المساعد الشخصي الرقمي

مشاهدة النسخة كاملة : أطـبـاع النـاس بـقـلم الـشـاعـر المُـبـدع أبــو صـلاح الـساعدي

اسامه الساعدي
31-07-2011, 01:46 PM
اطــبـاع الـنـاس بــقـلم الـشـاعـر الـمُـبـدع
أبـو صـلاح الـسـاعـدي

اذا ناوي تعاشر عاشر بأحساس.... الهجر طبع التودهم وهذا احساسي
كبلك عاشريت هوايه اكو ناس .... طشوا من اديه وشيبوا راســي
غربه الناس يمي وناسي مو ناس .... لعب هذا الزمن بكلوب ناسـي
كبل جان التحبه ايحن على الناس .... صفه بذات غيرله كلب قاسـي
اذا صبرك خلص واتكسر الكاس .... اخذ مني صبر واجرع صبر كاسي
اذا ناسيني انته انه ماناسـيك .... كبل بس انته وحدك جنت اعز ناسي
شلون انساك وانته الزاد والماي .... واعز نسمه هوى محسوبه بأنفاسـي
بهجرك من رحت مادكت الباب .... ولا بالجذب مره دكت اجراسـي
سهم هجرك ضربني ونبت بالدلال.... الذنب ذنبي لأن انطيتك اقواسي
واذا كلمن يموت بكيفه يخـتار .... احب الموت انه وانته علاسـي
اذا يصفن الليل وزارني النـوم .... يمر بيه خيالك ياخذ انعاسـي
ويمر بيه حلم وبس انته وياي .... عيونك من انام اتصير حراسـي
صرت دفتر اشعاري وانته خطار .... شما اقرأ تكلي عيد جلاسـي
يمر طرواك بيه اتـفز الهمـوم .... حزن داسك يمر وانه الدمع داسي
تانيتك تمر واتطفي الـشموع .... طفئ وحده الشمع وغفله ذبل ياسي
لأن طال انتظارك وزعلت الأمال .... وزعل حتى الشعر واوراق كراسي
جنت انه صدك حاسبلك احساب .... طلع تحت الصفر وياك مقياسـي
تتباهى الملوك بتاج عالـراس .... تاج انته تضل يـلمـع على راسـي

ابــو صلاح الـساعدي
اب ــ 2011
الزلزال العلوي
31-07-2011, 04:04 PM
رائع جدا كلمات عذبة واحساس عميق
تحياتي
اسامه الساعدي
31-07-2011, 06:51 PM
الزلزال العلوي
انرت متصفحي بمرورك الأنيق وردك النقي شاكر وجودك ومشاركتك تحياتي لك
alslman
03-11-2011, 10:16 AM
روعه عاشت الانامل