أنصار انصار لبن حامي الحمه

[زكي الياسري]

قصيدة الى انصار ابي عبد الله الحسين عليهم السلام
فرسان الهيجا و ابطال الصفا
ثوابها الى قرائها الكرام و امواتهم و اموات شيعة امير المؤمنين
و على الخصوص الشهداء الكرام و خدمة الحسين عليه السلام
و اسألكم الدعاء
زكي الياسري النجفي


انصار انصار لبـن حامي الحمه

1

احنه انصار الحسيــن و ما نعوفـــــه للأبد
احنه صفوة هالخليقه وعدنه من الله عهـد
احنه اسياف الكفاح و احنه لنزيـح الشــدد
واحنه ترجمنه الفداء بكربله الصارم شِـهد

انهار انهار صبح فيض الدمــــه
انصار انصار لبـن حامي الحمه

2

احنه مو صدفه انوجدنه احنه مو عارض عرض
احنه خيره و اصطفاهه الباري من فـوكَـ الارض
احنه اصفى كَلوب عدنه وبيهه الحسين النبـض
هذا ابن حيدر و طه و طاعتـه اعلينــــــه فرض

ثوار ثوار على الشر قائمـــــــه
انصار انصار لبـن حامي الحمه

3

احنه انصار العقيده و نحمــــــــي دين المصطفه
احنه بركان المبادئ نـــــــــــــــــــور ابداً ما طفه
احنه في مر العصور الكل جـــــــــــرح بينه شفه
و احنه شعلة كربــــــــــلاء و احنه كَلب العاصفه

إعصار إعصار صواعق قاصمه
انصار انصار لبن حامي الحمـه

4

احنه مبدأنه الصمود و ما يزلزنـــــه الخطـر
احنه اسسنه الكرامه و احنه شيَّــــدنه الفخر
احنه ثورة عالميه بكل زمان و كل دهـــــــر
و احنه دستور انتفاضه بي ملايين الفِكـَـــــر

أفكار افكار قيــــــــادة عالِمــــه
انصار انصار لبن حامي الحمه

5

احنه عابس وي زهير و جون شد عزمه الحبيب
احنه نافع وي برير و باقي اصحــــــــاب الغريب
و الرياحي العاف جيش ايزيد واختـــــار النصيب
احنه لكفلنه العقيله و للجرح صــــــــرنه الطبيب

ابرار ابرار فِــده البــــت فاطمه
انصار انصار لبن حامي الحمه

6

احنه يوم الطف يـَزينـــــــب احنه دكَينه الصدر
ابشري يا الحره و الله نفني هالجيــــــش القذر
نفدي دمنه و ما نِساوم لا أبد ما نعتـــــــــــــذر
و نكسر اخشوم الاعادي نعيدهه الصولة بــــدر

احرار احرار و حق رب السمه
انصار انصار لبن حامي الحمه


زكي اليــ النجفي ــاسري
تمت بحمد الله تعالى
في
29/10/2011
كيل

[قاسم حتروش]

السلام على الحسين
السلام على علي أبن الحسين
السلام على أولاد الحسين
السلام على أصحاب الحسين
الذين بذلوا مهجهم دون الحسين
كلام روعه أخي سيد زكي
حشرك الله مع الحسين وأنصار الحسين
تقبل تحياتي

[ابو ظاهر البركي !]

ونعم منهم يسيد ذوله انصار الحسين
همه اختارو الشهاده الرضا رب العالمين
صبرو ونالو الكرامه اتلقبو بالصابرين
واحنه خلننطر الحجه والظهوره ناطرين
جنود ثوار نلوذ بصارمه
انصار انصار لبن حامي الحمه



سيدي الياسري
شكرا لكم سيدي رائع متألق
وفقكم الله وسدد خطاكم لخدمة محمد وال محمد


تقبل مروري سيدي على رائعتك


خادمكم
الاصغر
ابو ظاهر البركي

[زكي الياسري]

حيا الله الاعزاء

قاسم حتروش

و ابو ضاهر البركي

على المرور و الاطراء الذي عطر الصفحه

نسأل الله تعالى ان يحشرنا مع انصار ابي عبد الله الحسين عليه السلام

[رياض الرسل]

السلام عليكم

السيد زكي الياسري


موفق على هذه القصيده
واسأل الله قبولها منك
دمت بكل خير
والله لايحرمنا منك


رياض الرسل

[الشاعر حسن خليفه]

طيب الله ذكرك وانفاسك وطهر صدرك

ورزقك شفاعه محمد (http://www.imshiaa.com/) واله الطيبين الطاهرين علي (http://www.imshiaa.com/)هم السلام

قصيده رائعه بميزان حسن (http://www.imshiaa.com/)اتك ان شاء الله

تقبل مروري

اخوك الشاعر

حسن (http://www.imshiaa.com/) خليفه

البصره