رياض الرسل
27-11-2011, 11:40 AM
السلام عليكم
لي الشرف ان اضع الجزء الاول
من قصائدي لمحرم في هذا الصرح المبارك
اسأل الله لي ولكم القبول يارب
***************
ابـوذيات لـبـدايـة شهـرعـاشـور
**************
عسه يومك شهـر عاشور --- لاهــل
لا أخـوه الـبـقــتـلي بـيــك --- لاهــل
يـريت الهال فـوگ الجثث --- لاهــل
تـراب الـبـين بـرض الـغـاضريـه
***************
مـن كـربـلـه شمـحـصـلـه --- شجاني
غـيـر الـحــزن وگـلـيـبـي --- شجاني
عگـبــكــم مـامتـت اهـلي --- شجاني
بقـيـت الوحـدي واخـذوني سبيه
**************
شعــنـدك ياشهـر بالحزن --- هـليت
ذنبي وبيك من مـرحـبـت --- هـليت
تـدري دموع يابـو دموع --- هـليت
وفگدت انجـوم طاحوا عالوطيه
***************
هـوسات لبداية محرم عـن لسان الحوراء زينب (ع)
**************
عـسه لاجيت ياشهـر الحزن والنـوح
بيك حسيـن دامي وعـالتـرب مذبـوح
چم روح انته ماخـذ ياشهـر چم روح
ريـت ولا هـليـت لـهـلالـه
**************
يـاشـهـر الحـزن والـنــوح والـونـات
من فـرگت أخـوتي امعاشره الدمعـات
ظـل عـزمي عـزم ما بطـلت هـيـهـات
مرفـوعه وبالطـف الهامه
*********
هلاليله
******************
يهل شهر الحـزن كل عام كل عام بشهر عاشور
وهذا الشهـر بالوجدان ظل طول العـمر محفور
**********************
ماننسه الجــره والصـار ونـذكــر كـربـلـه شبـيـها
بهــذا الـشهـر للــزهــره نعــزيـهــا ونــواسيــهــا
لـجــل حسيـن ابــو السجـاد هـالارواح نـفــديـهــا
ضحـه بـكـربـلـه عـمــره لجـل الـديـن چـان وسور
******************
بهذا الشهر نبچي ادموم عالطاح وسگه الـغــبـره
من دم الـنحــر عــنـوان سجــل نـصر لـلــعــتــره
هــذا الشهــر بسم حسيــن من دمه وسگا عـمره
وظل خالـد أسم عـاشور شما دار الــزمان أيــدور
****************
عـاشور الحـزن والنار مشتـعــلـه بحـروف أسمه
والطـفـاهـه دمه الـطـاح رحـمه وعـافــيـه ونسمه
واحــد يبـقه اسـمه حسيـن ما يـقـبـل أبــد قـسمـه
ما ينقسم نـوره وشوف مـن نـور الجــلاله الـنـور
*****************
ارض البيها دم حسين يـاأرض الـمـثـلها اتـشوف
دم شبان دم اطـفـال بـيـهـا وتـلگـه بيها أچـفـوف
هاي الضحه بيها حسين روحه وما يهاب اسيوف
بهــاي الارض لجل الديـن ضحه وبالعــمـر منذور
******************
من هـذا الشهــر نـاخـذ عـبــره ونـذكــر مصايـب
دم حسيـن لمـن سال عـالــغــبــره بگـلــب ذايــب
أنــريــد أنحـشمه ونـنـخـاه كــون ويسمع الغـايب
يحضر للطـفــوف وكــون يحضر وبگـلب مجـمور
*******************
ثـــارات الـحـســيــن الـغـاب مـتــكــفــل بـثــاراتــه
مــن يـظـهــر وبيده السيـف وتــرف عالي رايـاتـه
يـاخــذ ثــار كل عـاشــور والطـاحــوا بسـاحــاتـه
لاچــن عـالغــيـاب الغـاب مـو بـيـده الامـر معـذور
******************
الأنصار
*****************
اكـتـب يـاقـلـم وأحچي مـثلي لاتـظل مـحـتـار
عن الـواقعه البـطـف وخـص أبـذكـرك ألانـصار
*************************
أكـتـب يـاقــلـم وأحـچـي حـبــرك گـبـل لا يــنـشـف
