مساحة للأبوذية وللموال (الزهيري)

[ابو ياسر الكعبي]

السلام على أهل الشعر والشعراء
هساحةٌ للموال ( الزهيري ) والابوذيه
بجميع اغراضها
الرثاء
المديح
المجاراة
التوليد

ولكي يتفاعل الشعراء والمتذوقين لهذا اللون من الشعر الشعبي
أرجو من المشرفين
تـثبيت الموضوع
***
لنتوكل على بركة الله ؟؟

[ربيبة الزهـراء]

اللهم صل على محمد وال محمد

حياكم الله مولاى ,,

مساحة مباركة بأذن الله ..

بًوًرًكًتًم

[محمد الغزي]

السلام عليكم موضوع في قمت الروعه اخي الغالي






أحبك ماأحب بالكون سواك
سبحانه الذي من طين سواك
بشر لكنه ويه الگمر ساوال
وصرت إنته الگمر وايديك ضيه

[ابو ياسر الكعبي]

اللهم صل على محمد وال محمد

حياكم الله مولاى ,,

مساحة مباركة بأذن الله ..

بًوًرًكًتًم
وافر الامتنان للاخت ربیبة الزهراء

[ابو ياسر الكعبي]

كل العرفان والامتنان
للاخ الكريم
محمد الغزي
نأمل ان تكون لك هنا انسكابات
تحياتي القلبيه

[ابو ياسر الكعبي]

الـبـاري للـوصـي حيـدر مِـنَـح تـاج
الولايه وكل شـخص ثاني مَـنِـح تـاج
بـالـكـــــــرار عـالأُمـــــه مَـنِـح تـاج
إبْـشَــــسِــــع نَــعْـلــيــه نــحـتَــج عالبريه
***

[مرتضى شكر]

الحزن لأم الحسن ياما عصرها
سلب حقها إشكثر جاير عصرها
كصه إعليها الدهر ويلي عصرها
خطف منها العمر قبل المنيه
----------
مرتضى شكر
النجف الأشرف

[ابو ياسر الكعبي]

مرتضى شكر
مرحباً بك ايها الشاعر الكريم
نوّرت المساحه الشعريه

[محمد الغزي]

دكافي امن البعد ياترف بس بس
ومنو البذنك على الهجران بس بس
گبل تركض تجي لو صحت بس بس
شجاك شغيرك هسه علية

[روح الكلم]

عليّ آنة شكثر يا ناس مر همّ (احزان)
وردتك للجروح اتصير مرهم (دواء)
بس انة الضكت يا حيف مرهم (عذابهم )
الحلو للغير وانة المر الية

[روح الكلم]

ترَ ايام الحزن بجفاك جنة (وصلن الينا )
وبعدك للعكل يهواي جنة (اصابه الجنون )
انه بعدك ابد ما اريد جنة (جنة الخلد)
واريد النار لو تكرب علية

[روح الكلم]

حبيبي بيك فاخرنا وعلينا (ارتفعنا )
ويغالي ارجوك لا تبعد علينا (عنا )
مثل ما طلك الدنيا علينا (الامام علي ع )
لاطلك الروح بعدج يلوفية

[روح الكلم]

تهزهز بالحد وانفض ترابيك (التراب)
عزيزالروح هالنايم ترابيك (اريدك )
لفاني العيد وعيوني ترابيك (تنتظرك )
تهنه بنومتك والنوح الية

[ابو ياسر الكعبي]

مرحى لروح الكلم
اينما تحل يحل الجمال

[ابو ياسر الكعبي]

ثـمين وتبقه بعد أثـمن ورثـمن
وخدّك بالحِسِن گلّي ورثـمن
أطگ أوياك وتزاعل ورثـمن
دقايق وانه صبري يخون بيّه
منقول

[روح الكلم]

ترَ بيدك حبيب الروح نحبي (موتي )
بجيت وما نفع وياك نحبي (بكائي )
على الغالي اجينة اليوم نحبي (نمشي كالاطفال )
زحف علراس ما ازحف بدية

[روح الكلم]

وحك الله الغدر وياك منيتي (ليس بنيتي )
واريد اكضي العمر وياك منيتي (امنيتي )
ترَ انت اشما بعدت تكرب منيتي (موتي)
اجر حسرات والونة خفية

[روح الكلم]

من الياقوت يا صاحب لها شاف
وبعد روحي بمودتهم لها شاف
لون اللامني مرة لها شاف
ترك شغلة وبكة يبجي علية

[روح الكلم]

صرت بلا وعي بجفاك ماشي (سائر)
وعلى عكلي تكول الناس ماشي (مختل العقل)
شتآمرني اكلك صار ماشي (قابل )
بس لتعوفني وتبعد علية

[ابو ياسر الكعبي]

قصر لبنیلك بگلبي وقلعه
وأکض شریان البگلبي وقلعه
الرفاعي اتروح إلك فدوه وقلعه
وإلك ترخص يغالي الناصريه

[ابو ياسر الكعبي]

من الياقوت يا صاحب لها شاف

وبعد روحي بمودتهم لها شاف
لون اللامني مرة لها شاف

ترك شغلة وبكة يبجي علية

من الياقوت ياصاحب لَـحَـنها
ويرقّق كل گلب جاسي لَـحِنها
حنين النوگ مایلحگ لَـحَـنها
حنینه والملامح بابلیه

[روح الكلم]

عليّ الناس انشدهه وسلهَ (اسألها)
يروحي القهر كاتلها وسله (مرض السل)
جروحي اشلون انساها وسله (من النسيان)
وعليّ اتزيد كليوم الاذية

[ابو ياسر الكعبي]

عليّ الناس انشدهه وسلهَ (اسألها)

يروحي القهر كاتلها وسله (مرض السل)
جروحي اشلون انساها وسله (من النسيان)

وعليّ اتزيد كليوم الاذية

دمعتي إعليك أصبّنها واسلها
بجفاك الروح اعذبها وسلها
عليك اجروحي اناشدها وسلها
مِـتَه عيونالحنان تـمـر عليّه

[روح الكلم]

حبيبي جرحي ما بس يوم ساكن
مشكلكم والالم بالروح ساكن
تمكن من بعد ما جان ساكن
مثل موج البحر وانهد علية

[ابو ياسر الكعبي]

جبل حزني علی صبـري تًـراها
وروحي بـخیـمة افراگگ تراها
أمانه إمأمِّـنه عندك تراها
أسافر ومْـنَـرِد رجّـعـها إلـيّـه ؟

[ابو ياسر الكعبي]

زرعت ابصحرة اسنيني وردلاك
وتردلي امن الشعر عطره وردلاك
أصد ياصاحبي عنك وردلاك
وأجيك إمـحـمَّـل بشوگ البُوذِيَّه

[محمد الغزي]

انياب الدهر عضن من شراها

وبالله ارجوك كفني من شراها

صحت للبيع روحي من شراها

شراها الچان يحلملي بأذيه

[ثورة الحسين]

الف شكر على الموضوع الروعه
ــــــــــــــــــــــ
احب حسين وحك الله _وطه
وازور كل كاع جدمه _وطه
ورايات اميه ابسيفه _ وطه
وبالشجاعه معروف ابن حامي الحميه
بقلمي
خادم اهل البيت(ع)
(عبدالله الشاعر)

[محمد الغزي]

أقدم الروح لحبابي وسلم

واصافح راحتي بچفهم وسلم

يارب العرش صلي وسلم

على المصطفى وآله بكل مسيه

[روح الكلم]

(صحت عباس هل تسمع؟ يخي ماي
سكت مارد صحت طيحن يخيماي
الارض تبجي على اطفالك يخيماي
طحت بس العرش دكلك تجية )

[روح الكلم]

جبل حزني علی صبـري تًـراها

وروحي بـخیـمة افراگگ تراها
أمانه إمأمِّـنه عندك تراها

أسافر ومْـنَـرِد رجّـعـها إلـيّـه ؟


دمع عيني ابد مايبس ونشاف
شكثر كلبي بغيابك علي ون شاف
الجرح ضميتة عن الناس ونشاف
الجرح بين بعد شيضمة اليه

[محمد الغزي]

أبشرك مابعد بالعين ضل ماي
واحس حته الصبح بجفاك ضلماي
زماني مرادف اعله الروح ضلماي
سلب عگلي وشدهني وشد اديه

[ابو ياسر الكعبي]

تضمين مثل شعبي ببيت أبوذيه


الأمثال الشعبیّه


المثَل : (جنَت براقش علی نفسها)

یُضرَبُ لِمَن یجْنُوَ علی نـفـسِهِ بنَـفسِه 0

مجاراته في الابوذیه

***

دنیفه الروح لاجت عن نفسها
وطفح عالـي رداها عن نفسها

جنت حُکمت براقش عن نفسها
إبنفسها وأصدَرت حُکم المنیّه

***

ابو ياسر الكعبي

[زكي الياسري]

الحبيب ابو ياسر الكعبي
اشتقت لك و ليراعك النقي


يايوم يابــو الشعر يمك اقــــــــــــارب وصل
و احركَـ اوراق الهجر بجمار حرف ال وصل
واثني اعله طه النبي واكتب واناجي وصل
مشتاكَـ لهل الشعــر و اللـــــــيل سوطه كلف
من حيث ساعة بُعد بحســــــاب عاشكَـ كلف
كـلفـني كَلبي ابأمر كَــــــــــتله ابخدمتك كلف
جاوبني شِـــــــــــــد للمحب وياك حلقة وصل


حقيقة اشتقت لك كثيرا يا ابو ياسر


موصول دعواتي لك ايها العزيز

[ابو ياسر الكعبي]

