بس حسين خدامه سلاطين

[قوافي الأيثار]

بس حسين خدامه سلاطين....................................... من قصائد (الكعده)

بس حسين خــــــدامه سلاطين = بيــــــــــهم تفتخركل الموالين

والي تخـــــــــدم الآل = فوﮒ الهـــــــام تنشال

بس حسين خــــــدامه سلاطين

****

أفتــــــــح التاريخ واقره وشوف خدام الإمامه
اتشوف اساميهم زهيه مسجله بحبرالكرامه
اتجندولاجل الحُسين وصاروا رماحه وسهامه
لاجل القضيه العادله = حملو لـــــواء المرجله
وقــــــــادو رعيل القافله = ولهم تلوﮒ الزعامه
وبالإخلاص أدو هالرياده = وبالمظلوم نالو هالسعاده
قـــــدوه لكل الاجيال = فوﮒالهـــــــام تنشال
بس حسين خــــــدامه سلاطين
****
هاك اخذ حمزه الزغير ناعية شبل الصميــــــده
هالله هالله اشلون واسى اشلون اخلص للعقيده
للمدايح والمراثي اتفنن وطوعهـــــــــه بيـــــــــــــــده
حمــــــــــــزه الزغير لو نعى =صم الصخور يصدعه
يقره ويهيـــــــــــج مدمعه = بصوته تتلاله القصيده
اظن حسين وافا بالمنيه = والكرار والزهره الزجيه
(ﮔـعـــــديـــــــــــاته امثـــــــــــــال = فوﮒ الهـــــــام تنشال
بس حسين خــــــدامه سلاطين
****
أسمع اسمع يل الموالي لصوت عبد الزهره وانته
تســـــــــتمع مقتل إمــــــــامك اتخيل بونه وعبرته
اشلون ما يكدر يكمـــــــل والالم هيج حسرته
من يوصـــــــــل لحد الشمر = لمن لفـــه لحزالنحر
ما ﮔمل وﮔام اعتذر = وبالحزن تسعرجمرته
ولعاشور هالمقتل أذاعه = للأجيال عبد الزهره ذاعه
ومجـــــــــــــــاد الشرف نـــــــــال = فوﮒ الهـــــــام تنشال
بس حسين خــــــدامه سلاطين
****
اظن ما ننسه القصيده الزرعت الجين الوراثي
كلنه نسمع من قراهه بصوته ياسين الرميـــــثي
غدت نبراس التحدي . اتصدرت كل المراثي
عبدالرسول الي نظم = وبصوته ياسين اقتحم
حتى الطفل بيهه لطم = عالركب اسمعهه جاثي
بهالمضمون صاحته الحناجر = (صاحت بيك آمنه الضماير )
ولياسيــــــــــــــــن افضال = فوﮒ الهـــــــام تنشال
بس حسين خــــــدامه سلاطين
****
ارد اعرج عل القوافي وكاظم المنظور اذكره
وعبود غفله الشمري بالقلم باهرنه شـــعره
والجمري ويه الوائلي ونصّار ماخذنه سحره
ولزمن لو مر الزمن = الرادود ما انسه (وطن)
ينعى ويرج صوته الصحن = والمواكب بيها ادره
هالرواد خدام الاماجد = روح وبالنجف تلكاهه شاهد
هالخـــــــــــــــــــدام سربال = فوﮒ الهـــــــام تنشال
بس حسين خــــــدامه سلاطين
****
راية الخدمه الشريفه اشما تمر بيهه الظوالم
عاليه تبقى وزهيه وخــــــادم يسلمهه خادم
والي يتفانه بخدمته مو لاجل كسب المغانم
ينول الفخر والغانمه = ويرضي الزچيه فاطمه
وللجنه هي تسلمه = وياعظم هاي المكارم
وبس حسين خدامه سلاطين = بيهم تفتخر كل الموالين
والي تخـــــــــــــــــدم الآل = فوﮒ الهـــــــام تنشال
بس حسين خــــــدامه سلاطين
****
ونسألكم الدعاء
كلمات
عمار جبار خضير
2007

[نزار الفرج]

بسم الله الرحمن الرحيم
قصيدة رائعة بحق من خدموا المنبر الحسيني من شعراء ورواديد
وفاءاً لهم والدورهم في خدمة ابي عبد الله الحسين عليه السلام
ولا ننسى عبد الرضا الرادود وسيد كاظم القابجي وفاضل الرادود..وياسين الكوفي
بوركت ياعمار فهو وفاء من شاعر..
ابومحسد

[ثورة الحسين]

موفق لكل خيرhttp://www.imshiaa.com/vb/images/editor/menupop.gif
اخوك عبدالله

[قوافي الأيثار]

لكم من الشُكرِ أضعافاً يطوّق هذا الحضور
ويصافح حروف تعقيبكم المتوشحةِ بالنور
كل العرفان والإمتنان

[زينب عباس]

بسم الله الرحمن الرحيمالسلام عليكم ورحمة الله وبركاته
جميل ماكتبت بقلمك الولائي

[شيعية بحت]

جميلة القصيدة و صور حلوة

[قوافي الأيثار]

اللهُمَّ صَلِّ على مُحمَّدٍ وآلهِ سادة الأكوان
باقةُ عرفانٍ وجزيلُ إمتنانٍ لكم على تواجدكم العطر
وحضوركم النيّر

[لبيك داعي الله]

احــــــــــــــــسنتم

[سكرتيرة نفسها]

مشكووووووووووورأخي
يعطيك العااافيه

[قوافي الأيثار]

احــــــــــــــــسنتم

وأنتم من المحسنين

[modi_alwandy]

موفق لهذه القصيدة
قصيدة اكثر من رائعة