ياهو الصار ويه حسين وياهـو اللي عـليه ألـتــف
أشـرحلي وأريـد أسمـاء وموقـفــهـم بـيـوم الـطـف
أريـدك يـاقـلـم عـبــره
عـنهـم تـرسـم وفـكره
ذوله الفرحـوا الزهره
واريد الناس تعرف زين شنهي الجره وشنهي الصار
***********************
انـصـار الغــــدوا بـالـطـف انـصـار ونـعــم وفــــوا
بــالـدم مـا بــخـل واحـد يــوم الـمــوزمـه وكـفـــوا
ضحوا من صـدگ لحسيـن بكل اعـمارهـم ضحــوا
ضحـوا ما بخـل واحـد
بالـطـف ربـك الشـاهـد
واحـدهـم جـبـل صامـد
يوم القـدمـوا الارواح درع صاروا لـبــو الاحـرار
*************************
أول درع راح اذكــر چـان بــثــلــة الــطــيـبــيـــن
صحـابي والـنعـم مـن گـال قـائـد شيـخ بالسبعـيــن
حبـيـب حسيـن بالميـدان قـدم روحه لجـل الـديــن
حبيب وقائـد الاصحاب
لحسين الدرع والبـاب
صار الـرمح والنـشاب
بصدر العـدو يـوم الطف چان ومـكـمـن الاســـرار
********************
وبـاقـي الـثـلـه كـلهـم نــور طالع بـالـكـتـب طالـع
تـلگـه لـو قـريـت اسماء زهـيـر ومسلـم ونـافـع
اصحاب الحسين اصحاب مثـلهـم شـايـف وسامـع
لعد حسين چانوا سور
واحـدهـم ملاك ونــور
بالـدم خـطـوا الدستور
يــوم الـواقــعـــه الـبـلـطــف ثـــوار ونـعــم ثـــوار
*******************
مجـنـون العـشگ لحسيـن راجـل بـرز مـو فـارس
ضـوه أبـكـربـلـه بـالــدم نـور أبــلـيـلـهـا الـدامــس
وظـل أسمه عـلـم تـذكـار لـمــن يـنـذ كـر عــابــس
بحب حسين ظل مجـنون
عاشگ والجـنـون فـنـون
لجل حسين كلشي ايهـون
صــاح بـصــوت يـوم الـطـف لـمـن قـاتـل باصرار
**********************
حــر بــالاخــره ودنـيـــه حـــر ونـعــم مــن سـماك
موقـف شـرف الـتـاريــخ بــالطـف سجـلــت بدماك
شــلـت الـسـيـف والـقـران وامـلاك السمه تـرعاك
بيهـن رحـت يم حسين
ودموعك بوسط العـين
حسيـت بـرگـبـتـك ديـن
وهـــذا الـديـــن وفـيـتــه نـصراً لـلـنـبي الـمـخـتـار
**********************
انـصــار ونـعـم انـصار مـوقـفـكـم يـشــرف الكـون
بـريـر وشوذب الابطال بالطف والنعـم مـن جــون
بنـفـسهم ضحوا وچانوا درع لحسين هـمه وعـون
بالطـف أسد واحـدهـم
كـل الـصار ما ردهــم
غـير حسين ما عدهـم
اقـمـار بـسـمـه الـمــيـدان چـانـوا والـنعــم اقـمـار
*********************
العليله
********************
عليله وطفله عفتوني بعدكم والدمع من دم
نيمني ونيـن الطـف وغطـاني الحزن والهـم
*****************
عـلـيله وبالگلب لـوعه عـلـيـكـم والـدمـع يـجــري
شصـبـر والألـم بـالـروح ومـل من الصبـر صبري
تـرضه شلون اتـيـتـم يـبـويـه مـن زغـر عـمــري
بعـدكـم ضاگـت الـدنـيـه وكل الكـون صـار اظــلـم
*******************
أظـل چـم دوب أنتظـر جـر حسره بـأثـر حـســره
بعـدكـم حـايــره ظـلـيت وصبـري حـايــر بصـبـره
المـثــلــي لا أهــل لا بيت لا فــرحــه ولا بـشــره
ولا أب العلـيـهـا ايحـن ولا أخ البـقــه ولا عـــــم
*****************
طفله والمرض هـدني وعـفـتــوني بـأمـل رجـعــه
اتسله بحـزن روحي بعــدك واسچـب الــدمــعــــه