الحبيب زكي الياسري
شهد الله كم اشتقتُ اليك

}ماتحرگ النار إلا رِجِل واطیها{


***


إي وَحَگ ربنه الّذي للأرض واطیها


دنیـاك منهـا إخِـذ یـاصـاح واطیها


إگْصِد عِوالي الرِجال وعوف واطیها


إتِّـجه لهل الفًـضِل وِنْـفُر المنَّك زاغ


إحْـذَر أَشبـاه الِـزلم لونَعَق منهم زاغ


حِمْلَك چتافك یشیله لَوَن عَنَّك زاغ


}ماتحـرک النـار إلا رِجِل واطیـها{




معاني الجناس
واطیها : أَردتُ بها الطَي 0أي طَيُ الارض0
· واطیها :مخففه أَعْطِها0
· واطیها : الواطئ0عکس المُرتَفِع0
· زاغ : بمعنی إسْتَخفَّ وأَصلُها زَغْ0
· زاغ : طائرٌ یشبَهُ الغُراب 0لاکنَّهُ أَصغَرُ مِنه0
· زاغ : بمعنی مالَ واعوَجَّ0
· واطیها :الذي یَطَئُ الشئ0یُقال وطأ فلانٌ الناربرجله0
ابو ياسر الكعبي

[زكي الياسري]

عن الاشتياق


سيف المـلامه عَلـَيْ حادي العــواذل شَهر

و اسرار حبي الك من دون عــلــمـي شَهر

معلومه صارت تره من قـُم لحَــد بـو شهر

وما يوم كت الدمع بطــّــل جــــــرالك نهر

إترك يكَول العقل من سِـمـع كَـــــــلـبي نهر

ساعات ما احتمل و شلــون اقاوم نــهـ اْ ـَر

يعني اني اموتن اذا طـــوّل غيـــــابك شهر


تحياتي الخالصه لك يا ابا ياسر

موال رائع ما خطه يراعك اللامع

و تحياتي الى باقي الشعراء المبدعين
روح الكلم و الغزي و جميع المشاركين و القراء

[ابو ياسر الكعبي]

رعاكَ الله مولاي الياسري
راق لي موالك الجميل

مثلين شعبيين
(ردته إلي عون تالیها طلع فرعون )
(جبت الحیایه عله ایدي وعضَّتني )
***
سِلَّـك سَـلاني وبگیت اهـواك وَعْـضَـتـني
وشکثـر عن سچِّتك وعّـاض وِعْـضـتـني
ماخَذِت بالمـوعضه للشـوگ وَعْـضَـتـني
وِکْریت إلك یاترف روض الحشه فرعون
وجـروحي إلك خَضَّرن مَد وجَزِر فرعون
( ردتك إلـي عـون تالیها إطْلَعت فرعون)
(جبت الحیـایه علـه إیـدي وعَضَّتني )
_______________________________________
· وعضتني :أي بمعنی أنتظرُوعظَ الهوی
· وعضتني:نَصَحتني الوعّاظ
· وعضتني:من العظ عضضت شوقي أي القبض علی الشئ بالاسنان
· فرعون: مُحرَّفه 0أصلُها (فرعن)ترکتُ لَک الحَشی فاراٌ عنه
· فرعون : فرعَین
· فرعون :اردتک عوناً لي فاتضحَ عکس ذالک
· وعضَّتني : الحیّاتُ عضَّتني

خالص موداتي لكل من مر من ها هنا
ابو ياسر الكعبي

[محمد الغزي]

وحگ سورة بره وياسين ونسه
وعگبك مابگالي بعد ونسه
عمت عيني امن ابطل ابچاي وانسه
لما الأبيض يگدرونه عليه

[محمد الغزي]

عفاني جيف الي مهجه ولي روح


اداوي بالعلل كلها ولي روح


ماني ابحال من يبكه ولي روح


ابحالك يالكطعت الوصل بيه

[ابو ياسر الكعبي]

عفاني جيف الي مهجه ولي روح


اداوي بالعلل كلها ولي روح


ماني ابحال من يبكه ولي روح


ابحالك يالكطعت الوصل بيه


تحبني شلون إلك مهجه وإلك راح
وشنهو اللي إعجبك بيّه وإلك راح
إلي راح اشكثر خشنه وإلك راح
ناعم وانخدش بفطور اديّه
ابو ياسر الكعبي

[محمد الغزي]

يشع وجهك كما الياقوت كفلاك
ومن عوز الجمال الصمد كفلاك
لزمته وبهر عيني ترف كفلاك
عجينة صفر ساحت بين اديّه.

[ابو ظاهر البركي !]

السلام عليكم ورحمة الله وبركاته

اسمحولي ان اعوم معكم في بحر الشعر
وطعم الابوذية والموال




اتصل بي احدهم يعاتبني لأنقطاعي عنه وله مكانه في قلبي
فقلت:

شجاني وحبل وصلك كاطع آني
طلعت موش بمحنه كاطع آني
أثاري الخير بعدك كاطعاني
يريت الخير الك ماريد اليه



اخوكم
ابو ظاهر البركي

[ابو ظاهر البركي !]

زرت احدهم في المشفى قبلاجراء العمليه الجراحيه له
فنظر لي خائفا فقلت له :

يمن فدوه الك واني رحتلك
ولجلك شكبنت كلي رحتلك
سجاجين الطبب جسمك راح اتلك
تلك صدري ولا تلوحك اذيه



اخوكم
ابو ظاهر البركي

[محمد الغزي]

صرت انته سوالفنه وحچينه
وعليك بخير صدگني حچينه
حبيبي ارجوك جاوبنه حچينه
من تزعل تضيج الروح بيه

[روح الكلم]

درب اهواي بيه شباج واشراك
ابيع انة العمر يهواي واشراك
البعد عنك كفر بالله واشرك
لون تكرب سبع جنات الية

[محمد الغزي]

من زغري الحزن والضيم چلباي
ويروحي بحبل صبرﭺ حيل چلباي
أكل عظمي او وفه وياي چلباي
وبعضهم أكل لحمي وخان بيه

[أبو ذر السماوي]

لـــــــوحــــــــات


يـــــمــــيــــنــــــك بــــــالــــــوداع الــــــيــــوم .... لـــــــوحــــــــات



ورســــمـــت أبــــدمــــعـــتـــي الـــمــلـــگـــاك .... لـــــــوحــــــــات



أظـــــل أتــــنـــــطــــــــرك يـــــحــــســــيـــــن .... لـــــــــوحـــــــات




أظـــــافـــــــرهـــــا ٱنـْـــشـــــبـَـــتْ بــــــيـــــــه ألــــــمـــــنـــــيـــــــــه

**************


تحياتي للأستاذ أبو ياسر الكعبي
وأرجو قبول مروري البسيط على صفحتكم المتألقه

خادم خدمة الحسين ( عليه السلام )

أبو ذر السماوي

[ابو ياسر الكعبي]

لـــــــوحــــــــات



يـــــمــــيــــنــــــك بــــــالــــــوداع الــــــيــــوم .... لـــــــوحــــــــات





ورســــمـــت أبــــدمــــعـــتـــي الـــمــلـــگـــاك .... لـــــــوحــــــــات





أظـــــل أتــــنـــــطــــــــرك يـــــحــــســــيـــــن .... لـــــــــوحـــــــات






أظـــــافـــــــرهـــــا ٱنـْـــشـــــبـَـــتْ بــــــيـــــــه ألــــــمـــــنـــــيـــــــــه



**************




تحياتي للأستاذ أبو ياسر الكعبي


وأرجو قبول مروري البسيط على صفحتكم المتألقه



خادم خدمة الحسين ( عليه السلام )



أبو ذر السماوي


استاذنا الفاضل
أباذر السماي
من دواعي سروري أن أرى بصمتك توسم خدود الصفحات
فالمساحة مساحتك وما انا الا تلميذ يتطلع
لروائعك ايها الرائع
لك من الود اجمله

[ابو ياسر الكعبي]

وحق الحمد والكوثر والاخلاص
كل عمر الإله تالي والاخلاص
فَلْسَفْةِ الصلاه حيدر والاخلاص
فلسفته بذبيح الغاضريه
ابو ياسر الكعبي

[محمد الغزي]

يحلوة الزعل طول صاحبينه
بهجرچ عظم ماظل صاحي بينه
چنه برضه وچانت صحة بينه
زعلتي وزعلت الصحة عليه

[عتيق الزهرا]

بالاول احب اقدم تحياتي للشاعر الكبير ابوياسر الكعبي
وكما ذكرت في موضع الدارمي انا في بدايتي بالشعر فاحب اذا عدكم اي ملاحضه علي اشعاري تبعثون الي رساله خاصه
واشكر الاخوان المشرفين والاداره علي هذا الجهود
واقول جزاكم الله خير الجزاء
وهذي الابوذيه اقدمها لمولاي صاحب الزمان روحي له الفداء
اشكثر ايام احسبلك وعدلك
الباري ابهالامر خصك وعدلك
الدنيه تنتظر قسطك وعدلك
تمليها ابعداله الهاشميه

[محمد الغزي]

من دمعي جرن نهرين وعيون
ولخليلك الف حراس وعيون
شلون خدود عندك ولفي وعيون
كبار ومحله نظرتهن عليه

[عظيم الفضل]

لاتتبع من حرفك عن طريق العدل وضلك
وانا طول العمر اصيرن في لك وظل لك
وابد مااعوفك وافكر بغيرك واظل لك

شجرة تفي لك بكل صباح وكل مسية

[صبر الحوراء]

يحادي الضعن جد بالضعن يمنة
على البلعلكمي المكطوع يمنة
جان أحنه الزمان يعود يمنة
نطالب بي يوم الغاضرية

مشكور أخي أبو ياسر على هذه الطرح الجميل

تقبل مروري المتواضع

[محمد الغزي]

