قصيدة هلالية لشهر محرم الحرام

[قاسم حتروش]

بسم الله الرحمن الرحيم


أخواني أعزائي هذه قصيدة طورها مثل قصيدة


يحسين أول ما حبينه وأول ما شفناك


سدينه الباب وما نقبل نعشك ثاني وياك


للشاعر المبدع عبد الخالق المحنه والتي يؤديها


الرادود باسم الكربلائي أهدي ثوابها الى كل من


يقرأها وإلى شيعة أمير المؤمنين الأحياء والأموات


لا سيما السادة والشهداء


وأليكم القصيدة




الكون تغيــّــــــــــــر مـــــــــــن هلالك وشعـلت النيران


مظلم موحش ضل عــــنوانه يـــــــــــــا شهر الأحزان


مسه أظلـــــــم **** يشهر الــــــــــدم


يـــــــــــــا شهر الأحـــــــزان


*********


الكون وجهـــــــه مختلف *** وتغيـّــــــــــــرت ألوانه


من بان شهـــــــر الفاجعة *** بانت عليـــــــــه أحزانه


مكـــدّر وألـــــوان الحزن *** يحمل صُبـــَــــحْ عنوانه


وياه أمـــــــــــــلاك ألسمه *** كلها مســـــــــت حزنانه


الكونين وأمــــــــلاك ألسبعه تــــــــــــــون منك عاشور


وألشيعــــــــــــــة تشاركها اللوعــــــــة والمدمع منثور


مسينه بهـــــــــم **** يشهر الـــــــــدم


يـــــــــــــا شهر الأحـــــــزان


************


متكــــــدره جــن وأنس *** والحزن بـــــــــان عليها


صبت مدامعهـــــــا دمه *** مــــــــــــن الهموم البيها


مـــن شافت هلال الشهر *** مطلعـــــــــه اللي مأذيها


وتصــــــــوّرت للفاجعه *** اللي جاي حامــــــل ليها


تتصـــــوّر زينـــــــــــــــــــب والخـدّر لا خيمة أوّليان


وسهم الطفل لكطعو نحره بــــــــــــــلا رحمة العدوان


النحر هشــّـــــــم **** يشهر الــــــــــــــدم


يـــــــــــــا شهر الأحـــــــزان


*********


يهلال جم لوعـــــــه حملت *** وشكد جبـــــــت أنت هموم


حتى ألسمــــــــه بيك أنفطر *** وتلبــــّــــــــــد بحزنه غيوم


والمطر بيك أصبــــــح دمه *** ومطرت عله الأرض دموم


وتكــــــــدرت أرض وسمة *** مـــــن أنصاب بيك المظلوم


جــــــم دم اللـــــــــي سال بشهرك جــــــــــــم نحر المكطوع


وجــــــــــــــــم طفـــــــــــــــل ألتايه والضامي بالبيداء يلوع


الحزن خيّـــــــــــــم **** يشهر الـــــــــــــدم


يـــــــــــــا شهر الأحـــــــزان


************


آلامك تشيــــــــب الطفل *** ويشيب منهــــــــــا الدلال


بــــلا راي ضلينه أوجل *** مـــــن شفنه رسمك يهلال


بهموم كــــل شيعي مسه *** ويا حاله عايش يـــــا حال


وأنفطــــــر دلال المحب *** منــّك يشهــــــــر الأهوال


جــــــــــــــم لوعه ولوعه لعشناها مـــــــــن هلال البين


ودم المدمع مـــــــــــــــــــــن هلالك يجري لأجل حسين


بجينه بــــــــــــــــدم **** يشهر الـــــــــــــدم


يــــــــــــــــــــــا شهر الأحزان


************


فرّقــــــــــــت بين العائلة *** ويــــــــــــا عائله تدريها


عائلة طــــــــه المصطفى *** وحيـــــــــدر علي واليها


والخدر مـــــــــن أم الخدر *** راح بفكــــــــــــد حاميها


ذاك الشمل شمـــــل الأهل *** فرّقـتـه مـــــــــــن تاليها


يـــــــا ريت أنشال مـــــــــــــــن الأشهـر أسمك لا هليت


شمـــــــل حسين وشمــــــــل العيلــــــه تفرّق لمّن جيت


ولا يــلــتـــــــــــم **** يشهر الـــــــــدم


يــــــــــــــــــا شهر الأحزان


**************


مـــــــن هلالك الشيعة مست *** تــــون بألـــــــــم متكدره


سالت مدامعهــــــــــــــا دمه *** تبجـــــــي وتــــون بعبره


تواسي علي حامـــــي ألحمه *** وبنـت الرســــول ألزهره


وتواسي طــــــــه المصطفى *** وتعــــزي كـــــــل ألعتره


تواسي ألطه الهـــــــــــادي وبـنـتــه وكـــــــــل بيت المختار


والسيد محمـــــــــد مولانـــــــــــــــــــه اللــــي يبعد الأخطار


البعَدْ للهــــــــــــــم **** يشهر الــــــــــــــدم


يـــــــــــــا شهر الأحـــــــزان




بقلمي


خادم الأطهار ( ع )


قاسم حتروش

[الشاعر حسن خليفه]

اللهم صلي على محمد وال محمد

بارك الله بك اخي الكريم على هذه الابيات الرائعه

وجعلها في ميزان حسناتك


تقبل مروري

خادمكم الشاعر

حسن خليفه

[قاسم حتروش]

حبيبي أستاذ حسن خليفة
ممنون جدا يا فيلسوف الشعر على
المرور والتعليق
تقبل تحياتي

[رياض الرسل]

.wysiwyg { PADDING-RIGHT: 0px; PADDING-LEFT: 0px; BACKGROUND: #fdfefe; PADDING-BOTTOM: 0px; MARGIN: 5px 10px 10px; FONT: bold 12pt Times New Roman, arial, helvetica,verdana; COLOR: #000000; PADDING-TOP: 0px}P { MARGIN: 0px}.inlineimg { VERTICAL-ALIGN: middle}السلام عليكم

قاسم حتروش


كلمات بغاية الروعه شاعرنا الغالي
والله لايحرمنا منك ابد
دمت بكل خير


رياض الرسل

[قاسم حتروش]

وعليكم السلام ورحمة الله وبركاته
حبيبي وأستاذي أبو عباس
ممنون جدا على هذا الأطراء العطر
وأهدي اليك هذا الدارمي

كل شي لتكتبه هنا أجمل هديه
وممنون إلك أستاد من تمر بيه
تقبل تحياتي
خادمكم

[معاذ نجم]

أحسنتم أخي العزيز
وبارك الله فيك
تقبل مروري

[قاسم حتروش]

أخي العزيز معاذ نجم
شكرا جزيلا على المرور والتعليق

[معاذ نجم]

بارك الله فيك

[قاسم حتروش]

بارك الله فيك

وبيك حبيبي أبو صادق