عليه انگطعــت الاخبار وحسكم بعــد ما سـمـعـــه
شوفـتـكـم دوه الـروحي يبويه وللجـــرح بـلـســـم
*****************
بعـدكـم لا عـشـت يـاريـــت ولا اتهـنـه بـأيـــامي
لان يابويه من رحتوا بعــدكــم ماتــت احــــلامي
تـنـزف ظـلـت جــروحي عـلـيـكــم والگلب دامي
ما اتصور اتــرجـعــون يبويه والشـمـــل يـلــتــم
****************
راح اگضي العمربالنوح وأصبر روحي بالآهـات
ترجعـون ويــرد الراح يـبــويه ما اظـن هـيهــات
حـلـم بـالــروح للـرجـعــه چان وهـسه لكـن مات
بعـدكم والفـرح يـاحـيـف يـاحـيـف الفـرح ما تــم
*******************
تفـز اجـروح الـبـروحي وبــالـدمـعـــات أسلـيـها
انـيـمها بصــدى الاحـزان اسكـتـها وأغـطـيــهــا
بعـدكـم هـالجـروح شـلـون بيـش اگــدر اداويهــا
راح ادفـنها وسط الــروح ألهـه وانصب الـمـأتـم
**************************
الأكبر
*****************
ليله بيـوم الـوداع ====== دمعتها بجفنها
نـار وتشب تسعر
لمـن طـاح الاكبـر
دمعتها بجفنها
*****************
على الاكـبـر تحـن ليله وتصب دمعه
وخلصت كل عـمـرها تنحب وتـنـعـــه
مـثــل الـبـدر چان ويضوي چالشمعه
بعـد متشوف أبنها وصوتع متسمعــه
وهسه الدمعه بالعين ===== محتاره بغـيـابـه
تصيح الله وأكـبـر
لمن طاح الاكـبــر
دمعتها بجفنها
***********************
على أفـراگ الابن وسط الگلب نيـران
وتصيح أمه وگلبها أعله الولد حزنان
يـسـبــاح العــمــر يـازيـنـة الـشـبــان
شلـون تعــوفـنـي ومحاوطه بعـــدوان
تنادي يالولد وين ===== عفت أمك عفتها
گلب أمك تـوجــر
لمن طاح الاكـبـر
دمعتها بجفنها
************
عـليك أنعه يـيـمـه وسـلـوة أسنيني
شحال أمك عـفـتني وانته تــدريـني
شيصبـرني ييمـه ودمعـتي بعـيـني
ولا لحـظه يخـف يـالأكـبــر أونـيـني
يمه وكل الاحزان ==== بغـيـابـك شفـتها
بعـده شلون تنسر
لمن طاح الاكـبــر
دمعتها بجفنها
**************
على جـروحــك ييمه عـفـتـك وحالـك
چنت متصوره تبقه وأگـعــد بجـالــك
بعـد شلون أشوفـك وأخـطـر أبـالـــك
صدگ ماشوف وجهك وأنظر أخيالك
تنظر ألمن تشوف ===== عين الماتشوفك
تظل اعليك تسهر
لمن طاح الاكـبـر
دمعتها بجفنها
***************
بعـد ماتـرجـع ومتشـوفــك العـينيـن
لأن مني خـذاك بلحـظـه سيف البين
موهسه العوض يمه العوض بعدين
امن الزهره اريده بجاه ابنها حسين
يعوضوني ويعوضوك ==== يل الاكبر ييمه
صبـرنـي وتصبـر
لمن طاح الاكـبـر
دمعتها بجفنها
********************
ام البنين
***************************
حـوايـجنا حوايـجنا ==== الچ نعرض حوايـجنا
يا أم البنين اليـوم ==== الچ نعرض حوايـجنا
**************
الچ نـتــوجه بهـل يــوم بگلـبـنـا انــادي وبحسره
لأن عــنــدچ كـرامه وجاه تجـبـرين الگلب كسره
نحلفچ احنه بالكرار بمصابـه ولـوعـة الطــبــــره
ونمشي عليچ نحر حسين وضلع الطاهره الزهره
تخلصينه == تخلصينه== بفضل جاهچ تخلصنه
ننادي وبگلب مالــوم
الچ نعــرض حوايجنا
****************
اجينه الليله نترجه وشرف من عــدنه نـتـرجـــه
لأن ندري اللي يتمسك بمقـامچ بالحشر يـنـجــه