الــگــلب بـــالعزم صبــرته ومنته

وفرشته اعله الترب يـــمك ومنته

منته الكـافــــــل ظعـــوني ومنـــته

الجبتني وياك ليـــش اگــطعت بيه

* * *

اهمومي هموم فوگ الگلب منتل

وســــبّاح الـــدلـــيل إعــليك منــتل

گـــوم ارجــعــنه يـــا عباس منـتل

جبــتــــنه ويــاك لـرض الغاضريه

* * *

الـــدهر شتـــت شـــملنه بالظعينه

ودلـــيــلي سيـــوف اميه بالظعينه

وســافه الــشــمر يحدي بالضعينه

وابـــو فــاضـل عــلى الغبره رميه

* * *

يعــــباس اســتــمع عـتب ولا ماي

غـــريــبه وزادت ابفگدك ولا ماي

مهــجــنه بالعـطش تلهب ولا ماي

يخـــمد جـــمر لــوعتــــنه السريه

[فتاة الاحلام]

يااااااااااااااااااااا الله
اول مرة ازور هيذي الصفحة بس شي عجيب فيها

مشاء الله عليكم يا شعب العراق العظيم
وعلى قلمكم الجميل الذي يرفع الرأس والله كلام بيشيب منه الراس
الله يحفظكم ويخليكم ربي
والف الف تحية إجلال وإكبار لكل من ابدع قلمه هنا
تقبلوا من اختكم الحضور الخجول والمتواضع في متصفحكم الرائع
(فتاة الاحلام)

[روح الكلم]

اهنا يلخذت روحي وانت بيهة
المحاسن فرع منك وانت بيهة
لا تحرك جبدتي وانت بيهة
اخاف عليك مو خوفي علية

[روح الكلم]

مشيت اعل الجمر وياك والشوك (النبات)
عليّ بلا ذنب يا حيف وشوك (من الوشاية)
ترَ بطبع الرجال اتغار وشوك (ضد اليقين)
وتصير الغيرة اكثر عل الوفية

[روح الكلم]

جميل وحيّر المخلوك وصفة (كيف يوصف)
والذ من العسل والله واصفى (انقى )
حبيبي لكل مريض ايصير وصفة (دواء)
ابنظرته اهواي يجليها المنية

[درة النجف]

انيق اني و حبيبي بعد انقة
وشبه الماي النقي لا بعد انقة
بشهر العسل تاخذني اريد بانقة
-رة و نقضيهه ونسة و هاي هية ههههه

اتمنى ان تنال اعجابكم

[صاحب الدواهي العظمى]

جثيرة ايام مرت مرمرتني
وايّس مرة مر مر اتني
اصارخ مرة وبسر انادي مر مر اتني
ترا الفراكـ راواني المنية

[محمد الغزي]

طحت لااخو اليفزعلي ولاعين
ولايوم استقر كلبي ولاعين
الة طول والة حاجب ولاعين
اصيح ادخيل لوصدن عليه

[محمد الغزي]

يدنياي المصايب علي جدري
يتكالب مابرد فد يوم جدري
انه الضليت جن مصيوب جدري
نيران ايشيل ويعوف الثنية

[درة النجف]

يكولون الصديج اصبح مريتك
ولا تعتب تراني اليوم مريتك
لچن قبل الدخول أصرخ مريتك
دغط وجهك جمالك عم عليه

[محمد الغزي]

غيرج ماحلة بيميني و لا طاب
و لا دونج دخل كلبي و لا طاب
يا جرحي وياج لا هود ولا طاب
دم ينزف و لا تدرين بية

[فتاة الاحلام]

اكذب عليك ان قلت انا ناسيك
والا بعد حاولت ياروحي انساك
تعيش فيني مثل ما اعيش أنا فيك
حبك حياتي واعرف الموت فرقاك
أنا وقلبي ياهوى البال بيديك
وشلون اعيش ايام عمري بلياك
لا تصدق اني قادر انسى واجافيك
مهما حصل صعب اني انساك و أسلاك
ماتدري إني هايم وميت فيك
ماتدري ان غايه سروري رضاك

[محمد الغزي]

كلبي اشما اطشره يرد صامت
وروحي من حزنهه اعليك صامت
شما اخلي الجهاز بوضع صامت
يصرخ من تدك انت عليه

[روح الكلم]

جرَ دمعي وروَ يا ناس غابات (اشجار)
وروحي من الوعي بجفاك غابات ( لم تدرك)
من شمسك عليّ يهواي غابات (غياب الشمس)
طلع نجم الظهر بعدك علية

[روح الكلم]

على بالك من تريد اتروح ظعنة (خلينة )
نذرت الروح بس ايعود ظعنة (بقاياه )
بلياكم حبيب الروح ظعنة (تهنة )
مثل حال السمج من نشف ميه

[محمد الغزي]

ردت كلبي يتكطع بك ويهلاك
ناس بوجه وانتة جم ويه لاك
عجيبة من صرت ضدي وي هلاك
عصابة ودرتو شو كلكم علية

[محمد الغزي]

عليك الروح يامحبوب ونّت
تظل غركَانه لن مايوم ونّت
عجب ماشوفك بصفحاتي والنّت!!
شغل لهّاك ! لو حاقد عليه!!

[فتاة الاحلام]

أوعدك ماتخلى عنك ابد,
وقلبي عمره مايسكنه احد,
انت عشقي وحياتي ويبقى لك للأبد.
وإن مر يوم وماسألت لاتقول خانني وخان العهد
قول مات وللحين ماحبني كثره احد

[محمد الغزي]

ما يكدر يوصف حسنك وصفنة
لان يرادلي وكفة وصفنة
تمنيتك بمدرستنة وصفنة
اذا تاخذ صفر ننطيك مية

[درة النجف]

ذبل عطر الورد صدك وخاوة
و طمع مابية من عندك و خاوة
صرت مـمنون للصادق وخاوة
قسم لهديلة كل غالي عليه

[محمد الغزي]

غرامك اثر بالعشك وداره..
هجرت الي تعب وياك وداره..
سمعت بقيس عاف اهله وداره..؟
حملت الضيم وهمومك سويه

[درة النجف]

صح يكتل جمالك صح بي سمار
و تدق بالروح تاليك بِـ بِسمار
اسامح لون جاييني و بَس مار
لچن مو راسي انزلة اعلة الوطية

[محمد الغزي]

انوح وغير نوحي مانساني
وبالشده يدره مانساني
بعسر حالي وحمده مانساني
الباري وبس أله مديت اديه

[درة النجف]

محمد غالي انت و كلنة نوكفلك
و ياهو التدق بابة يكِفلك
عيوني انطيهه و امد كف لك
و خادم الك والحد المنية

[محمد الغزي]

لو راساً تكلي ارجــوك هدنه
وتعاركني وتــريد انوب هدنه
ولك والله العشك وياك هدنه
مريض انه تعال اسال عليه

[درة النجف]

كتلة اباب خيبر اني اصلي
وعدى بابك يحيدر ماكو اصلي
من اوكف امامك اصل لي
مو مغشوش لو طالع شهية

[ابو ياسر الكعبي]

ثـمين وتبقه بعد أثمن ورثـمن
وخدك بالحِسِن گلي ورثـمَن
أطگ أوياك وتزاعل روثـمن
دقايق وانه صبري يخون بيه

[درة النجف]

يظل حبك قضية و شوكة بيه
و حناني اعليك فاح بشوگة بيه
بس قارن حناني بشوگ بيه
اذاً اني ابتعد حد المنية

[ابو ياسر الكعبي]

حبيبي ليش حبك سل سلاني
وحبيبي ليش حبك سل سلاني
وحبيبي ليش حبك سل سلاني
بأول قائمة هم وأذيّه

[محمد الغزي]

حبيبي امن انسجمنه روح وي روح
إلي اشگد طيبت چويات ويروح
امن اذكرك كله همي ايزول وايروح
وهلال العيد من تگبل عليه

[روح الكلم]

السمة والكاع حزني ما أوانة (جمعنه )
وانسة اشلون وني من اوانه (عندما اون )
سكت انة وترَ لكلشي اوانه (وقته)
وبعد ارجوك لا تعتب علية

[عظيم الفضل]

قلبي اشتعل نيران بالعراق
وحبك سكن بقلبي وبالأعراق
انا ولدت ببلد خالد بالأعراق
عراقي انا وعلي امامي خير البرية

[عظيم الفضل]

شفت بالطيف شخصك سالماني
همت ودموع عيني سالماني
علي تسأل يغالي سالماني
عدل بس شوفتك شحت عليه

[محمد السكندراوي]

ربي يخليكم
بصراحه
مااكدر اجاريكم


يهل رسمك خلال اسنين منجوز

ومن حبك يبعد الروح منجوز

يل كلك عسل وشفاك من جوز

حظنتك والعسل نكط عليه

[محمد السكندراوي]

يهل رسمك خلال اسنين منجوز

ومن حبك يبعد الروح منجوز

يل كلك عسل وشفاك من جوز

حظنتك والعسل نكط عليه

[زكي الياسري]

حيا الله الاعزاء و على رأسهم المبدع ابو ياسر

مواويل الى مولاي امير المؤمنين علي عليه السلام






مابين حلم الوصـــــــل وآلآم بُعدك أمل

يوميه منه الكَلـُــــــب يا سر حياتي أمل

ما همني حب نائله وليلى وسعاد و أمل

حُبك يحامي الحمه الخلـّه الحياتي وَهّجْ

و الناصبي لهسبب دومن يسبني وَهجـ

ــماته متنفع لذا مل من عَــــذالي وَهّج

وهيهــات يا بالحسن منــّــك ثواني أمل












حيدر وصي المصطــفى ماجـور يا ذاكره

قرآن رب البشـر فــــــــي هـل اتى ذاكره

يعني اسمه بيه انكتـــب واضح الك ذاكره

حب حيدره بالاــــصل رب البشر شارعه

وياه يالتســـــتمع بـوب السـمــه شارعه

و الدين اظلم بلا حيــــــــدر علي شارعه

و اليذكــــــــره بالكَـــبر متخونه الـ ذاكره











هليله بيهه انولـــد بالكعبه حامي الـ حِمه

مَن سيفه دين العلي بسوح المعارك حِمه

اسأل يناكر فضل حيـــدر وغا الملـ حمه

وعلهادي المصطـفي يالتستمـــعلي صلي

وادعو على مبغضه نار الله تصلي صلي

بميلاد حيدر علي خلــّــــي الهلاهل صلي

هـــــالحـــين هذا الحفل بعد الهلاهل حمه

[زكي الياسري]

