدت عيناهه السهر
يا زهرااااء يا زهراء ... يا زهرااااء يا زهراء
4
علي ياويلي المصابه ناحت املاك السمه
علي موصيه الرسول وما يجرِّد صــارمه
علي لولا امر طاهه ما تجور الظـــــالِـمه
علي ويلي اشكبر صبره من نزف دم فاطمه
يا زهرااااء يا زهراء .... يا زهرااااء يا زهراء
5
ويل كَلبي اشلون يحمل هالمصـــاب الي جره
ويل كَلبي اشلون كسروا ضلع هاي الطاهره
ويل كَلبي اشلون زمره ناصـــــــبيه و كافره
ويل كَلبي اشلون كَدرت تعتدي اعله اشرف مره
يا زهرااااء يا زهراء ... يا زهرااااء يا زهراء
زكي الياسري النجفي
02/04/2011
كيل
قصيدة ليالي الفاطميه
01/04/2011
دمعي جاري بليالي الفاطميه .... دمعي جاري بليالي الفاطميه
1
حبيبة طه يارب روعـــوهه
يلاهي بضعة الهادي ولوهه
حبيبة صفوتك لا ما رعوهه
محن شافت محن ويلي الزجيه ... محن شافت محن ويلي الزجيه
دمعي جاري بليالي الفاطميه
2
الهي الزهره تنحب بالـــمدينه
سجينه بالحزن صارت سجينه
وابّـيـت الحــــزن يارب رهينه
تنادي وين ابوي الهاشميه ... تنادي وين ابوي الهاشميه
دمعي جاري بليالي الفاطميه
3
تنادي بويه كَومــــك ألموني
دمع عيني فلا فـاركَـ جـفوني
يبويه وليه (اصحابك) ولوني
و لوني بغيبتك مثل السبيه ... و لوني ابغيبتك مثل السبيه
دمعي جاري بليالي الفاطميه
4
حبل صبري انكَطع يا بويه عاين
بعد عينك بدت كل الضغــــــاين
رهاين بويه اصبحــــــنه رهاين
عكب عيناك بـيد الناصبيه ... عكب عيـناك بـيد الناصبيه
دمعي جاري بليالي الفاطميه
5
حطب بابي حطب يابويه يسعر
يريتك حاضـر و تنظر المنظر
حِــركَـ بابي واصــيح اللهُ اكبر
وبسمار الصدر شاهد عليه .... وبسمار الصدر شاهد عليه
دمعي جاري بليالي الفاطميه
6
كلف كسر الضلع يا ناس والله
ابد يا شيعي بـــالك يوم تنساه
الم ضلعي الم اكـبر مـــن الاه
عظيمه الفاجعه يا جعفريه ... عظيمه الفاجعه يا جعفريه
دمعي جاري بليالي الفاطميه
*********
قصيدة .. ما اوذي نبي بمثل ما اوذيت
عذراً يا رسول الله .. لو اني اقتربت من حدود جلالك و تجرأت في الخطاب عن لسانك
اللهم اني لا ارجو إلا نصرة نبيك فوفقني الهي لما تحب و ترضى
ثوابها الى قرائها الكرام و امواتهم و اموات شيعة امير المؤمنين من لا ذاكر لهم يذكرهم
على الخصوص الشهداء الكرام و خدام العتره الطاهره
بسم الله الرحمن الرحيم
ما أوذيَ مثليَ مُرسل ... فأنا المظلومُ الأول
مَحّد بيهم عصروا بنته ابّاب الدار ... مَحّد بيهم بنته انصابت بالبسمار
ما أوذيَ مثليَ مُرسل ... فأنا المظلومُ الأول
1
رسول الله و جلالة قدري مشهوده .. إلاه الكون خصني بلطفه و بجوده
كراماتي كَبل كل خلقه موجوده .. محمد آنه والله اوصافه محموده
من إسم الباري اسمي ... و من نوره القدسي رسمي
خصني ابلطفه الباري وماشاء القهّار
كل ما عندي ابجود وآلاء الجبار
ما شاء اللهُ سأقبل ... فأنا المظلوم الاول