ولأن للباري نعرف زين مشيتي بشرعه وبنهجه
كـرامه الـثـار أولادچ يطــالــب بــاچـــر الحــجـه
تحفظينه == تحفظينه == اذا ننخه تحفظينه
بكرامة جاهچ المعلوم
الچ نعـــرض حوايجنا
**************
الچ هاي الگلوب الـيـوم تنخاچ بصدى المـدمــع
بالمجلس حـوايجـنـا تگضي ابلحـظــة الـنـطــلـع
الدمع يتشرف وممنون بحضرتچ كل وكت يركع
لـذلـك احـنــه نتشرف مـنــچ كـل وكــت نـطـمــع
تعـينينه == تعـينينه == بحوايجنا تعـينـيـنـه
لأن مثل الجبل الهموم
الچ نعـــرض حوايجنا
****************
الحوايچ محنة المظلوم والچ هاللـيـله نعـرضها
الوكت جرد علينه أسيوف علينه وگوه أفرضها
نريد احنه حوايجــنـا بحـضرتــچ كلها ننـفـضها
وكرامه الأسمچ الباري عـلـيـنه ينعـم أيـفـضـها
تسجلينه == تسجلينه == خدم عندچ تسجلينه
لأن عون انتي للمظلوم
الچ نعــرض حـــوايجنا
***************
الحوايج عـدنه من تصعب نصر وعليها نتحمل
عـليها معـودين احـنـه نـقـره الـفـاتحه وتسهـل
الطلب والحاجه تگضيها ابــد مالحـظـه تـتأجـل
لذلك احـنـه منعــوفـچ ومـنـچ كـلـشـي نـتـقـبـل
تسندينه == تسندينه == اذا طحنه تسندينه
لأن حبچ فرض مقسوم
الچ نعــرض حوايجـنـا
**************
القاسم
************************
العـرس مـاتـم ======= صبـح مـأتـم
وتحـنـه القاسم بـدمـه
*******************
شباب القاسم وحاسب يعــرس مـثــل هــالشبـان
ابد ما حاسب الـزفــه تصيــر بحــومــة الميــدان
عاف الحنه والشمعات تضوي وتارسه الصيوان
واتــوجــه العـمــه وراح وبصــدره تشب نيـران
بزغر عمره ===== حمل صبره
راح وگاصد بهـمـه
*****************
گصد يم عمه للميدان وراد أيصـدله ويسمــعــه
وگام ايسولف القاسم وينظــــــر مهجة البضعه
صعب ياعمي أتحمل أشاهــد أخـوتي صـرعـــه
شلي بالعمر بعدك العـمــر بعــدك شنو نـفـعــــه
نفذ صبري ===== شلي بعمري
بعــدك دنيتي ظلمـه
***************
وصيه بطلعتي عـنـدي ابــويـــه وبيها وصاني
اذا عمك تشوفه بيوم وحده بحـيــره ويعــــاني
لا تبخل عـلـيـه يبني وغــيــرك ما ألـي ثــانــي
وانته بحـيـره ياعمي وحـدك وآنه شـمــتـانــي
اريد احمي ===== ظهر عمي
وشوف اشجاوبه عمه
****************
صاح حسين للقاسم يازهــرة شـبـاب الـــروح
ما تم عرسك وبعده وسيـوف المنيه أتلـــــوح
اخاف امــك تبدلهـن هـلاهلها وعـلـيـك أتنـوح
اذا شافـتـك عالغبره صريع وعالترب مذبــوح
تصب دمعه ===== وتظل تنعه
وعليك تنوح يـايمه
**************
صاح القاسم بعــزمــه وراح اتوجه بـأيـمـــان
صوب المعـركه ايقـاتـل القاسم زينة الشــبـان
صاح ابن الحسن أنه بصوته ويرهب العدوان
اريد اتحنه من دمي واسوي الـزفـه بــالميدان
بعزم وصرار ===== يبو الاحرار
يرخص عمره ويقدمه
***************
قاتل والجموع اتموج يمه وعـزمه مـا يفـتــر
لمن صال ذكـرهـم بصــولات البطل حــيـــــدر
لاچن طاح بالميدان وبسـيـوف العــده اتـــوذر
ذبحوا زهرة القاسم خافــوا زهــرتــه تـكـبــر
كبر بينه ===== ولجل دينه
نذر عمره ورخص دمه
******************
لاتنسوني من فاضل دعائكم