منعوف حب النجــــــف دار الصداهه علي
جي بيهه حامي الحمه السيفه بحروبه علي
ما عوف حبـــــــــه لون جيش ايتجمع علي
من حيث حبه نبع من عنده كلمــــــــن ورد
لابد بيوم الحشــــــــــــــر جائزته باقة ورد
يسأل عليش الــــــــــورد هذا الاجاني ورد
من مــالك اينبئه جي انتـــــــه تعشق علي

(مالك خازن الجنه)







مهموم شوكَي نهر نهر العشكَـ كر بله
مكروب غم عاذلي خله ايعذل كربه له
ما دام بيدي التمر عادي يلم كـربه له
جفني يصيج بقهر يمتـه المدامع نِجف
يمته بضريحك علي بروح الموالي نِجَف
مو مثلي كلمن بجه اني المفـــاركَـ نَجَف
ومفاركَـ ابنك عـــلى الــمنه زهت كربله

[ابو ياسر الكعبي]

زكي الياسري
حياك الله
مااروع مواويلك
وأدق تصوريك
كن بخير
اخوك

[ابو ياسر الكعبي]

مشغوف گـلـبي وبنات الشعر ولـجـنّه
ودّنـــــه للـهـيِّـمـه بـهواه والـجـنّه
أعـنـي إمــامـي إمـام الإنــس والـجـنّه
واضح وضوح الشمس حـبي إله ولاخـاف
لازاد لـحظـه بـيـسر وكت الشـدد لاخاف
من نار مـنبع سقـر ما أنـثـنـي ولاخـاف
مولاي حـيـدر قسيـم الـنـار والـجـنـه
ابو ياسر الكعبي

[زكي الياسري]

حياك يالي تحب مَن ما عشـــــــــكَـ فضه*
و ما غره لمع التبـــــــــر بيديه مِن فضه
حكَك لأن ما عدى راعي الشيـــــــم فضه
مشغوف كَلبك وَلـَـه وبْنات شِعــــرك غِنه
و الي يحب يحيدر لو مامـِـــــلك شي غِنه
من حيث حيدر ذهب والذهب مصدر غِنه
و اتمنى خادم انه عِد قمبــــــــــر و فضه


حييت يا ابا ياسر على الابداع و التفاعل

اشتياقي و دعائي لك يا غالي مقيم

[ابو ياسر الكعبي]

الیاسری
دعواتي لك بالتوفيق

خطينه اسمك علي اباب العقل لافته
ويوم الحشر بس إلك أنظارنه لافته
جبريل بسمك هتف غيرك علي لافته
ومن گبله سيفك شهد قل هو الله احد
سيف الدهر حد إله وسيفك يحيدر أحد
امضحين لـولايتك غيـرك منقبل أحد
بدربك مشينه عدل وچف الظُلُم لافته
الكعبي
مبارك على كل الاحباء
مولد النور

[زكي الياسري]

لافته اباب الكَلب يا نـــــــــاس خطينه
خطين باطل وحكَـ هلكـــــــــون خطينه
واحد علي خط ذهب والثاني خط طينه
و الطين ما يقترن ويه الكمــــــاله نقي
يا صاح فكر العوج عن المفاســـد نقي
من حيث حيدر درع بيه المـــدارك نقي
ما دام بمحبته ما يــوم خــــــــــــــطينه

محبتي و ودادي و دعائي
لك يا ابا ياسر المبدع

[زكي الياسري]

حياك يالي تحب مَن ما عشـــــــــكَـ فضه*
و ما غره لمع التبـــــــــر بيديه مِن فضه
حكَك لأن ما عدى راعي الشيـــــــم فضه
مشغوف كَلبك وَلـَـه وبْنات شِعــــرك غِنه
و الي يحب حيدره لو مامـِـــــلك شي غِنه
من حيث حيدر ذهب والذهب مصدر غِنه
و اتمنى خادم انه عِد قمبــــــــــر و فضه


حييت يا ابا ياسر على الابداع و التفاعل

اشتياقي و دعائي لك يا غالي مقيم





عذرا البيت اعلاه كان فيه خلل مطبعي و اعدته هنا مصححاً لفوات اوان التصحيح في المشاركه الاولى

[زكي الياسري]

الیاسری
دعواتي لك بالتوفيق

خطينه اسمك علي اباب العقل لافته
ويوم الحشر بس إلك أنظارنه لافته
جبريل بسمك هتف غيرك علي لافته
ومن گبله سيفك شهد قل هو الله احد
سيف الدهر حد إله وسيفك يحيدر أحد
امضحين لـولايتك غيـرك منقبل أحد
بدربك مشينه عدل وچف الظُلُم لافته
الكعبي
مبارك على كل الاحباء
مولد النور




لافته اباب الكَلب يا نـــــــــاس خطينه
خطين باطل وحكَـ هلكـــــــــون خطينه
واحد علي خط ذهب والثاني خط طينه
و الطين ما يقترن ويه الكمــــــاله نقي
يا صاح فكر العوج عن المفاســـد نقي
من حيث حيدر درع بيه المـــدارك نقي
ما دام بمحبته ما يــوم خــــــــــــــطينه

محبتي و ودادي و دعائي
لك يا ابا ياسر المبدع

[محمد الغزي]

زغير بسنك وبعدك...مبالغ
وثمن ادفع لجل عينك...مبالغ
واذا اكول الثمن روحي...ماابالغ
الك ترخص يبو نفس الابية

[زكي الياسري]

زغير بسنك وبعدك...مبالغ
وثمن ادفع لجل عينك...مبالغ
واذا اكول الثمن روحي...ماابالغ
الك ترخص يبو نفس الابية


عيوني ابو جاسم محمد الغزي هل هذا البيت من تأليفك ؟؟؟

[محمد الغزي]

لا اخي هذا البيت لاحد اصدقائي
في مدينتي
وشكرا لك اخي الغالي
على السؤال

[زكي الياسري]

حياكم الله تعالى

[ابو ياسر الكعبي]

هنيئاً لكم ولنا ولادة النور



جــنـح الفـرح يـاصـاحبي بيعه لي
وحُب الوصي بأغله ثمن بيعه لي
اليوم الحشر بسمه تضل بيعه لي
بحُبي العلي كل ميت وحي دره
حي كلمن يوالي الوصي حي دره
النـار الّـذي يقسمها چف حيدره
لا مـا تمــس گـلـب الّذي بي علي


الوزن السريع جناس على طريقة الموال

تحياتي لكل المبدعين خصوصا حبيب روحي زكي الياسري

[ابو ياسر الكعبي]

حياكم الله جميعا
وجعلنا واياكم من المتمسكين بعلي وال علي
صلوات اللع عليهم اجمعين

[زكي الياسري]

احسنت يا ابا ياسر احسنت و اجدت



زهرتنه لمَّت تِدري كل زينه ابهه
وَرثـَهه ياقاري الشعر زينبــــــهه
والشينه منهه بالعقل زيــنه ابهه
وبيت الرساله الفاطمي مــابه شر
من خير من حكَـ من عِـلم ما بَشَّر
والله البـِشارة مـن العــلي ما بشَّر
طه النبي و زينب صفت زينه ابهه


ارجو ان اكون قد وفقت في ضبط الوزن يا ابا ياسر
تحياتي ليراعك الذي يقطرُ شهدا

[روح الكلم]

بسك لعب بالكلب كلبي يخي موهلك (مات )
واتريد انة اعذرك وادري السبب مو هلك (ليس اهلك)
حيل وبعد بالكلب لان الكلب ماهلك (سايرك)
ماهلك صح الكلب روحي تعبت ونكضت (ضعفت )
والكم ادور الفرح وروحي يخي ون كضت (قضتها ونينا)
وايام صعبة شكثر مرت علي ونكضت (انتهت)
والوكت لو جان الك باجر تر ماهولك (ليس لك )

[روح الكلم]

آذاني جرح الكلب وعن جرحه ابد ماله (ما نساه)
وغلطان اذا تعتقد علتي دوة ماله (ليس لها)
والدنيا مالت علي وانت الذي ماله (ميلها)
يل ميلت دنيتي وكلبي ولا حاسبك (عاقبك)
ويلي خنتني وبعت وانت الوفي حاسبك (معتبرك)
هسة اكلك صدك كلبي ولا حاس بك (يشعر بك)
والله من عشرتك روحي الندم ماله (ملأها)

[حيدر كربلائي]

اهل كربله احنه و منهجنه الولايه
و عنوانه الحسين و مسكنه الولايه
احنـــــــــــــه المانزل بينه ولا ايه
بس شرف ننتسب للكاضميه

((حيدر كربلائي))

[درة النجف]

بسم الله الرحمن الرحيم
و الصلاة و السلام على خاتم الانبياء و المرسلين
محمد و آله الطيبين الطاهرين
و السلام عليكم ورحمة الله وبركاته اجمعين

اخوتي الشعراء
نحن من متابعي ما تخطه اناملكم من احرف رقراقة
فلا تحرمونا من اقلامكم الذهبية

كونوا بخير
تحياتي و ودي

[محمد الغزي]

زينب من اجت للدنيا بسهم
ولامنه العواذل يوم بسهم
بني امية الخدر صابوا بسهم
والقلب والروح حركَوهن سويه

[حكيمي وافتخر]

