افضل طريقة لحل مشكلة الكهرباء هو ان نقطعها !

[ضياء عارف]

اي.. اوداعتكم ترة ما يرادله عقل مدبر .. كومو خن نشيل كيبلات الكهرباء عن المنطقة الخضراء ونخليهه ضلمة عليهم .. نمنعهم حتى من المولدات .. واجهزة التبريد ناخذهن ونصادرهن .. نوزعهن على الناس ..او نبيعهن المهم ناخذهن .. ونطيهم مولدات اصغيرة .. هذني الي جنهن دبابات اذا اشتغلن يسطرن الي ما ينسطر .. اي نطيهم هذني المولدات بس نمنع عليهم البانزين هيج خباثة.. وادور نخليهم يوكفون سرة عالبانزين خانة حته يشترون اللتر بعشر طعش تلاف دينار .. ونوب اذا سوو مظاهرات عل الشعب علمود يجرون مولد فنسمح للواحد بيهم بثلاث امبيرات فقط .. ونوصي ابو الوطني .. نكلة اقطعها بالوقت الي ما بي مولدة واذا اجه وقتهه جيبهه واقطعهه جيبه واقطعهه حتى ابو المولده يستلك ا... زين بقى اكو شي .. تدرون شنو نخليهم يشربون من مي الحنفية .. ممنوع الماي المعقم او المعلب ممنوع .. ثلج ماكو .. جا والعباس ابو فاضل امن الصبح نجينة الكهرباء اسلول اسلول لحد ما احنة نطلع مظاهرات حتة يكطعوهه لان اكيد ما راح نستحمل كهرباء اربعة وعشرين ساعة .. هههه والله مهزلة .. اخوان اعذروني اتكلم بهذه اللغة ترة لغة شارعنة وي هذولي لازم اتصير هيج علة مستواهم قلبا وقالبا .. تحياتي

[الملك_ميسان]

بسم الله الرحمان الرحيم

السلام عليكم أخي ضياء العارف ..بارك الله بك طرح لطيف...والألطف هي الحلول...:D
وأضيف فوكها..خاف تجينا أفواج السوات والتدخل السريع وأفواج مكافحة الأرهاب وتصير الأعتقالات بفلسين..:o
ونصير إرهابيين مدفوعين من المخابرات التنزانية...ههههههههههههههههه
والله ماأدري شني قضية الكهرباء بالعراق..شنو طامة التسويف والتأخير..بس الله يعلم بالمخفي..علينا بالظاهر
الجماعة يسوون عقود ويا شركات نصابين...والناس مختنكه من دخان الموالدات...إلك الله ياشعب العراق..
كتب عليكم ان لاكهرباء من زمن عوج إبن عنق ..لحد زمان المالكي ومن راح يجي وراه..بس لايبقى المالكي لدروة
ثالثة ...:eek:
شكراً لك تقبل خالص تحياتي ودعواتي..

[ضياء عارف]

هههه الله يخليك اخي دمت مسكا بس تدري موش اني ما كتلك جا غير احنه راح نعتقلهم ونذبهم ابسجن بوكا
ومن يسؤلون شنو تهمتهم نكلهم قاعديون غيراو الاحسن نغلس نذبهم بالسجن ونعوفهم للامريكان يطبقون عليهم
اخر تجاربهم واختراعاتهم الاخلاقية .. اي امن يجون اهلهم يسؤلون عليهم نكلهم ما ندري والله ما نعرف
واذا كلش السالفة دجت نطلعهم من السجن ونكتلهم ابطرفاية ونكول هربوا من السجن وكتلناهم
والسلام عغليكم ورحمة الله وبركاته