خادمكم
رياض الرسل
لي الشرف ان اضع الجزء الاول
من قصائدي لمحرم في هذا الصرح المبارك
اسأل الله لي ولكم القبول يارب
***************
ابـوذيات لـبـدايـة شهـرعـاشـور
**************
عسه يومك شهـر عاشور --- لاهــل
لا أخـوه الـبـقــتـلي بـيــك --- لاهــل
يـريت الهال فـوگ الجثث --- لاهــل
تـراب الـبـين بـرض الـغـاضريـه
***************
مـن كـربـلـه شمـحـصـلـه --- شجاني
غـيـر الـحــزن وگـلـيـبـي --- شجاني
عگـبــكــم مـامتـت اهـلي --- شجاني
بقـيـت الوحـدي واخـذوني سبيه
**************
شعــنـدك ياشهـر بالحزن --- هـليت
ذنبي وبيك من مـرحـبـت --- هـليت
تـدري دموع يابـو دموع --- هـليت
وفگدت انجـوم طاحوا عالوطيه
***************
هـوسات لبداية محرم عـن لسان الحوراء زينب (ع)
**************
عـسه لاجيت ياشهـر الحزن والنـوح
بيك حسيـن دامي وعـالتـرب مذبـوح
چم روح انته ماخـذ ياشهـر چم روح
ريـت ولا هـليـت لـهـلالـه
**************
يـاشـهـر الحـزن والـنــوح والـونـات
من فـرگت أخـوتي امعاشره الدمعـات
ظـل عـزمي عـزم ما بطـلت هـيـهـات
مرفـوعه وبالطـف الهامه
*********
هلاليله
******************
يهل شهر الحـزن كل عام كل عام بشهر عاشور
وهذا الشهـر بالوجدان ظل طول العـمر محفور
**********************
ماننسه الجــره والصـار ونـذكــر كـربـلـه شبـيـها
بهــذا الـشهـر للــزهــره نعــزيـهــا ونــواسيــهــا
لـجــل حسيـن ابــو السجـاد هـالارواح نـفــديـهــا
ضحـه بـكـربـلـه عـمــره لجـل الـديـن چـان وسور
******************
بهذا الشهر نبچي ادموم عالطاح وسگه الـغــبـره
من دم الـنحــر عــنـوان سجــل نـصر لـلــعــتــره
هــذا الشهــر بسم حسيــن من دمه وسگا عـمره
وظل خالـد أسم عـاشور شما دار الــزمان أيــدور
****************
عـاشور الحـزن والنار مشتـعــلـه بحـروف أسمه
والطـفـاهـه دمه الـطـاح رحـمه وعـافــيـه ونسمه
واحــد يبـقه اسـمه حسيـن ما يـقـبـل أبــد قـسمـه
ما ينقسم نـوره وشوف مـن نـور الجــلاله الـنـور
*****************
ارض البيها دم حسين يـاأرض الـمـثـلها اتـشوف
دم شبان دم اطـفـال بـيـهـا وتـلگـه بيها أچـفـوف
هاي الضحه بيها حسين روحه وما يهاب اسيوف
بهــاي الارض لجل الديـن ضحه وبالعــمـر منذور
******************
من هـذا الشهــر نـاخـذ عـبــره ونـذكــر مصايـب
دم حسيـن لمـن سال عـالــغــبــره بگـلــب ذايــب
أنــريــد أنحـشمه ونـنـخـاه كــون ويسمع الغـايب
يحضر للطـفــوف وكــون يحضر وبگـلب مجـمور
*******************
ثـــارات الـحـســيــن الـغـاب مـتــكــفــل بـثــاراتــه
مــن يـظـهــر وبيده السيـف وتــرف عالي رايـاتـه
يـاخــذ ثــار كل عـاشــور والطـاحــوا بسـاحــاتـه
لاچــن عـالغــيـاب الغـاب مـو بـيـده الامـر معـذور
******************
الأنصار
*****************
اكـتـب يـاقـلـم وأحچي مـثلي لاتـظل مـحـتـار
عن الـواقعه البـطـف وخـص أبـذكـرك ألانـصار
*************************
أكـتـب يـاقــلـم وأحـچـي حـبــرك گـبـل لا يــنـشـف