الحزن لأم الحسن ياما عصرها
سلب حقها إشكثر جاير عصرها
كصه إعليها الدهر ويلي عصرها
خطف منها العمر قبل المنيه
----------
مرتضى شكر
النجف الأشرف



ابيات روعه

[محمد الغزي]

وحك هموم البصدري والكراب
الماي بغيبتك صدك والكراب
الي ربي اليصبرني والكراب
يفجعك بالخنت بيهم عليه

[ابو ياسر الكعبي]

مازالت المساحة تتسائل ؟
اين انت ايها الغزي

[ابو ياسر الكعبي]

حكيمي وافتخر
نوّرت المساحة ايها الكريم
فمرحباً بك هنا

[محمد الغزي]

مازالت المساحة تتسائل ؟
اين انت ايها الغزي
شكرا يا شاعرنا المدع
والمساحه منيره بتواجدك يا غالي


روى الزيتون من دمعي ولاراك
أوغيرك مانحل جسمي ولاراك
أخاف أطول غيبتكم ولاراك
وعند وصلك تدانيني المنيه

[محمد الغزي]

يبو ياسر


على مودك عفت ربعي وناسي

وسدبحلوك شماتي وناسي

اذاعني غفل قلبك وناسي

انة بطروك كل صبح ومسية

[البدري14]

يبو ياسر



على مودك عفت ربعي وناسي

وسدبحلوك شماتي وناسي

اذاعني غفل قلبك وناسي

انة بطروك كل صبح ومسية


متفرج
----
طبع بينه الموده ما نسينه
نقدس الي يودنه ما نسينه
سيفك من تسنه ماني سينه
اكتب سيف وتبين القضيه
----
مودتي لكم يا عمالقه

[ابو ياسر الكعبي]

كل الود والامتنان للمتفرج الكريم
والى محمد الغزي أقول
سِكنّه ابحي هواكم ما نسينه
إعزاز وشوگ ودكُم ما نسينه
الگلب ما غُفَل عنكم مانسينه
شمس كل كل گلب انتم وانتو فيّه
تقبّل مني هذا الارتجال

[محمد الغزي]

عاشت ايدك رائع جدا
واكلك:

اريد اكتب شعر خطي ....ونصي
والك اشتاكَ انه كلي ....ونصي
احني الراس اذا اشوفك ....ونصي
وخلي الروح تاخذلك تحية

[عظيم الفضل]

وحكك امشي قبالك وامر بيك
صحيح انت ذوقك علقم ومر بيك
لكن من الله نزلت بيك آية ومر بيك
احبك لان انت رحمي وتحن علي (http://www.imshiaa.com/)ه

[البدري14]

كفى منكم جديد الشوك واشراك
ابيع الروح بابخس ثمن واشراك
لان تركك كفر بالدين واشراك
فرض لان الخوي يذكر خويه
----
تحياتي لكم يا عمالقه

[احمد الدفاعي]

ماجورين جميعا

[محمد الغزي]

احسين الكرم كله ونبله
مطعون ابرمح صدره ونبله
بالطف اخبره الهادي ونبله
تحي الدين بدماك الزجيه

[ابو ياسر الكعبي]

ربّک عالإ نـس والجان فضلاک

وبـرگـاب الخلایــق دین فضلاک

الدم اللــي علـه التربــان فضلاک

شرف بیــه إفتخر ربنــه ونـبیّه

[ابو ياسر الكعبي]

قبل فترة ليس ببعيده
تـفاقم حالي وترادى وضعي
فأرسلت لسيدي ومولاي الامام الحسين عليه السلام
من وراء الحجب والمسافات
هذا البيت وكنتُ طالباً فيه حاجة؟




جروحي علـه شفـار البین یحسین

اوّکتـــي مــا بـعـد ویّــــاي یحسین

إلك ودّیت مـــاي الوجـه یحسین

وحاشـه تـِرد مَي وجهي علیّه

[ابو ياسر الكعبي]

ولما تأخر جواب الامام عليه السلام
أردفته بيتاً آخر

شعجب لسّه جوابك عَلَيْ مارد
وأعرفك للدواهي السود مارد
إمامي وعن حياضك أبد مارد
إذا مو حاجتي تقضيها اليّه

بعد سويعات
قضى الله حاجتي بالحسين الذبيح
صلوات ربي وسلامه عليه

[البدري14]

ولما تأخر جواب الامام عليه السلام

أردفته بيتاً آخر

شعجب لسّه جوابك عَلَيْ مارد
وأعرفك للدواهي السود مارد
إمامي وعن حياضك أبد مارد
إذا مو حاجتي تقضيها اليّه

بعد سويعات
قضى الله حاجتي بالحسين الذبيح

صلوات ربي وسلامه عليه

اخي ابو ياسر لاعجب في قضاء
الحوايج فهم رحمة الله الواسعه
والنعمة المهداه لهذه الامة الا
انها لم تقدر النعمة
----
بيه تحتار جيف الكرم يابه
وعوده من اعواد العرش يابه
شعلى الشيعي بجثر اللوم يابه
نسل حيدر علي حامي الحمية
----
موفقين

[ابو ياسر الكعبي]

ايها المتفرج الفاضل
حشرك الله مع علي وابناء علي
عليهم اتم الصلوات
من جبار السموات
احسنت واجملت
كان بيتك رائعاً كروعتك
تحياتي وودّي

[البدري14]

ايها المتفرج الفاضل
حشرك الله مع علي وابناء علي
عليهم اتم الصلوات
من جبار السموات
احسنت واجملت
كان بيتك رائعاً كروعتك
تحياتي وودّي
يم زينب بجيت ونحت بالوصت
بكل قلت ادب عليت بالوصت
رجعت بمراد الي انقضى بالصوت
وصوت الله علي هاي القضية
----
موفقين

[حميد م]

جرح زينب يخو زينب ......دواوين
يمن تعجز بتوصفك ......دواوين
غريبه عكبك وطبت....... دواوين
عكب ذاك الخدر امست سبيه
هذه الابوذية للشاعر ميثم الرماحي فاعتذر من شاعرها ان كان هناك خلل في حفضي لها

[ابو ياسر الكعبي]

وفقك الله شيخنا الفاضل

أسـل گلـب المصـایب مـاتسلنـي

وأسل گلب المصــایب ماتسلنـي

وأسل گلب المصــایب ماتسلنـي

یدهـري زینب آنـه الهـاشمیّه

[لبيك داعي الله]

اللهم صل على محمد وال محمد

احسنتم

[محمد الغزي]

وزنداي حته البلعرش يسمع... وزن داي
ثجيل العتب كل جلمه... وزن داي
فديت النحر وعيوني... وزند اي
وكل هذا وحس تقصير بيه

[عين بكت في حب الحسين]

تسلمو على هالموضوع الجميل
اني اموت على الابوذيات

[محمد الغزي]

تسلمو على هالموضوع الجميل
اني اموت على الابوذيات


شكرا اخي الغالي
وهذا البيت لك

لتريد الجزر يا خوي مد ريد
وما ندري لعبنه قدم مدري ايد
لعبتي وياي لعب ريال مدريد
وحته الكولجي كول عليه

[عين بكت في حب الحسين]

تسلم محمد على الابوذيه
واني ما اشجع الريال
ومعلومه اصغيره خليهه اختي لان انا بنت

[صبر الحوراء]

وك جرى ميك على ميي ولا زاد
سگيتك من دمع عيني ولا زاد
ملح الما غزر بعينك ولا زاد
طلع ساسك رمل وانهدم بيه

[علي عدنان الخزعلي]

مساحة مباركة ونحن كلنا في خدمة المذهب

[محمد الغزي]

تسلم محمد على الابوذيه
واني ما اشجع الريال
ومعلومه اصغيره خليهه اختي لان انا بنت



اعتذر اختي لان اسم عين بكت في حب الحسين مامعروف بنت او ولد
على العموم شكرا على المعلومة


يمته الغاب بالسرد ناراه

يشع بالسمه و فوق الأرض ناراه

يجي و يصلب الوج بالباب ناراه

و يآخذ ثار ضلع أمه الزجيه

[روح الكلم]

(مته الغايب نره ينجز وعدلاه

يمليها الأرض قسطاً وعدلاه

أنا شذكر من مصاب وعدلاه

سبي النسوان يو ضلع الزجيه )

[ابو ياسر الكعبي]

جزاك الثار يالمحجوب وعداك
وكطع بينه صبرنه وطال وعداك
عليش بكربله ما جيت وعداك
اشمتو بينه وخذو زينب سبيّه

[ابو ياسر الكعبي]

بديّه ماجزاني الثار وعداي
طحت ما بين جور الدهر وعداي
اقتضت حكمة الباري بطول وعداي
ادعولي بالفرج صُبح ومسيه

[ابو ياسر الكعبي]

تحبني شلون إلك مُـجه وإلك راح
وشنهو الي اعجبك بيّه وإلك راح
إلي راح اشكثر خشنه والك راح
ناعم ونـخدش بفطور اديّه

[محمد الغزي]

حي الله ابو ياسر الغالي


يوم أكشر يحجي سعود يوماي
همت ما عاد اوجد ارض يوماي
هذا يصيح ذاك يهدم يوماي
الهلاهل للفزع تلحك عليه

[محمد الغزي]

تهيم الروح عيب ادري شملهه
تون ولا فرح ساعة شملهه
مته يلتم بعد فركه شملهه
وتعود ايامنه الحلوة الزهية .

