قصيده بحق سبع الدجيل ( سيد محمد ) ادخل للبركه

[رياض الرسل]

قصيدة بحق السيد محمد ( سبع الدجيل )
أبن الأمام علي الهادي (ع)
**************
شايل حاجتي وجـيتـك أهـم بيها
ياسبع الـدجيـل و ردت تگـضيهـا
*****************
ياسبع الــدجـيــل وابــن اهـل الجــود
متعـني الحـضرتـك والـدمـوع شهـود
شلون تـريـد ارد والأهـلـي لا ماعـود
اذا متـوقـع انـت الحـاجـتـي اعـلـيـهـا
*************
يــاسبع الـدجـيــل وعــالــم و زاهـــد
من جـودك اجـيـتـك ارتجـي و رايـــد
والباري عـلـيه الباري خـل شــاهـــد
اذا الحاجه وطـلبتي الغـيـرك احچيها
**************
اريــدن حاجـتـي مـنـك يـبـو الـشـاره
يـاكـنــز العــلــوم وحـافـــظ اســراره
اجيتـك معـتـنـي والـــروح محــتــاره
وانته بروحي تدري وتعـرف اشبيها
****************
تـدري بــروحي وشجايـبـلك وعـاني
لأن ماعـندي غـيـرك سـيـدي وثـاني
يــــاسبــع الــدجـيــل الألــك ودانــي
الحاجه وطلبتي الما اگـدر اخـفـيـهـا
***************
ياسبع الجــزيــره ويـا ابـو البرهـان
الميگـصدك بحـاجـه سيدي خـسران
يا ابــن الــرسالـه ومنهـج الـقـــرآن
اجـيت وحاجـتــي يـمـك امخـلـيــهــا
****************
يمك حاجـتـي امخـلـيـهـا واتـفـضهـا
بجاهـك يبو جعـفـر وألك اعـرضهــا
يكـفـيـني شـرف يـمـك امـفــوضهــا
للحــاجــه وبـأسمـك انه امسمـيـهــا
*************
خادمكم
رياض الرسل

[ابو ياسر الكعبي]

ابو عباس
رياض الرسل
قصيدة رائعة بحق السيد محمد سبع الدجيل
لك كل الامنيات

[ثورة الحسين]

الف الف شكر على المجهود الرائع والقيم
واهدي اليك هذه الابوذيه بقلمي
ـــــــــــــــــــــــــــ
ابشفاعتكم ما اريد محبس _ وخاتم
ايه وحك من صار للرسل حد _ وخاتم
واتراب الطفوف صار العلاتي حد _ وخاتم
وكفاته ما انساه ابن حامي الحميه

[رياض الرسل]

السلام عليكم

ابو ياسر الكعبي

مرورك شرفني واسعدني كثيرا
دمت بكل خير وبركه
حبيبنا الغالي

رياض الرسل

[رياض الرسل]

السلام عليكم

عبد الله الشاعر

مرورك شرفني واسعدني كثيرا
دمت بكل خير وبركه
حبيبنا الغالي

رياض الرسل