قصيدتي بحق الامام الكاظم مهداة الى الاخت (خادمة المنبر )

[ابو معاد النجفي]

بسم الله الرحمن الرحيم
السلام عليكم ورحمة الله وبركاته
الاخت(خادمة المنبر) اهدي قصيدتي هذه لعلها تنال رضا الله ورضاكم
في حق الامام الكاظم(ع)
يابو طلبه ......هاي صعبه
كاظم الجود ابلادي.......كلا كلا للاعادي
يناجي ربه
كاظم الغيث افزعلنه.....ابلادي والله محنه
ننكتل شيعه ويسنه.....بالدمه صارت الحنه
من بعدكم منهو النه.....الغريب اصبح نزلنه
قائد الركب بسفنه.....اليفجر دخل جنه
الكم احنه هل ننادي....وحدو يله الايادي
وحدو دربه
وحدو دروب المقاتل....بالمصانع والمعامل
نطعم ومانردسايل.....سنه شيعه عل العايل
بصوت واحد للمقابل....احصد هذي السنابل
نمحي كل هاي الهوايل.....نرجع لطيب الاصايل
صوت اهلي واجدادي.....من الفاو لبغداي
هاي رهبه
يمولانه العده بلوه.......العراقي صار سلوه
يمولانه ماكو حلوه.......الكم احنه عدنه شكوه
لاصبر ظل ولا تجوه......ولاشهامه وبقت نخوه
ياامامي كون صحوه.....موش ابحزام ولا عبوه
حكم بيه البلد سادي.....صاير امريكي القيادي
وهاي عصبه
هاي عصبه للامم.....بيه يتحقق حلم
وين قادة السلم.....اشيوخي ورجال العلم
وين اصحاب الكلم......وين من خط القلم
كون بس كلمة نعم......ننتظر احنه الحسم
الظلم زايل وبادي......يرجع بفعل شدادي
وهاي ضربه
الضربه صارت بالعراق.....شوف مولانه النفاق
صارت الفتنه انشقاق......يمته نشد النطاق
نوحد الصف للعناق......بيه هم نعلن سباق
نبني اصرحن طباق......نحفر بارض عماق
يبقى موطنه الحادي....من سهل صحرى ووادي
واحنه كربه
كربه احنه لليناء.......وبينه ايعم الرخاء
الرجال وي النساء.....تشعل اشموع الصفاء
الايد نرفع للسماء.....ربي زيلنه البلاء
يابلادي يابلاد الاتقياء.....حيدر الكرار نبع الاولياء
شموع النه للمعادي......وي ابو الزهره الهادي
واحنه حزبه

اخوكم
خادم اهل البيت
ابو معاد النجفي

[منهل]

بسم الله الرحمن الرحيم
الصلاة والسلام على سيدنا محمد وآله الطيبين الطاهرين
السلام عليكم ورحمة الله وبركاته
اخي الحبيب ابو معاد النجفي
نعزي الامة الاسلامية كافة وشيعة اهل البيت
وبالخصوص المراجع العظام
دام ظلهم الشريف بذكرى استشهاد الامام الكاظم
عليه السلام وفاجعة جسر الائمة الاليمه وانا لله
وانا اليه راجعون ولاحول ولاقوة الابالله العلي
العظيم وسيعلم الذين ظلموا ال محمد اي منقلب
ينقلبون لكم كل التقدير على ما خطته يداك مأجورين
ان شاء الله بحق الامام الكاظم عليه السلام

[ابو معاد النجفي]

بسم الله الرحمن الرحيم
السلام عليكم
الاخ الفاضل
منهل المحترم
شكرا لمروكم الكريم والاطراء الجميل وفقكم الله لخدممة اهل البيت
اخوكم
ابو معاد النجفي

[عاشقة النجف]

بسمه تعالى


يمولانه العده بلوه.......العراقي صار سلوه
يمولانه ماكو حلوه.......الكم احنه عدنه شكوه
لاصبر ظل ولا تجوه......ولاشهامه وبقت نخوه
ياامامي كون صحوه.....موش ابحزام ولا عبوه
حكم بيه البلد سادي.....صاير امريكي القيادي
**********************


نتقدم باحر التعازي بقلوب عبرى وعيون دامعه بذكرى فاجعة جسر الائمه ونعزيكم ايضا بذكرى استشهاد سيد الخلائق والانس والجان موسى الكاظم روحي لتراب مقمه الفداء
اخي بارك الله بكم على التسطير الرائع
موفقين لكل خير
وننتظر جديدكم

[ابو معاد النجفي]

بسم الله الرحمن الرحيم

السلام عليكم
الاخت الفاضله
عاشقة النجف المحترمه
شكرا للكلمات الرائعه والاطراء الجميل وفقكم الله لخدمة اهل البيت
اخوكم
ابو معاد النجفي

[نور الزهراء]

أحسنت قصيدة جدا رائعة
في حق الأمام الكاظم عليه السلام

[ابو معاد النجفي]

[FRAME="11 70"]بسم الله الرحمن الرحيم

السلام عليكم ورحمة الله وبركاته

الاخ الفاضل

نور الزهراء المحترم

شكرا لمروركم الكريم .. ولكلمات الاطراء وفقكم الله

الله لمرضاته . واقامة دولة الحق

اخوكم

ابو معاد النجفيFRAME]