[ابو ياسر الكعبي]

حيّا الله الغزي
ومن قولي في الامثال
(بأول غزاته انكسرت عصاته)
طَـلَع يـغـزي وجِـفَـل گـلبي عَصاتَه
وغَـم الـوادم الــتــركـض عَصاتَه
بأوّل غـزوِتَه إنكسرت عَصاتَه
ومرعوب إيـتَـراجَف رّد عـلــيّـه

[محمد الغزي]

جنت انت المرض وانت دوالي
وصارت بالجدم منك دوالي
اهديتك گلبي وتگلي دولي
وصرت دم ودمع تذرف عليه

[طيار عراقي]

نكرتك صدك من صار الفراك
وكلتلك لاتجيني ما اريدك
تالي من اجيت وشافتك العين
انه نسيت الي كلته والزمت ايدك
،،،،
مقتبسه

[محمد الغزي]

اينك يا ابا يارسر
المساحه خاليه من عطرك

عليه اوحرمت عيني وسنهه
زماني جرد اسيوفه وسنهه

بعد هيهات عيش ايصير اليه
وحك اللي فرض خمسه وسنهه

[محمد الغزي]

همت وهموم البكلبي كفني
ميّت كوم غسّلني كفني
صديج الجنت اكفلنه كفلني
ولذت بالجانو يلوذون بيه

[ابو ظاهر البركي !]

السلام عليكم اخي الغزي
وعلى ابا ياسر الكعبي


كان زعلان علي ولم يتصل بي
فقلت له


أنشدك عني صار اسبوع شلهاك
بلش بيه غيابك عصر شل هاك
حيلي وسرد الدلال شلهاك
ابره وخيط مية جرح بيه


تحيات
ابو ظاهر البركي

[محمد الغزي]

تهيم الروح عيب ادري شملهه
تون ولا فرح ساعة شملهه
مته يلتم بعد فركه شملهه
وتعود ايامنه الحلوة الزهية

[روح الكلم]

يهل زاجل عتاب وياك وصله
على احبيب الكطع وياي وصله
رضيت انة احترك بالنار واصله
ولا ارضَ يبعدونك علية

[روح الكلم]

عتب وياي دزولك امانة
ويضيع الكلب من بعدك امانة
حبيبي انت الخنت بية امانة
لحد الموت وابقى انة الوفية

[محمد الغزي]

يورح الكلم ال نحبه من.. علينه
ونسب كلمن حرمنه ومن.. عليه
منو ويانه يروحي ومن.. علينه
تاهت والنبي جنه عليه

[روح الكلم]

حياك الله يـ الغزي
ربح كلمن مشة ابعكلة وشاره (استشاره)
وعلى الباع برخص بية وشارة (اشترى)
اريد امراد من عدكم وشارة (برهان )
يا اهل البيت يل بيكم حمية

[محمد الغزي]

روح الكلم هذا البيت هديه لطفكم الموجوع عن لسانك انتي
تقولين له يبنيي

گلبي ساعة الك ينبض سعالي
ولاأنسه أبد كلمن سعالي
أسعل شنهي ماتسمع سعالي
وعلى شفافك تحمل صيدلية

[محمد الغزي]

تضم حزنك عليه وما تعرفه
وتريد لگلبي توصل وما تعرفه
لان حبك حبيبي مات عرفه
اذاً طاح الگلب من بين اديه

[روح الكلم]

يحق لي انصب على اهل المجد مأتم
بدر تم بالبلوغ وبد ماتم
عجيد اصياح منهم ابد ماتم
بس اديارهم امست خلية
منقول

[ابو ظاهر البركي !]

همومي بيوم فكد الولي بلعن
حيلي عليه ضلام وصار بلعين
اضل اشتم ابن سفيان بلعن
بيه لمن تدنه المنيه

خادمكم
ابو ظاهر البركي

[الروح]

الله الله ما اروع ما وضعتم وكتبتم واجدتم
وفقكم الله جميعاً

واشارك وطبعاً منقول اكيد

اليالي شهود اذا ناسي وعيدك
بلكي تعود للماضي وعيدك
شعلت شموع ميلادك وعيدك
وفرحت وياك رغم الجرح بيه


تحياتي لأبو ياسر الغائب الحاضر
و
تحيااااتي للفاضل الأنتظار

[روح الكلم]

حياكِ الله يالنقاء

بعد رمضان ما عيد بعيده
وانسى الصار ابد لتظن بعيدة
واهني الغالي من كلبي بعيدة
واقدم الروح لو يقبل هدية

[الروح]

حيّا الله روح الأنا :)

روحي من الهجر ملت وسالت
عليه احباب لانشدت وسالت
الف دمعه الجرت مني وسالت
ولادمعه الجرت منهم عليه

[ابو ياسر الكعبي]

القديرة روح الكلم
المكرّمه الروح

لطالما كنتُ منتظراً لهذا الهطول
الذي نفض الغبار عن مسحاحة الخيال الواسع

؛
الصدّك عيني دارت لافت الها
وگطع بيها وصالك لافت الها
ماتت روحي علّگ لافته الها
واكتب بيها مَوتَّه إعله اديّه

[الروح]

منور ابو ياسر روعة الأبوذيات :)

بهيمه ياظعن شوكي وناخوك
ونادوك اعلى كل محنه وناخوك
عضيدك آنه بالشده وناخوك
واصير احزام ظهرك للمنية

[ابو ياسر الكعبي]

أصد وأزعل وأغار إعليك طبعن
لأن چويات إلك بالروح طبعن
حلو كلّك ولكن بيك طبعن
لاتنشد ولاتتصل بيّه

[روح الكلم]

منور ابو ياسر العزيز

تر بيدك حبيب الروح نحبي (موتي)
بجيت وما نفع وياك نحبي (بكائي)
على الغالي اجينة اليوم نحبي ( نمشي كالاطفال )
زحف عل الراس ما ازحف بدية

[روح الكلم]

الروح العزيزة منورة الابوذية

طروشك كمت اناشدها وسلهة
بجفاك انهل دمة عيوني وسلهة
سكم منك لفة عظامي وسلهة
ولا يبرة بسبب فركاك الية

[ابو ياسر الكعبي]

منوره روح الكلم

الدنيا اوياي ما نصفت وبرها
عَلَي نگلت مخايطها وبرها
جاعت ناگتي وأكلَت وبرها
الدرب طوّل واخاف اترد عليّه
منقول

[صبر الحوراء]

عليك الروح تنشد وانته غايب
كمر هل بوجودك وانته غايب
اسجلك دوم حاضر وانته غايب
واذا تحضر ترد الروح بيه

[ابو ياسر الكعبي]

نورتي المساحة سيدتي الفاضلة

إنه الگلبي إعله گلبك يا ما خاطر
وأدوسن عالمخاطر يا ما خاطر
عزيز انته وادوّر يامه خاطر
أجومَك واحتفظ بالصوره إليّه

[صبر الحوراء]

أمنورة بوجودك



دليلي شما يون تدري وانا ليك
احصلك يا وكت كلي واناليك
قدر مكتوب الي انته واناليك
مثل قيس بزمان الجاهليه

[صبر الحوراء]

يمين الله الكَلب صابر ولا مال
ابد ماخاف من دربه ولا مال
بكنوز الارض مابدلك ولامال
حياتي انت وتظل غالي عليه

[ابو ياسر الكعبي]

بحلالي ياترف والله ونالك
وهنياله الحضه بشوفك ونالك
إلي انته جنت يسمر ونالك
اشفرق روحينه الجانن سويه م
منقول

[صبر الحوراء]

رعيتك ليش كَلبك ما رعاني
ويهمك فت دليلي ما رعاني
مره احبس بدمعي ومره اعاني
ولا واحد اجاني وحن عليه

منقول

[روح الكلم]

اهنا يلخذت روحي وانت بيها
المحاسن فرع منك وانت بيها
لا تحرك جبدتي وانت بيها
اخاف عليك مو خوفي علية

[الروح]

اليه بالمعالي كان ماكان
وعلي كام يتنوع كان ماكان
بطران ويسولف كان ماكان
ولك يا كان والكانون بيه

[صبر الحوراء]

نبيل وطبعك توافي وعيدك
وأحسبك من اعز ناسي وعيدك
عيد الفرح عالوادم وعيدك
سرور وفرح ويامك زهيه

[ابو ياسر الكعبي]

شجاچن یاجروحي ما تهمّن
علی الّي راح منچن ماتهمّن
مَن راقب الوادم ماتهمّن
اهو بگبره وحسرته تضل خفيّه

[صبر الحوراء]

http://t2.gstatic.com/images?q=tbn:ANd9GcSHlx4bMe0HkIs-QJ5TJLbgOKTIa1_nWtKuWhX5MVyJW2sg8X7zAA


عسن ربي بسلامة وخير مساك
ولا سوء واذى فد يوم مساك
لون اعرف اصير بيوم مساك(صانع المسك)
مسك تمثال اسويلك هدية

منقول

[ابو ياسر الكعبي]

حب السيده رقيه
رائع جدا ما نقلتيه



بمثل كل عام عيد الفرح مسّاك
وعسن كف الاماني بخير مسّاك
مسّـاك اليمـر بـأثـر مـسّـاك
ينحتون المسك لأهله هديّه

[صبر الحوراء]

الرائع مرورك أبو ياسر

وحك اخر فرض لحسين صلاه
بناره الدهر كلبي حيل صلاه
ليصلك بلكلافة دوم صلاه
ولا تكطع وصال البية حمية

منقول

[ابو ياسر الكعبي]

إلـهي امتاني صفحك عن سوآلي

اوّضعـــي مــا تـغیـــّر عن سوالي

یمـن علمك ابحالـي عن سوالي

غنـانـي وإنـتظـر عـطـفـك علیِه

[ابو ياسر الكعبي]

کریم ابرحمتك عالکون ضلّیت

وأبد مالحظه عن عیناك ضلّیت

تحت سطوِتك یامعبود ضلیت

وحـاشه ابرحمتك تبخل علیّه

[صبر الحوراء]

الدهر مايوم حن كلبه ولا انـــــــــه
عكب شخصك الف شمات ولا انــــــــه
لا انته عرفت الحب ولا انـــــــــــــه
ضلمه الشوك ولعشره ســــــــــــويــــــه

