قصيده بحق اسشهاد الامام علي الهادي (ع) ادخل للبركه

[رياض الرسل]

علي الهادي بحزن مسموم
وگبـرك بـالحـقـد مـهـدوم
تبقه بگلب زوارك
تسعر بالحزن نارك
مظلوم وابن مظلوم
*************
بهاي الفاجعه الـــزوار كل عام بمـثـل هاليـوم
تگصدلك تجي اتزورك تنحب والگلب مالـــوم
تنصبلك عـزا وتنوح تـنعـاك بحـزن وهــمـوم
النواصب فجرت گبتك وگـبـرك سيدي مهــدوم
بهاي الفاجعه والصار
نشكي للنبي المخـتـار
المهدي ايطالب بثارك
تسعـر بالحزن نارك
مظلوم وابن مظلوم
*************
كل عــام الـيـمـر ننعـاك وانجـددهـا للـذكــره
ونبچي بالصحن ونصيح ونـواسيها للـزهــره
وهسه بلوعة الاحـزان وبدمعـه وألم حـســره
لا عـندك صحن ونطوف لا گـبه ولا حـضـــره
عليك وتجري دمعتنا
انـظــر شـوف لمتنـا
عـليها وجه أنـظــارك
تسعر بالگلب نارك
مظلوم وابن مظلوم
*************
بعد سم التجـرعـتـه وبعـد كل لـوعـة الغــربـه
النواصب فجروا صحنك وطاحت سيدي الگـبه
الزياره صعبه يالهادي علينه من صدگ صعبه
واحدنه بكـثـر نـوحه جـمـر شـأيـلـك ابگـلـبـه
عليك ودمعة احبابـك
ينـزف من دمه ابابـك
لمن ننظر اسوارك
تسعر بالحزن نارك
مظلوم وابن مظلوم
***********
نصب يالهادي الـدمعات بحـزنـــك والألم بالروح
وحگ اللي وگع ظامي وظل فوگ الترب مطروح
وحگ دمه الشريف السال من طاح ونحر مذبوح
مصابك بينه يالهادي يظل عـايش وابــد مـيـروح
بهـمــوم وحـزن نـنـعــه
ونصب من الگلب دمعه
بجرحك كلنا نتشارك
تسعر بالحزن نارك
مظلوم وابن مظلوم
***************
بسامـره الجرح يكـبــر يظـل يـالـهــادي وبهـمـك
ولـدينك رخصت الروح رخصت بـروحـك ودمــك
واجـاك الناصبي بـأحـقـاد وقـرر لازم أيـهـدمــك
واحنه بكل شــرف نبقه نظـل ياسيـدي انخــدمــك
ونقيم الشعائــر هاي
بلسم تظل ولكل داي
بيها انشاهد اسرارك
تسعر بالحزن نارك
مظلوم وابن مظلوم
*************
http://www.alrsle.com/vb/index.php (http://www.alrsle.com/vb/index.php)

للمزيد من القصائد انقر هنا
خادكم
رياض الرسل

[درة النجف]

شكد حلوة القصيدة الانتة ناضمهه
احرف متناثرة وانتة اعرفت لـمهه

قصيدة روعة اخي رياض الرسل

لكن ممكن سؤال؟
هل انت الشاعر رياض الرسل صاحب القصائد تلك في الصفحة الخاصة لك في اسفل الموضوع؟

[رياض الرسل]

السلام عليكم

در النجف

هذا المرور شرفني كثيرا
والله يوفقك لكل خير وبركه

نعم انا هو خادمكم رياض الرسل
وانا اعمل خادم في هذا الصرح المبارك
وانه لشرف كبير ان اكون من ضمن هذا الرعيل المجاهد


خادمكم
رياض الرسل
ابو عباس

[درة النجف]

لنا الشرف في تواجدك بيننا و بصراحة انا معجبة بقصائدك و احرفك الممزوجة باناملك الطاهرة الموالية

وفقت لكل خير ايها الشاعر الماهر
و ساكون متابعة لاعمالك ان شاء تعالى
...

لا تظن اترك هالقسم لو اترك احروفك
ماشاء من سواك شكد حلوة چا روحك

تحياتي و ودي
باهداءي وردي

[فتاة الاحلام]

السلام على الامام علي الهادي (ع)
راااائع ما ابدعته من كلمات يشعُ منها الضياء
بارك الله فيك استاذي الفاضل
الى اعلى القمم انشاء الله
ربي لا يحرمني من يمناك مولاي
الى روحك وانفاسك الجنة
تقبل مروري
سيدي
فتاة الاحلام

[دموع.]

قصيده جميله جدا
سلمت ايادي عالطرح الراقي
دمت بحفظ الباري‎ ‎

[ثورة الحسين]

تسلم على الموضوع القيم والرائع
ت
ح
ي
ا
ت
ي
واهدي اليك هذا الدارمي بقلمي
ــــــــــــــــــــــــــــ
باب الحوايج سموك كل حاجه تكضيه
واطيب العليل ابساع والعله تشفيه