ما اُوذيَ مثلي مُرسل
2
بني اسرائيل ظلموا بالفعل موسه ... فعلتهم خبيثه وخطه مدروسه
لجن بيته انحفظ ونصان ناموسه ... وابد ماواحد اتجرأ يجي يدوسه
ما حركَت بابه الاصحاب .. ما هتكوله البيته احجاب
وآنه بيوم اغيابي عنهم هلارجاس ... هجمو علباب و حركَوهه شر الناس
و المُحِسنُ سبطي يُـقـتـّـلْ؟ .. فأنا المظلومُ الاول
ما اُوذيَ مثليَ مُرسَـل
3
مريم و الهظم و الضيم وآلحسره ... ما توصل عُشـُـر مِعشار للزهره
ابو يحيى سلام الله على قدره ... كفلهه وما وصل واحد لمس شعره
وآنه البنتي آذوهه ... بغيابي ما رحموهه
بضعه كَلبي تون و تنحب ليل انهار ... غصبو حكَهه و مارحموهه اهل النار
منهاجُ القومِ تـَبَدَّل ... فأنا المظلومُ الاول
ما اُوذيَ مثليَ مُرسَـل
4
وصيتي جانت القرآن و العتره ... و يعرفون محور عترتي الزهره
لجن ياحيف غدروهه اشر زمره ... ثمود و عاد ما سووهه هلغدره
شر وسوط وسيف ونار ... وجتاف ايدين الكرار
و الميراث وبيت الاحزان وآهات ... و الشجره الكَطعوهه التشهد علونات
يا رَبي أنتَ الفيصل ... فأنا المظلوم الاول
ما اُوذيَ مثليَ مُرسـَـل
5
رغم ماصار صابر و النضر يربي ... ضني بيك ما كَِطعـَنـَّه يا حَسبي
تضل عيني على الياخذ نفس دربي ... حبيبي المهدي عَجِّل امره يا ربي
يارب خلي يصيح الثار ... ويجرّد سيف الفقار
ياخذ ثاري و ثار اولادي امن الكفار ... يرفع راية عدلك يارب بالامصار
حانَ الميعادُ تـَعَجَّـل .... فأنا المظلومُ الاول
ما اُوذيَ مثليَ مُرسَـل
زكي الياسري النجفي
15/03/2011
كيل
تمت في 15/03/2011
***************************
قصيدة ويلاه ماتت فاطمه
13/03/2011
يا ناس شو ليل الحزن غطـَّه المدينه
و السمه تبجي و الارض وحشه وحزينه
وينه علي .. حامي الحمه
ويلاه ماتت فاطمه
1
بمحرابه ساجد ويلي حماي الحميه .. يشكي لـَعد بارينه آلام الـــرزيه
لن الارض ماجت حزن لجل الزجيه .. واسماء نادت يا بشر لحكَو عليه
يا ناس هذي فاطمه البلحسره عاشت
بآثار بسمار الصدر و العصره ماتت
صاح المنادي بالسمه .... ويلاه ماتت فاطمه
2
ويلي على الزهره وعلى ذيج النوايب .. وشكثر شافت من محن وشكَد مصايب
محسن كَبل دور المهد شو نجمه غايب .. و الباب يشهد بالحشر يروي العجايب
ويلي على عصرة عُمَـــر باب الزجيه
عاداهه مدري اليا سبب بضعـه نبيه
لي لعنة الله الدائمه .... ويلاه ماتت فاطمه
3
شيفيد نعتب علدهر ما ترجع احباب ... راحت عزيزة حيدره ريحة الاطياب
راحت شريكة دنيته بآهات الِمصاب ... راحت عليهه تنتحب آيات الكتاب
ويلاه من جور الدهر ويه الاطايب
غادر يفـَرّق بالأجـل بين الحبايب
جاري الدمع لون الدمه .... ويلاه ماتت فاطمه
4
بنت النبي المحد عرف قيمة علاهه .. كَـَّضت عمرهه بالحزن آهه اعله آهه
الباب يوكَف بالحشر يشرح اساهه .. وبسمار صدر ام الحسن ينكَط دماهه
و اول شهيد ابعترتك محسنهه دامي