منقول

[صبر الحوراء]

اظل اكتب شعر للزين وانشد
واظل اسال عليك دوم وانشد
واصير حزام وكت الضيج وانشد
لكل صاحب وفي يسال عليه

منقول

[ابو ياسر الكعبي]

الدهر مايوم حن كلبه ولا انـــــــــه

عكب شخصك الف شمات ولا انــــــــه
لا انته عرفت الحب ولا انـــــــــــــه
ضلمه الشوك ولعشره ســــــــــــويــــــه

منقول

وعن الهر ارتجلت هذا البيت

؛



الدهر ما يوم اكرم من صفاته
ولا مرّت علينه من صفاته
خؤون الغدر والغش من صفاته
خناجر طعن رزهن غَدِر بيّه

[صبر الحوراء]

جميل جدآ

شخصك ما مره عاتبني ولا لام
وهجرك زيد اجروحي ولا ألم
لعوزي كلشي ممجمع ولا لام
غير القهر وهموم وأذية
منقول

[روح الكلم]

يدنية المر اشو ما يوم حلت
علي هاي المصيبة امنين حلت
لجل عينك عهود اهواي حليت
ولا مرة تحس يهواي بية

[صبر الحوراء]

غير الي تضحيلة يضح كون
سبب زعلك علي بينة يضح كون
مشيت وعفت شماتي يضحكون
تبجيهم اذا ترجع علية

منقول

[ابو ياسر الكعبي]

جميل وتبقه بع اجمل وره اجمل
واترجملك جُمَل شعري وره اجمل
اودّن كلمن ايودّك وارجمه الــــ
يعـاديك ويـدوّرلـك أذيّــه

[الروح]

وثيقه بكل فخر كلبي وثقلك
جبل ما شفت بأخلاقك وثقلك
الك يرخص دمع عيني وثقلك
الكلب لمن يدك يوكع بديه

[صبر الحوراء]

وسفة الدهر شتتكم وطركم
حسافة ماكضة منهم وطركم
بذكركم هذا انه اهذي وطركم
يعيد الله شملكم جمع الية

منقول

[صبر الحوراء]

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

منقول

[الروح]

يدنيا بلوعي وشكواي حسي
وعن وجهي غبار الضيم حسي
اظل اصرخ واصيح بعالي حسي
لم تحسين يادنياي بيه

[صبر الحوراء]

زماني بسيف مت عني علي راد
وهمي اشماجفل عني علي راد
ادور الي يجاوبني علي راد
ويضمد اجروح ما الهن شفيه

منقول

[الروح]

عليك الروح تسأل ما تسلها
وتدري انته العواذل ما تسلها
شمتاني سيوفك ما تسلها
اذا للضيج مر الضيج بيه

[صبر الحوراء]

زماني علي سيف الظلم سله
ومو بس هاي شج بالعين سله
رغم هذا وجسمي القهر سله
كمت وي اخوتي وشلت الاذيه

[ابو ياسر الكعبي]

زمـانـي مـانصف مــرّه بعدلاه
رمـانــي والاودّنـــه بـعـدلاه
نـفاني عن وطن روحي وبعد لاه
شـكـثـر وشكـثـر ثـارات العَـليـّه

[ابو ياسر الكعبي]

عليك الروح تسأل ما تسلها
وتدري انته العواذل ما تسلها
شمتاني سيوفك ما تسلها
اذا للضيج مر الضيج بيه


صباح موشّى بالنور والسرور
؛
العـواذل ماتت إبغـيـها بـسلـها
الـندم واللـوم والـحـسره بـسلها
بعـدهي امـجــرّده اسيوفي بـسلها
زمـاط وحـاضـره الـحـد الـمـنـيـّه

[صبر الحوراء]

انگطع حبل الوصل بيني وبينه
وذخرته والـعمد هّو وابينـه
إلمن اشتكـي هـمي وابينه
واخبره اشوكت ايعوّد عليـه

[صبر الحوراء]

قطار العـز تعدانـه ومـرنـه
وعلينه مـا نشد واحد ومرنـه
عگب عينك يا صاح وامرنـه
بـهاى انفوضه لـرب البريـه

[ابو ياسر الكعبي]

أَّوعـّي بالضـمـاير ردت يوعان
ولا واحد المنهم گام يوعان
بِـدَي وكّلت أخوي الچان يوعاك
مسح حلگه بقميصي اوعض إديّه

[الروح]

مشغولين بيمن منشغلكم
ولو موشغلي هذا منشغلكم
بعد ماراح ابجي ومنشغلكم
اموتن راح واخصم هالقضيه

[صبر الحوراء]

وحق من وصه يونس بالرساله
حرت شكتب شكولن بالرساله
لو اني الكَلب يوصل بالرساله
ادز اليوم لل يسئل عليه

[صبر الحوراء]

بتالي اليل صب دمعي ولك در
وبعد ماعيش من دونك ولااكدر
بنص كَلبي الك منزل ولكدار
تبيع وتشتري مرخوص بية

[ابو ياسر الكعبي]

مشغولين بيمن منشغلكم

ولو موشغلي هذا منشغلكم
بعد ماراح ابجي ومنشغلكم
اموتن راح واخصم هالقضيه


رفاگه وابد عنکم منشغلنه
ولاطبع التجافی منشغلنه
نشغنه اشگد نشغنه ومنشغلنه
العلیه نـنشغ وراوانه الـمنيّـه

[محمد الغزي]

زماني جرد اسيوفه وسنهه
عليه اوحرمت عيني وسنهه
وحق اللي فرض خمسه وسنهه
بعد هيهات عيش ايصير اليه

[ابو ياسر الكعبي]

دسـلها الروح مابیها شبیـها
الهوی والوجد نیرانه شبــیـها
اجو گبله ألف واحد شبـیـها
فلا گدروا عـلیـها ولاعليّه

[صبر الحوراء]

اريد امشي لحبيبي بليل عناي
واسالة بياسبب زعلان عناي
اريد اشرح غرامي بحزن عالناي
بلكت ينكسر كَلبة علية

[صبر الحوراء]

احس الكَلب يوكف من تكلمه
وراح انطيك كَلبي وانت كلمه
بعد ماأكدر اسكت هي كلمه
أحبك حتى لو تبعد عليه

[ابو ياسر الكعبي]

العمر ماي وتبده صعب لمّه
وغدت نكبات هجرك عَلَي لمّه
گليله اشوكت تفرح کال لمّه
اشوف اجنازتك تمرگ عليّه

منقول

[ابو ياسر الكعبي]

وثيقه بكل فخر كلبي وثقلك


جبل ما شفت بأخلاقك وثقلك
الك يرخص دمع عيني وثقلك
الكلب لمن يدك يوكع بديه




أثـق بـجـروح گلبي من أثـقلك


وجبل همي الـتـراكم من أثـقلك


اذا بالدر أثـقلك من أثـقلك


الدر يطلع ثَره وانته الثُريه

[صبر الحوراء]

هجرت القلم من بعدك والكتاب
وكَلبي من العشك بطل والكتاب
وحق العرش والمصحف والكتاب
بذكرك كل صباح وكل مسية

[الروح]

تظل صاحب فضل وشكبر فضلاك
وخلكي ما فضه الغيرك وفضلاك
اميزك عل خلگ كله وفضلاك
وبسمك احترز صبح ومسيه

[ابو ظاهر البركي !]

تهت مابين ناس الظلم والحاك
تعال اركض علي ياخوي والحاك
صديجي اردف علي طعنات والحاك
يجرحني ويحط الملح بيه

بقلمي

ابو ظاهر البركي

[ابو ياسر الكعبي]

بعد عگبيش وفراكي وحشكم
ومنجلكم گطع بيكم وحشكم
بابي اشجابكم يَمّه وحشكم
وأنا الماريد جيّتكم عليّه

منقول

[الروح]

عجز جدمي يصاحب كَوم وجلاي
ومظن يبرن جروح احشاي وجلاي
مر الماي احس بعداك وجلاي
وصرت للناس مثله لكل بليه

[ابو ياسر الكعبي]

الفضل حمّل نياگه من فضلكم
وخلص عمره بكرامه من فضلكم
الكرم والجود والود من فضلكم
رگه يذبُل بأنهاره السخيّه

[الروح]

عساني لاصبّح صبحي ولامساي
حزين وما فرح يومي ولامساي
صرت ماوجد بشوفي ولمساي
تساوه النور والظلمه عليه

[ابو ياسر الكعبي]

شجاچن یاجروحی ماتهمّن
علی الّی راح منچن ماتهمّن
تره الراقب الوادم ماتهمّن
یـموت بحسرته وناره سریّه

[الروح]

مرة اصفن علـيكم مرة سايل
مرة الدمع ناشــف مرة سايل
مرة احتار شكتب من رسايل
مرة انتظر ســــاعات المنية

[ابو ياسر الكعبي]

یـمر بيّ الحزن مرّه ومرّه
اشد من الشري کاسه ومرّه
ومرّه يدوفني إبسمّه ومرّه
يچتفني ويراويني المنيّه

[صبر الحوراء]

صديق الفضلك علناس فضلة
ولا تنكر يجاحد طيب فضلة
ردت من طيب فضلك ولو فضلة
طلع للغير فضلك مو الية

منقول

[صبر الحوراء]

يا عراق تحن الك عيني و نهباي
يعاني الگلب لفراگ ونبهاى
تحن لزيارتك روحي وان بهاى
اغـص بعبرتي صبح ومسـيه

منقول

[صبر الحوراء]

عليه اسهام وكتي النوب ينجال
اوماضل عدل بالميزان ينجال
سألته لحم اخوك الميت ينجال
يكَلي الوكت شرعا حلال اليه

منقول

[ابو ظاهر البركي !]