ياهو الصار ويه حسين وياهـو اللي عـليه ألـتــف
أشـرحلي وأريـد أسمـاء وموقـفــهـم بـيـوم الـطـف
أريـدك يـاقـلـم عـبــره
عـنهـم تـرسـم وفـكره
ذوله الفرحـوا الزهره
واريد الناس تعرف زين شنهي الجره وشنهي الصار
***********************
انـصـار الغــــدوا بـالـطـف انـصـار ونـعــم وفــــوا
بــالـدم مـا بــخـل واحـد يــوم الـمــوزمـه وكـفـــوا
ضحوا من صـدگ لحسيـن بكل اعـمارهـم ضحــوا
ضحـوا ما بخـل واحـد
بالـطـف ربـك الشـاهـد
واحـدهـم جـبـل صامـد
يوم القـدمـوا الارواح درع صاروا لـبــو الاحـرار
*************************
أول درع راح اذكــر چـان بــثــلــة الــطــيـبــيـــن
صحـابي والـنعـم مـن گـال قـائـد شيـخ بالسبعـيــن
حبـيـب حسيـن بالميـدان قـدم روحه لجـل الـديــن
حبيب وقائـد الاصحاب
لحسين الدرع والبـاب
صار الـرمح والنـشاب
بصدر العـدو يـوم الطف چان ومـكـمـن الاســـرار
********************
وبـاقـي الـثـلـه كـلهـم نــور طالع بـالـكـتـب طالـع
تـلگـه لـو قـريـت اسماء زهـيـر ومسلـم ونـافـع
اصحاب الحسين اصحاب مثـلهـم شـايـف وسامـع
لعد حسين چانوا سور
واحـدهـم ملاك ونــور
بالـدم خـطـوا الدستور
يــوم الـواقــعـــه الـبـلـطــف ثـــوار ونـعــم ثـــوار
*******************
مجـنـون العـشگ لحسيـن راجـل بـرز مـو فـارس
ضـوه أبـكـربـلـه بـالــدم نـور أبــلـيـلـهـا الـدامــس
وظـل أسمه عـلـم تـذكـار لـمــن يـنـذ كـر عــابــس
بحب حسين ظل مجـنون
عاشگ والجـنـون فـنـون
لجل حسين كلشي ايهـون
صــاح بـصــوت يـوم الـطـف لـمـن قـاتـل باصرار
**********************
حــر بــالاخــره ودنـيـــه حـــر ونـعــم مــن سـماك
موقـف شـرف الـتـاريــخ بــالطـف سجـلــت بدماك
شــلـت الـسـيـف والـقـران وامـلاك السمه تـرعاك
بيهـن رحـت يم حسين
ودموعك بوسط العـين
حسيـت بـرگـبـتـك ديـن
وهـــذا الـديـــن وفـيـتــه نـصراً لـلـنـبي الـمـخـتـار
**********************
انـصــار ونـعـم انـصار مـوقـفـكـم يـشــرف الكـون
بـريـر وشوذب الابطال بالطف والنعـم مـن جــون
بنـفـسهم ضحوا وچانوا درع لحسين هـمه وعـون
بالطـف أسد واحـدهـم
كـل الـصار ما ردهــم
غـير حسين ما عدهـم
اقـمـار بـسـمـه الـمــيـدان چـانـوا والـنعــم اقـمـار
*********************
العليله
********************
عليله وطفله عفتوني بعدكم والدمع من دم
نيمني ونيـن الطـف وغطـاني الحزن والهـم
*****************
عـلـيله وبالگلب لـوعه عـلـيـكـم والـدمـع يـجــري
شصـبـر والألـم بـالـروح ومـل من الصبـر صبري
تـرضه شلون اتـيـتـم يـبـويـه مـن زغـر عـمــري
بعـدكـم ضاگـت الـدنـيـه وكل الكـون صـار اظــلـم
*******************
أظـل چـم دوب أنتظـر جـر حسره بـأثـر حـســره
بعـدكـم حـايــره ظـلـيت وصبـري حـايــر بصـبـره
المـثــلــي لا أهــل لا بيت لا فــرحــه ولا بـشــره
ولا أب العلـيـهـا ايحـن ولا أخ البـقــه ولا عـــــم
*****************
طفله والمرض هـدني وعـفـتــوني بـأمـل رجـعــه
اتسله بحـزن روحي بعــدك واسچـب الــدمــعــــه
