المساعد الشخصي الرقمي

مشاهدة النسخة كاملة : شلون نتلكة مصابك يا حسين

اياد الفرح
22-10-2011, 12:51 PM
شلـون نتـلــكه مصابك يا حسيـن
نلطم عــله الصدر لو نطبر جبين
والــدمه ويانه
يلطم بشريانه
.....
نطبر احنه الهـامة في هذه الشهر
وبــأديـنه نوسم اجـفــوف وصـدر
يا مصيـبة البجت عيــون الصخـر
هـــزت الأفـــلاك واللـوح انـفـطـر
والشمس حزنانه
تـلـطم المـولانــه
......
والله عنده حسين اشــرف منزله
حسيــن قـران عـله حـيــدر نزله
بالطـفـوف اخته العـقيــلة أترتـله
ونخـتم مرتين فــي طــف كـربله
والوحي اهنانه
يقره فـي قرانه
.....
نــذكـر الأكـبر وقـاسم والـرضيع
والأطفــال التاهت وبالبـر تـضيع
لو حــرك الخيـام والمنظر فضيع
وأبو فاضل طاح عالغبره صريع
اتكطعت ذرعـانه
وزينبه عطشانه
.....
نــذكـر العبــاس لخـته ما رجع
نـذكر ابكربله جـم راس انكطع
والعليل أجروح ينـزف بالوجع
سياط عالمتــون ضلـت تنطـبع
والولي ما جانه
ننضـرب خـلانه
.....
صورة والزينب جذب ننساهه
مـن ضربهه الشمر ثق اذاهه
تحـشم بعبــاس ما حـاجــاهـه
وينه حيدر وين حامي حماهه
تنضرب نسوانه
ليـش ما حامانه
......
الشاعر
إياد الفرح
ثورة الحسين
22-10-2011, 11:21 PM
السلام عليكم
اياد الفرح
قصيده رائعه وفقك الله
لكل خير
اخوك
عبدالله العتابي
البدري14
23-10-2011, 09:09 AM
احسنت اخي اياد
نوفق لكل خير ان شاء الله
جعلها بعين امام زمانك
رياض الرسل
23-10-2011, 11:02 PM
السلام عليكم

اياد الفرح

موفق على هذه الكلمات
الله يقبلها منك يارب
دمت بكل خير


رياض الرسل
ام كميل
26-10-2011, 11:37 AM
سلمت اناملك كلمات رائعه
تحياتي