يا شمعة الشباب

[قاسم حتروش]

تنويه


هذه القصيدة من كلمات الشاعر والرادود الحسيني


السيد قاسم سعود عباس الحسني البلداوي





يا شمعة الشباب ***** ما أعظم المصاب


بدرك غفه *** وشمعك طفه *** بأرض كربلاء


*************


يبني يجاسم يـــــــــــــــــــا نبض دلالي


ما عندي غيرك مـــــن ولد يــــــا لغالي


تنذبح وتعوف أمــــك بــــــــــــــلا والي


أنظر لحالك يولدي لــــــــــــــــــو حالي


وبكلبي الجريح ***** أندبك يا ذبيح


عمرك جفه *** وشمعك طفه *** بأرض كربلاء


*************


شكثر سهرت يـــــــــا سلوتي وباريتك


يوليدي بدمـــــــــــــــوع الحزن ربيتك


لأيام شيبي يــــــــــــــــــا لولد ضميتك


بأول سنينك تنذبــــــــــــــــــح مدريتك


يا صرخت الضمير ***** ما أدري هل مصير


أجلك لفه *** وشمعك طفه *** بأرض كربلاء


***********


لأيام عرسك جنت أعــــــــــــد وأتنطر


شمدريني بلي جـــــــــــــــان اليه مكدر


وهيجي الزمـــــــــــــان يدور بيه ويفتر


وتالي أشوفــــــــــــــــك عالوطيه مطبر


فوك الترب صريع ***** يا زهرة الربيع


يابو ألوفه *** وشمعك طفه *** بأرض كربلاء

*****************

بحروف أسمــــــــــــــــك علقت أمالي


مدريت تطفـــــــــــــــي شمعتك لتلالي


ويضربني سهم النايبه مـــــــــــن تالي


مـــــــا جنت أعرف كر بله ولا أبالي


ومن عرسك أنحرم ***** جسام ونظلم


حلمي أختفه *** وشمعك طفه *** بأرض كربلاء



حين اللي صدت عيني صوب الوادي


شفتك بدمك عـالتـــــــــــــرب يوليدي


هاج الحـــــــــزن بيه وصفكت بأيدي


وشلون بعــــــــدك راح أضل وحيدي


للهم والعذاب ***** وحركة المصاب


عمري صفه *** وشمعك طفه *** بأرض كربلاء


*************


ضاعت يجاسم كــــــل هذيج أحلامي


مــــن حركو الحوفه وحركت خيامي


مـــــن شفتك عله الغبرة نحرك دامي


حاجيتك بدمــــــــــــــع اليهل وآلامي


من بعدك أنوليت ***** يوليدي ما دريت


خصمي أشتفه *** وشمعك طفه *** بأرض كربلاء

[رياض الرسل]

السلام عليكم

قاسم حتروش

موفق على هذه القصيده
وعلى نقلها
وطيب الله نفس شاعرها

واسأل الله قبولها منك
دمت بكل خير
والله لايحرمنا منك


رياض الرسل

[الشاعر حسن خليفه]

طيب الله ذكرك وانفاسك وطهر صدرك

ورزقك شفاعه محمد (http://www.imshiaa.com/) واله الطيبين الطاهرين علي (http://www.imshiaa.com/)هم السلام

قصيده رائعه بميزان حسن (http://www.imshiaa.com/)اتك ان شاء الله

تقبل مروري

اخوك الشاعر

حسن (http://www.imshiaa.com/) خليفه

البصره

[قاسم حتروش]

حبيبي أستاذ رياض أبو عباس
جزاك الله خير الجزاء
على هذا التعليق الجميل والمرور
تحياتي
خادمكم

[قاسم حتروش]

حبيبي حسن خليفه
عاشت ايدك على هذا التعليق الجميل
بس أني منوه
وهذا التنويه
هذه القصيدة من كلمات الشاعر والرادود الحسيني
السيد قاسم سعود عباس الحسني البلداوي
تحياتي
خادمكم