قصيدة (غريب الطوس)

[ثورة الحسين]

غريب الطوس اليوم مسموم
وعليه روحي اليوم تبجي
ولاجله هليت الدمع ياناس
والدمع فوك الوجنات يجري
وسموك وادري كلش زين
وسمك لليوم ابكلبي يسري
واسمك غريب الطوس معروف
واسمك مكتوب ابوسط كلبي
وشال اهموم فوك اهموم
وبعده شاب وزين يدري
وحافظ عله احكام الدين والله
وصار الدين بجفوفه يزهي
وماركن للجور ابد فد يوم
وعيونه دوم اعله الدين تربي
وشال ابذاته اكنوز للعصمه
وقائد صار للناس يهدي
وغريب الطوس اختار الطريق
وماهاب ظلم الظلام حجتي
وبعهده صارت اهواي شدات
وصارت كمره وبيده تضوي
ولحكم هارون ماركن فد يوم
وعاشره اسنين وزين تدري
وعكب مابجه هارون اللعين
وسدحلكه ابحجر يعمي
ولحكم الامين ماطخ راس
وللمامون ماطخ راس مجدي
والخوان صارت حرب هليوم
وسار الامام ابدرب محمي
واغتنم هاي الفرصه الامام
وصار ينبوع العلم يجري
وانصرف للتوعيه ونشر الدين
واسس مدارس للناس تزهي
وبعلم الرضا اتنورت شمس الكون
وافرض احكام للناس تهدي
وحاجج الاحبار ابعلم واضح
وخضعتله تورات اليوم حجتي
وناظر سلاطين العلم هاليوم
وخضعتله الزبور اليوم عزتي
وبعد فتره صار الحزن
وصوت ناع الدهر يحجي
راح الرضا ياناس مسموم
وناعي الدهر ابصوت ينعي
وعله جثمانه صله الجواد
وادموعه فوك الوجنات تذري
وكل عام ازورن غريب الطوس
واحس نار ابكلبي تسري
وكبر الرشيد اندوسه بالرجلين
ولليوم صار اسمه منسي
وهاي زوارك ماتنعد ملايين
وضريحك سيدي للدوم يضوي
وهاي شيعتك سيدي ومولاي
ويم ضريحك كله اليوم تبجي
ـــــــــــــــــــــــــــــ
بقلمي خادم اهل البيت(ع)
عبدالله العتابي