المساعد الشخصي الرقمي

مشاهدة النسخة كاملة : بذكرى ولادة امير المؤمنين ع

hzf
13-06-2011, 01:43 PM
لملمنه النجوم
ومنهه صغنه اسوار
وتغطه الفجر
مـن بانت انـوارك
واجينه
الشوك بينه ما تشيله الكاع
يلي الكعبه صارت
غرفه من دارك
هيه تشرفت
لمن سجدت هناك
ومن ساعتهه
ظل جبريل خطارك
بيهه انولد حبنه
ولملمينه الروح
بلكي تصير ظل وتتبع اثارك
يا عدل الاله
اللي تجسد بيك
ويا شمس اشرقت
وما غابت افكارك
عطشانه الروح الك
وتكدرت الانهار
ولاحس تروه
الا بصفوة انهارك
واحس جن طير كلبي
والفضاء جبير
بس الراحه
بس
بسدة اسوارك
الكه الراحه بس
بسدة اسوارك
________________________________________________
حسين زايد البديري
_______________________________________________
سيد عمار الجابري
13-06-2011, 02:20 PM
احسنت بارك الله فيك كلمات جميلة
رياض الرسل
13-06-2011, 11:48 PM
السلام عليكم

دمتم بكل خير وبركه

واسأل الله ان يوفقكم على هذا النقل

رياض الرسل