مثله بأرض طف كربله عبد الله ضامي
كل المصايب قادمه ... ويلاه ماتت فاطمه
5
يا حجة الله الطاهره شوصيتي حيدر .. شكَلتيله يا بنت النبي اللهُ اكبر
بتشييعي طاغوت و جبت ماريد تحضر .. ميعادي وياهم تره بساعة المحشر
بالليل واراج الوصي و نجومه تشهد
معقوله خفيه تندفن بضعة محمد
كل المعالم قاتمه .... ويلاه ماتت فاطمه
زكي الياسري النجفي 13/03/2011
لبضعة المختار روحي فداها
ثوابها الى امواتكم و اموات المؤمنين و المؤمنات من شيعة امير المؤمنين علي
من لا ذاكر لهم يذكرهم
ونسألكم الدعاء
موشح .. فاطمية البحرين
اليوم علبحرين مرّت فاطمه... كربله عادت يحمّاي الحِمه
1
امس حركَو خيمه في طف كربله .. اليوم بالبحرين نفس المعظله
لكن انصار العقيده الباسله .. ما تهمهم كل سيوف الصارمه
اليوم علبحرين مرّت فاطمه
2
اليوم عاد ايزيد بثياب الامير ... عنده جم مأجور ضن راسه جبير
ما عرف للنار مثواه الاخير ... و دود ياكل هلخدود الناعمه
اليوم علبحرين مرت فاطمه
3
اليوم بالبحرين دم طاهر يسيل ... و الشعب مابين مجروح و قتيل
اليوم يوم الما حصل مثله مثيل ... اليوم عادت كربله بثوب الدمه
اليوم علبحرين مرت فاطمه
4
اليوم صرخات استغاثات النساء ... شكَت الافاق وصلت للسماء
اليوم عادت للمشاعر كربلاء ... رد يزيد و كل طغمته الحاكمه
اليوم علبحرين مرّت فاطمه
5
اختبار اليوم اسمع يالتريد ... ما نريد الكوفه ترجع من جديد
ساند البحرين قدملهه الوريد ... سجل اسمك بالصحيفه الدائمه
اليوم علبحرين مرّت فاطمه
6
فاطمه مرّت عليهم بالدموع .. مثل يوم البيه رضّو للضلوع
امس خيل اليوم دبابه و دروع ... تسحكَـ الشيعه بلا اي مرحمه
اليوم علبحرين مرَّت فاطمه
**********************
قصيدة دموع فاطميه
يا زهرااااء يا زهراء ... يا زهرااااء يا زهراء
1
هاي دمعه فاطميه تجري من عيني نهر
هاي لوعه حيدريه خـلـّت بصدري قهر
هاي آهه ابكَلب يشكي من عذابات الدهر
هاي يا باب احركَوهه ومنهه دين الله ضَهر
يا زهرااااء يا زهراء .. يا زهرااااء يا زهراء
2
بيتمن هذا يوادم جمعوا عليه الحطب
بيتمن هجموا عليه ويستعر بيه اللهب
بيتمن هتكوا حُرُمته و بيه دين الله انسلب
بيتمن بيه الامامه حكهه بالجور انغصب
يا زهرااااء يا زهراء ... يا زهرااااء يا زهراء
3
فاطمه نادت يفضـــه صدري بالباب انعصر
فاطمه دمهه الشريف ابفعل بســماره انفجر
فاطمه الزهراء صاحت ضهري هليوم انكسر
فاطمه بغيبة ابوهـــــه بدت عيناهه السهر
يا زهرااااء يا زهراء ... يا زهرااااء يا زهراء
4
علي ياويلي المصابه ناحت املاك السمه
علي موصيه الرسول وما يجرِّد صــارمه
علي لولا امر طاهه ما تجور الظـــــالِـمه
علي ويلي اشكبر صبره من نزف دم فاطمه
يا زهرااااء يا زهراء .... يا زهرااااء يا زهراء
5
ويل كَلبي اشلون يحمل هالمصـــاب الي جره
ويل كَلبي اشلون كسروا ضلع هاي الطاهره
