صــورة من ليلة عــذاب

[اياد الفرح]

صــورة من ليلة عــذاب

ليـلة وي رمـلـه وربـاب

تلوعن وملوعات

أمهــات وفاكدات

.....

فكـدن وياهو ألمثلهـن من فـكـد

الأكــبر وجـاسم وعـبد الله بـعـد

الرضيع أنذبح ضل خـالي المهد

الموت عنده الأكبـر بطعم الشهد

والـشـبل قـاسم ابــن ذاك الأسـد

أمهات وفاكــدات

تلوعن وملوعات

.....

ليلة عدهه وي الحزن ليلة شجن

ليــلـة أوداع الابــو أوداع الابــن

ليـلــة حتى الحزن ما كفه الحزن

والهموم همـوم من عـدهه خـذن

ونــت ويـا ون يــونـلهه آلـيــون

أمهات وفاكــدات

تلوعن وملوعات

.....

رمله زفت جاسم العرس السيوف

والسيوف الحضرن أبعرسه ألوف

ألتمن ايهنن اجــن صارن صفوف

شــافـته بيــاعين أمه مــن تشوف

يمه هاي الحنه بس وين الجفوف

أمهـات وفاكـدات

تلوعن وملوعات

.....

أتعده حد العطش بالطفل الرضيع

تواعد وي الموت جاله عالسريع

شرب نبله حرمله وأصبح صريع

ومات بيه الموت والمنظر فضيع

والربــاب تنــادي وينـك يا شفيع

أمهـات وفاكـدات

تلوعن وملوعات

.....

والصبــر منهـار مــا يحـمل صبر

ويـا مصـايب تــنسي ومـا تـنذكـر

بسيـاط أطـفـال تمشي عله الجمر

وشـنهي ذنـب الحتـرك وبيـا وزر

زيـنـب وسـكـنه ورقـية والـخــدر

أمهـات وفاكـدات

تلوعن وملوعات

.....

الشاعر

أياد الفرح

[ثورة الحسين]

وفقك الله وسدد خطاك لكل خير
رائع رائع رائع
الله الله الله
خادمكم
عبدالله العتابي