المساعد الشخصي الرقمي

مشاهدة النسخة كاملة : شلون نستقبل هلالك ياشهر ؟؟ و انتَ يا عاشور مفتاح الدهر

زكي الياسري
22-10-2011, 12:06 AM
شلون نستقبل اهلالك يا شهر .. و انتَ يا عاشور مفتاح الدهر

1

بيك يا عاشور آدم يــــــــدري زين
ينذبح عطشان مظلـــــــوم الحسين
و شاف صورة ضيم تنقلهه السنين

شاف ابنه ابلا ذنـــــــــب من انغدر

2

عالنبي ابراهيم لو ردنـــــــه الكلام
سمع يمكن عن وصف حركَـ الخيام
لجن ناره اتحولــــــــت برد و سلام

و نار حرك الخيَم جمـــرات و شرر

3

نقره بالقرآن و العَهــــــد القديم
طلع خايف يرتقب موسى الكليم
من ظلم فرعون و الجور العظيم

طلع من حَس حاط بالدين الخطر

4

يحيى من جبريــل عنك اخبـــــره
دمعه يا عاشور دم احمـــــر جره
و سِأل الله اينال هـــــذي المفخره

و نال يحيى امراده محــزوز النحر

5

يوسف البلبير وحده ابلا معين
خاف لكـــن جاه جبريل الامين
أخبره بآلآم مكَطوع الوتيـــــن

و من سمعهن هان ما صابه و صبَر

6

و النبي يعقوب من ضاكَـ الفِراق
و اشتعل كَلبه ابعذاب الاشتيــاق
ذكر ضعن احسين كَاصـد للعراق

و منه مو من يوسف ابيّض النظر

7

يا شهر عاشور كل الانبيـــــــاء
تعلم ابمجمل وقايــــــــــع كربلاء
و منهه عرفوا زين تأثير الفداء

شلون يترك بالنفـــــس ذاك الاثر

8

يا شهر عاشور شهر التضحيات
بيك آلام و دروس و معطيــــــات
ثبت بيك الموت بي تبدي الحيـاة

و بيك نستخلص يعاشور العِــبَر






زكي الياسري النجفي
البدري14
22-10-2011, 09:25 AM
زكي الياسري
نظم يفوق الخيال
عقد من درر يتللء للناظر
موفق اخي العزيز على هذه الرائعة
تقبل مروري بود
ثورة الحسين
22-10-2011, 11:17 PM
قصيده ذات معاني راقيه
وفقك الله لكل خير
اخوك
عبدالله العتابي
أبو ذر السماوي
23-10-2011, 11:58 AM
موفق حبيبي وتاج راسي جعلها الله في ميزان حسناتك

خادمكم ابو ذر السماوي
زكي الياسري
24-10-2011, 02:50 AM
اشكركم جزيييييييل الشكر على المرور و الاطراء الرائع

و اسأل الله ان لا يحرمني منكم ابدا