عليه انگطعــت الاخبار وحسكم بعــد ما سـمـعـــه
شوفـتـكـم دوه الـروحي يبويه وللجـــرح بـلـســـم
*****************
بعـدكـم لا عـشـت يـاريـــت ولا اتهـنـه بـأيـــامي
لان يابويه من رحتوا بعــدكــم ماتــت احــــلامي
تـنـزف ظـلـت جــروحي عـلـيـكــم والگلب دامي
ما اتصور اتــرجـعــون يبويه والشـمـــل يـلــتــم
****************
راح اگضي العمربالنوح وأصبر روحي بالآهـات
ترجعـون ويــرد الراح يـبــويه ما اظـن هـيهــات
حـلـم بـالــروح للـرجـعــه چان وهـسه لكـن مات
بعـدكم والفـرح يـاحـيـف يـاحـيـف الفـرح ما تــم
*******************
تفـز اجـروح الـبـروحي وبــالـدمـعـــات أسلـيـها
انـيـمها بصــدى الاحـزان اسكـتـها وأغـطـيــهــا
بعـدكـم هـالجـروح شـلـون بيـش اگــدر اداويهــا
راح ادفـنها وسط الــروح ألهـه وانصب الـمـأتـم
**************************
الأكبر
*****************
ليله بيـوم الـوداع ====== دمعتها بجفنها
نـار وتشب تسعر
لمـن طـاح الاكبـر
دمعتها بجفنها
*****************
على الاكـبـر تحـن ليله وتصب دمعه
وخلصت كل عـمـرها تنحب وتـنـعـــه
مـثــل الـبـدر چان ويضوي چالشمعه
بعـد متشوف أبنها وصوتع متسمعــه
وهسه الدمعه بالعين ===== محتاره بغـيـابـه
تصيح الله وأكـبـر
لمن طاح الاكـبــر
دمعتها بجفنها
***********************
على أفـراگ الابن وسط الگلب نيـران
وتصيح أمه وگلبها أعله الولد حزنان
يـسـبــاح العــمــر يـازيـنـة الـشـبــان
شلـون تعــوفـنـي ومحاوطه بعـــدوان
تنادي يالولد وين ===== عفت أمك عفتها
گلب أمك تـوجــر
لمن طاح الاكـبـر
دمعتها بجفنها
************
عـليك أنعه يـيـمـه وسـلـوة أسنيني
شحال أمك عـفـتني وانته تــدريـني
شيصبـرني ييمـه ودمعـتي بعـيـني
ولا لحـظه يخـف يـالأكـبــر أونـيـني
يمه وكل الاحزان ==== بغـيـابـك شفـتها
بعـده شلون تنسر
لمن طاح الاكـبــر
دمعتها بجفنها
**************
على جـروحــك ييمه عـفـتـك وحالـك
چنت متصوره تبقه وأگـعــد بجـالــك
بعـد شلون أشوفـك وأخـطـر أبـالـــك
صدگ ماشوف وجهك وأنظر أخيالك
تنظر ألمن تشوف ===== عين الماتشوفك
تظل اعليك تسهر
لمن طاح الاكـبـر
دمعتها بجفنها
***************
بعـد ماتـرجـع ومتشـوفــك العـينيـن
لأن مني خـذاك بلحـظـه سيف البين
موهسه العوض يمه العوض بعدين
امن الزهره اريده بجاه ابنها حسين
يعوضوني ويعوضوك ==== يل الاكبر ييمه
صبـرنـي وتصبـر
لمن طاح الاكـبـر
دمعتها بجفنها
********************
ام البنين
***************************
حـوايـجنا حوايـجنا ==== الچ نعرض حوايـجنا
يا أم البنين اليـوم ==== الچ نعرض حوايـجنا
**************
الچ نـتــوجه بهـل يــوم بگلـبـنـا انــادي وبحسره
لأن عــنــدچ كـرامه وجاه تجـبـرين الگلب كسره
نحلفچ احنه بالكرار بمصابـه ولـوعـة الطــبــــره
ونمشي عليچ نحر حسين وضلع الطاهره الزهره
تخلصينه == تخلصينه== بفضل جاهچ تخلصنه
ننادي وبگلب مالــوم
الچ نعــرض حوايجنا
****************
اجينه الليله نترجه وشرف من عــدنه نـتـرجـــه
لأن ندري اللي يتمسك بمقـامچ بالحشر يـنـجــه
