ابوذيات في محبة اهل البيت للشاعر ميثم الفتلاوي

[ميثم عبد الامير]

عشكنه وبالعشك احـــــنه وصلنه
وربطنه وي الوصي حلقة وصلنه
ابعزمه احنه تحـــــــــدينه وصلنه
على كلمن ظلم حامي الحميه
   
وحك عــــباس ابو الغيره وجوده
ياهو الي مثل عزمه وجــــــوده
ثبت بالطف ابو فاضل وجـــوده
وزلزل كل جيوش الــــــجاهليه
   
يميني بكل نبي وكـــتاب منزل
جدمي عن طريق حسين منزل
شيد بالجنان أهنــــــــاك منزل
أبخدمتك يل خدمة ابن الزجيه

   
عشكنه والعشك صـاير سمنه
وشيعة حـــيدره الباري سمنه
نظل أنجوم والــــــعتره سمنه
تفي أعلينه كل صبح ومسيه

[الروح]

ثبتكم الله على حبهم وولايتهم
موفقين ابوذيات رائعة

تحياتي

[زكي الياسري]

ابوذيات رائعة بحق

نسأل الله ان لا يحرمنا من المزيد من نور هذا القلم الموالي

[قاسم حتروش]

اللهم صلي على محمد وأل محمد
باركك الله أخي العزيز ميثم عبد الأمير
على هذه الأبوذيات الرووووووووعه
وأهيديك هذه الأبوذية

هاك أخذ الكلب بيديك ورقه
وشوف اللي تسيد بيه ورقه
ذبت بآل النبي وصبحت ورقه
وبس حبهم تره مكتوب بيه
تقبل مروري

[الشاعر حسن خليفه]

اللهم صلي على محمد وال محمد

بارك الله بك اخي الكريم على هذه الابيات الرائعه

وجعلها في ميزان حسناتك


تقبل مروري

خادمكم الشاعر

حسن خليفه