ويل كَلبي اشلون زمره ناصـــــــبيه و كافره
ويل كَلبي اشلون كَدرت تعتدي اعله اشرف مره
يا زهرااااء يا زهراء ... يا زهرااااء يا زهراء
زكي الياسري النجفي
02/04/2011
كيل
قصيدة ليالي الفاطميه
01/04/2011
دمعي جاري بليالي الفاطميه .... دمعي جاري بليالي الفاطميه
1
حبيبة طه يارب روعـــوهه
يلاهي بضعة الهادي ولوهه
حبيبة صفوتك لا ما رعوهه
محن شافت محن ويلي الزجيه ... محن شافت محن ويلي الزجيه
دمعي جاري بليالي الفاطميه
2
الهي الزهره تنحب بالـــمدينه
سجينه بالحزن صارت سجينه
وابّـيـت الحــــزن يارب رهينه
تنادي وين ابوي الهاشميه ... تنادي وين ابوي الهاشميه
دمعي جاري بليالي الفاطميه
3
تنادي بويه كَومــــك ألموني
دمع عيني فلا فـاركَـ جـفوني
يبويه وليه (اصحابك) ولوني
و لوني بغيبتك مثل السبيه ... و لوني ابغيبتك مثل السبيه
دمعي جاري بليالي الفاطميه
4
حبل صبري انكَطع يا بويه عاين
بعد عينك بدت كل الضغــــــاين
رهاين بويه اصبحــــــنه رهاين
عكب عيناك بـيد الناصبيه ... عكب عيـناك بـيد الناصبيه
دمعي جاري بليالي الفاطميه
5
حطب بابي حطب يابويه يسعر
يريتك حاضـر و تنظر المنظر
حِــركَـ بابي واصــيح اللهُ اكبر
وبسمار الصدر شاهد عليه .... وبسمار الصدر شاهد عليه
دمعي جاري بليالي الفاطميه
6
كلف كسر الضلع يا ناس والله
ابد يا شيعي بـــالك يوم تنساه
الم ضلعي الم اكـبر مـــن الاه
عظيمه الفاجعه يا جعفريه ... عظيمه الفاجعه يا جعفريه
دمعي جاري بليالي الفاطميه
*********
قصيدة .. ما اوذي نبي بمثل ما اوذيت
عذراً يا رسول الله .. لو اني اقتربت من حدود جلالك و تجرأت في الخطاب عن لسانك
اللهم اني لا ارجو إلا نصرة نبيك فوفقني الهي لما تحب و ترضى
ثوابها الى قرائها الكرام و امواتهم و اموات شيعة امير المؤمنين من لا ذاكر لهم يذكرهم
على الخصوص الشهداء الكرام و خدام العتره الطاهره
بسم الله الرحمن الرحيم
ما أوذيَ مثليَ مُرسل ... فأنا المظلومُ الأول
مَحّد بيهم عصروا بنته ابّاب الدار ... مَحّد بيهم بنته انصابت بالبسمار
ما أوذيَ مثليَ مُرسل ... فأنا المظلومُ الأول
1
رسول الله و جلالة قدري مشهوده .. إلاه الكون خصني بلطفه و بجوده
كراماتي كَبل كل خلقه موجوده .. محمد آنه والله اوصافه محموده
من إسم الباري اسمي ... و من نوره القدسي رسمي
خصني ابلطفه الباري وماشاء القهّار
كل ما عندي ابجود وآلاء الجبار
ما شاء اللهُ سأقبل ... فأنا المظلوم الاول
ما اُوذيَ مثلي مُرسل
2
بني اسرائيل ظلموا بالفعل موسه ... فعلتهم خبيثه وخطه مدروسه
لجن بيته انحفظ ونصان ناموسه ... وابد ماواحد اتجرأ يجي يدوسه
ما حركَت بابه الاصحاب .. ما هتكوله البيته احجاب
وآنه بيوم اغيابي عنهم هلارجاس ... هجمو علباب و حركَوهه شر الناس
و المُحِسنُ سبطي يُـقـتـّـلْ؟ .. فأنا المظلومُ الاول
ما اُوذيَ مثليَ مُرسَـل
3