يدنيه شمالج الجرحي تحطين
ملح فوكَاها وبعيني تحطين
يروحي اركدي لو طرتي تحطين
مهي الدنيه زغيره وكلها اذيه




بقلمي
ابو ظاهر البركي

[ابو ظاهر البركي !]

كلبي الشال شريانه هدا لك
وثائر ويه صحبانه هدالك
كَبل متصيح دلالي هدالك
اخافن ينكَطع وشلون بيه


ابو ظاهر البركي

[الروح]

ابو ظاهر اخي العزيز سلمت الأيادي

ذبل هرش القلب لاجلك و خاوة
و طمع ما ردت من عندك وخاوة
الفخر مو للذي عاشر و خاوة
الفخر و الطيب لليذكر خوية

[ابو ظاهر البركي !]

شكرا لاختي الفاضله الروح


يمن رسمك بكَلبي طابعاني
ويريت بضرف خوتك طابعاني
حنانك صار بلسم طابعاني
على الزينات ريتك دوم اليه


بقلمي
ابو ظاهر البركي

[ابو محمد]

مساحه كلش حلوه

[روح الكلم]

انادي علة الصخر بجفاك ويرد
هم السان الك يهواي ويرد
تظن بايع حمام البيت ويرد
بعتني ولا تظن سهلة القضية

[ابو محمد]

انادي علة الصخر بجفاك ويرد
هم السان الك يهواي ويرد
تظن بايع حمام البيت ويرد
بعتني ولا تظن سهلة القضية


ياريت نعرف معاني الجناسات
لو تكرمت ايها الاخ

[ابو محمد]

جفيت او لا وما ردّك ولنده
علامك لاعرك ويهك ولنده
تخاوي البلهِنِد ساكن ولنده
وانه اخوك اوتضيع العرف بيه

منقول

[ثورة الحسين]

موفق لكل خيرhttp://www.imshiaa.com/vb/images/editor/menupop.gif
اخوك عبدالله

[الشاعر حلمي السعد]

الاخ الاستاذ ابوياسر الكعبي
( لسان حال سيدتي العليله )
وانا بشفاعتها انشاء الله
عله مناغه الطفل روحي سكنها
من يوم رحلت والـــــهم سكنها
اذا بعيني وشل دمـــعه سأكنها
لما تعودون نبجيه سويه

[صبر الحوراء]

اظل جفون للصاحب واظل عين
واظل بالشده اوكفلك واظل عين
ست اظلوع اكسرلك وظلعين
واسويهن جسر تعبر عليه

[ابو ياسر الكعبي]

الاخ الاستاذ ابوياسر الكعبي
( لسان حال سيدتي العليله )
وانا بشفاعتها انشاء الله
عله مناغه الطفل روحي سكنها
من يوم رحلت والـــــهم سكنها
اذا بعيني وشل دمـــعه سأكنها
لما تعودون نبجيه سويه

الاديب الشاعر المبدع
الاستاذ حلمي السعد
مرحباً بك واهلاً سيدي الفاضل
كنتُ قبل ايام افكر في دعوتك الى انا شيعي
لقسم الشعر الفصيح
فأسعدني تواجدك
في الشعر الشعبي
سبحان اللله
القلوب سواقي كما يُعبّرون
لي عوده لأساجلك ايها العزيز المبدع

[محمد الغزي]

كتابي عاجل وشخصي وسري
أحطن بيه الج كلبي وسري
عشك الناس بالخفيه وسري
وأنه عشكي علنته أعله البريه

[ابو ياسر الكعبي]

عند زيارتي السيدة فاطمة المعصومه
"
الدهـر من مُهجتي کل أمل حـاشـه
وجـدمي عله دروب الضيم حـاشـه
إلـچ مـدَّيت إديـن العـوز حـاشـه
تـردَّيـهـن يـمـعـصومـه خِـلـيَّـه
***
جرح گلبي بـهوا اهـل البـيت يـدَّاي
ورثـته بجـرح أبـوي وجـرح يـدَّاي
يـمـعصـومـه إلـچ مـدَّيـت يـدَّاي
حـاشـه خـالـيــه تـرديـن اديَّــه
***
العـمـر جبناه متعاب راحـه مَـنَّـه
وچـم عابـد ابعابـد راحـه مَـنَّـه
الشبـاچـچ اجيـتچ راحـه مَـنَّـه
آخـذ حـاجتـي گـبـل التـحيَّـه
***

[ثورة الحسين]

شكرا اخي ابو ياسر الكعبي
وهذه مشاركتي
ــــــــــــــ
ابوذيه
***
شجاع ابو السجاد ما يحمل_عليمن
كفو والباري بابوابه_عليمن
جمعنه الجان بالثوره_عليمن
اوثورته لليوم تضوي عليه
ـــــــــــــــــــــ
بقلمي خادم اهل البيت(ع)
(عبدالله الشاعر)

[ابو ظاهر البركي !]

العـمـر جبناه متعاب راحـه مَـنَّـه


وچـم عابـد ابعابـد راحـه مَـنَّـه


الشبـاچـچ اجيـتچ راحـه مَـنَّـه


آخـذ حـاجتـي گـبـل التـحيَّـه


***



العمر كله متاعب راحه ماكو
اخبرج دمعي وشل راح ماكو
لكثر مامسح جفي راحه ماكو
بشباجج فلا تردين اديه


استاذي ابا ياسر
اقبلني اساجلك
حبا بمولاتي معصومة ال محمد

خادمكم
ابو ظاهر البركي

[ابو ياسر الكعبي]

العمر كله متاعب راحه ماكو
اخبرج دمعي وشل راح ماكو
لكثر مامسح جفي راحه ماكو
بشباجج فلا تردين اديه


استاذي ابا ياسر
اقبلني اساجلك
حبا بمولاتي معصومة ال محمد (http://www.imshiaa.com/)

خادمكم
ابو ظاهر البركي




استاذنا القدير
ابو ظاهر البركي
شرفً لي مساجلتك ايها المتواضع البهي
كان بيتك رائعا وجميل
وفقنا الله وإيّاكم لخدمة الحسين عليه السلام

[ابو ياسر الكعبي]

الى صاحب الامر


الصبر یاصـاحب الغَیبه مَردنه
وغیـرك للنصـر قائد مَرَدنه
یمتـه البـاري ینطینه مَرَدنه
اونِطِش أرواحنه بدربك هـديَّـه


***



إصطُفه ررب العرش روحك وسَرها
الإمامه ابذاتك أَودَعها وسَرها
مَـتـه یـاخـیمـة الـبـاري وسِرهـا
تِکحِّـل عینـي بالطلـعـه البهیَّه




الكعبي

[احمد العراقي]

العدل سرّه وزبدته ماهو انته
وعمت عينه اليشوفك ماهو انته
تدارك دين ربنه او ماهو انته
يمهدينه الترده ويشع ضيه

احمد العتابي
العراقي

[ابو ظاهر البركي !]

***


جرح گلبي بـهوا اهـل البـيت يـدَّاي


ورثـته بجـرح أبـوي وجـرح يـدَّاي


يـمـعصـومـه إلـچ مـدَّيـت يـدَّاي


حـاشـه خـالـيــه تـرديـن اديَّــه


******



الف رحمة على ابوك وعلى يداك
يريــــــت بكربك وابوس يـــداك
يــــمكن من ابو الحسنين يــــداك
ابوك وتكتب الحامي الحميه


ارجو ان ينال رضاكم
واقبله مني على مايحمل كونه ارتجالي


خادمكم
ابو ظاهر البركي

[ابو ياسر الكعبي]

الف رحمة على ابوك وعلى يداك
يريــــــت بكربك وابوس يـــداك
يــــمكن من ابو الحسن (http://www.imshiaa.com/)ين يــــداك
ابوك وتكتب الحامي الحميه

الاعز الكريم
البركي
رحم الله والديك
اخجلتني كثيرا
كان بيتك بتمام الروعه
وقد جعلتني ارتجل على الفور بيتاً لك

اليقين ابمهجتك ثابت وبالاك
وعلى اليبغض علي نازل وبالاك
إلك اُمّ التحب حيدر وبالاك
يذوب بحب علي وحُب الزچيّه
دعواتي وتحياتي لك يا ابا ظاهر

[ابو ظاهر البركي !]

سيدي الجليل ابا ياسر انا اقل من ان يرتجل شاعرا مواليا مثلك ويهديني كلماته الرائعه


نعم اخي رحم الله امواتنا جميعا
كان والدي رحمه الله عاشقا بمعنى العشق لامير المؤمنين عليه السلام

اتذكره كان يجلس لوحده ويتكلم مع سلطان الدنيا والاخره على فطرته علما انه لايقرأ ولايكتب ويبكي امام هيبته ودائما يردد

علي علاك رب العرش بسمك
والدين ماتأيد غير بسمك
طعتها انس والجان بسمك
وكمت تمشي على خشوم العدا



فشكرا لكم سيدي الجليل

خادمكم
ابو ظاهر البركي

[ابو ظاهر البركي !]

لك مني هذا البيت ايها الكعبي ابا ياسر


عقلي الشال دلاله وهبلك
ويريت الريح تحملني واهبلك
يم بابك اجي سائل واهبلك
وأمدن ايدي بلجي تحن عليه



خادمكم
ابو ظاهر البركي

[ابو ياسر الكعبي]

لك مني هذا البيت ايها الكعبي ابا ياسر



عقلي الشال دلاله وهبلك


ويريت الريح تحملني واهبلك


يم بابك اجي سائل واهبلك


وأمدن ايدي بلجي تحن عليه




خادمكم

ابو ظاهر البركي


البركي القدير
ممتن لك ايها الكريم


عـجب بَـعـده یِـدگ وهبتك
إنگطع مِن رِفعة إجلالك وهبتك
اضلوعي ابكل مچامنـها وهبتك
أمدّنها جسر واعبر عليه
تقبّل ارتجالي البسيط