ولأن للباري نعرف زين مشيتي بشرعه وبنهجه
كـرامه الـثـار أولادچ يطــالــب بــاچـــر الحــجـه
تحفظينه == تحفظينه == اذا ننخه تحفظينه
بكرامة جاهچ المعلوم
الچ نعـــرض حوايجنا
**************
الچ هاي الگلوب الـيـوم تنخاچ بصدى المـدمــع
بالمجلس حـوايجـنـا تگضي ابلحـظــة الـنـطــلـع
الدمع يتشرف وممنون بحضرتچ كل وكت يركع
لـذلـك احـنــه نتشرف مـنــچ كـل وكــت نـطـمــع
تعـينينه == تعـينينه == بحوايجنا تعـينـيـنـه
لأن مثل الجبل الهموم
الچ نعـــرض حوايجنا
****************
الحوايچ محنة المظلوم والچ هاللـيـله نعـرضها
الوكت جرد علينه أسيوف علينه وگوه أفرضها
نريد احنه حوايجــنـا بحـضرتــچ كلها ننـفـضها
وكرامه الأسمچ الباري عـلـيـنه ينعـم أيـفـضـها
تسجلينه == تسجلينه == خدم عندچ تسجلينه
لأن عون انتي للمظلوم
الچ نعــرض حـــوايجنا
***************
الحوايج عـدنه من تصعب نصر وعليها نتحمل
عـليها معـودين احـنـه نـقـره الـفـاتحه وتسهـل
الطلب والحاجه تگضيها ابــد مالحـظـه تـتأجـل
لذلك احـنـه منعــوفـچ ومـنـچ كـلـشـي نـتـقـبـل
تسندينه == تسندينه == اذا طحنه تسندينه
لأن حبچ فرض مقسوم
الچ نعــرض حوايجـنـا
**************
القاسم
************************
العـرس مـاتـم ======= صبـح مـأتـم
وتحـنـه القاسم بـدمـه
*******************
شباب القاسم وحاسب يعــرس مـثــل هــالشبـان
ابد ما حاسب الـزفــه تصيــر بحــومــة الميــدان
عاف الحنه والشمعات تضوي وتارسه الصيوان
واتــوجــه العـمــه وراح وبصــدره تشب نيـران
بزغر عمره ===== حمل صبره
راح وگاصد بهـمـه
*****************
گصد يم عمه للميدان وراد أيصـدله ويسمــعــه
وگام ايسولف القاسم وينظــــــر مهجة البضعه
صعب ياعمي أتحمل أشاهــد أخـوتي صـرعـــه
شلي بالعمر بعدك العـمــر بعــدك شنو نـفـعــــه
نفذ صبري ===== شلي بعمري
بعــدك دنيتي ظلمـه
***************
وصيه بطلعتي عـنـدي ابــويـــه وبيها وصاني
اذا عمك تشوفه بيوم وحده بحـيــره ويعــــاني
لا تبخل عـلـيـه يبني وغــيــرك ما ألـي ثــانــي
وانته بحـيـره ياعمي وحـدك وآنه شـمــتـانــي
اريد احمي ===== ظهر عمي
وشوف اشجاوبه عمه
****************
صاح حسين للقاسم يازهــرة شـبـاب الـــروح
ما تم عرسك وبعده وسيـوف المنيه أتلـــــوح
اخاف امــك تبدلهـن هـلاهلها وعـلـيـك أتنـوح
اذا شافـتـك عالغبره صريع وعالترب مذبــوح
تصب دمعه ===== وتظل تنعه
وعليك تنوح يـايمه
**************
صاح القاسم بعــزمــه وراح اتوجه بـأيـمـــان
صوب المعـركه ايقـاتـل القاسم زينة الشــبـان
صاح ابن الحسن أنه بصوته ويرهب العدوان
اريد اتحنه من دمي واسوي الـزفـه بــالميدان
بعزم وصرار ===== يبو الاحرار
يرخص عمره ويقدمه
***************
قاتل والجموع اتموج يمه وعـزمه مـا يفـتــر
لمن صال ذكـرهـم بصــولات البطل حــيـــــدر
لاچن طاح بالميدان وبسـيـوف العــده اتـــوذر
ذبحوا زهرة القاسم خافــوا زهــرتــه تـكـبــر
كبر بينه ===== ولجل دينه
نذر عمره ورخص دمه
******************
لاتنسوني من فاضل دعائكم
خادمكم
رياض الرسل