مريم و الهظم و الضيم وآلحسره ... ما توصل عُشـُـر مِعشار للزهره
ابو يحيى سلام الله على قدره ... كفلهه وما وصل واحد لمس شعره
وآنه البنتي آذوهه ... بغيابي ما رحموهه
بضعه كَلبي تون و تنحب ليل انهار ... غصبو حكَهه و مارحموهه اهل النار
منهاجُ القومِ تـَبَدَّل ... فأنا المظلومُ الاول
ما اُوذيَ مثليَ مُرسَـل
4
وصيتي جانت القرآن و العتره ... و يعرفون محور عترتي الزهره
لجن ياحيف غدروهه اشر زمره ... ثمود و عاد ما سووهه هلغدره
شر وسوط وسيف ونار ... وجتاف ايدين الكرار
و الميراث وبيت الاحزان وآهات ... و الشجره الكَطعوهه التشهد علونات
يا رَبي أنتَ الفيصل ... فأنا المظلوم الاول
ما اُوذيَ مثليَ مُرسـَـل
5
رغم ماصار صابر و النضر يربي ... ضني بيك ما كَِطعـَنـَّه يا حَسبي
تضل عيني على الياخذ نفس دربي ... حبيبي المهدي عَجِّل امره يا ربي
يارب خلي يصيح الثار ... ويجرّد سيف الفقار
ياخذ ثاري و ثار اولادي امن الكفار ... يرفع راية عدلك يارب بالامصار
حانَ الميعادُ تـَعَجَّـل .... فأنا المظلومُ الاول
ما اُوذيَ مثليَ مُرسَـل
زكي الياسري النجفي
15/03/2011
كيل
تمت في 15/03/2011
***************************
قصيدة ويلاه ماتت فاطمه
13/03/2011
يا ناس شو ليل الحزن غطـَّه المدينه
و السمه تبجي و الارض وحشه وحزينه
وينه علي .. حامي الحمه
ويلاه ماتت فاطمه
1
بمحرابه ساجد ويلي حماي الحميه .. يشكي لـَعد بارينه آلام الـــرزيه
لن الارض ماجت حزن لجل الزجيه .. واسماء نادت يا بشر لحكَو عليه
يا ناس هذي فاطمه البلحسره عاشت
بآثار بسمار الصدر و العصره ماتت
صاح المنادي بالسمه .... ويلاه ماتت فاطمه
2
ويلي على الزهره وعلى ذيج النوايب .. وشكثر شافت من محن وشكَد مصايب
محسن كَبل دور المهد شو نجمه غايب .. و الباب يشهد بالحشر يروي العجايب
ويلي على عصرة عُمَـــر باب الزجيه
عاداهه مدري اليا سبب بضعـه نبيه
لي لعنة الله الدائمه .... ويلاه ماتت فاطمه
3
شيفيد نعتب علدهر ما ترجع احباب ... راحت عزيزة حيدره ريحة الاطياب
راحت شريكة دنيته بآهات الِمصاب ... راحت عليهه تنتحب آيات الكتاب
ويلاه من جور الدهر ويه الاطايب
غادر يفـَرّق بالأجـل بين الحبايب
جاري الدمع لون الدمه .... ويلاه ماتت فاطمه
4
بنت النبي المحد عرف قيمة علاهه .. كَـَّضت عمرهه بالحزن آهه اعله آهه
الباب يوكَف بالحشر يشرح اساهه .. وبسمار صدر ام الحسن ينكَط دماهه
و اول شهيد ابعترتك محسنهه دامي
مثله بأرض طف كربله عبد الله ضامي
كل المصايب قادمه ... ويلاه ماتت فاطمه
5
يا حجة الله الطاهره شوصيتي حيدر .. شكَلتيله يا بنت النبي اللهُ اكبر
بتشييعي طاغوت و جبت ماريد تحضر .. ميعادي وياهم تره بساعة المحشر
بالليل واراج الوصي و نجومه تشهد
معقوله خفيه تندفن بضعة محمد
كل المعالم قاتمه .... ويلاه ماتت فاطمه
زكي الياسري النجفي 13/03/2011