مسابقة شاعر الحسين / ادخل هنا للبركه

[رياض الرسل]

بسم الله الرحمن الرحيم
اللهم صل على محمد وآل محمد وعجل فرجهم الشريف
السلام عليكم ورحمة الله وبركاته

شهر الحسين اقبلا هبت به ريح البلا
فلنرتدي احرامنا للحج نحو كربلاء

عظم الله اجورنا واجوركم بشهادة الامام الحسين عليه السلام جعلنا الله واياكم من الطالبين بثأره مع ولده المنتظر عجل الله فرجه الشريف

تتشرف منتديات انا شيعي العالميه
ان تقيم مسابقة بعنوان

( شاعر الحسين )

لخدام الامام الحسين (ع)
الشعراء الشعبيين
خدامه المخلصين الاصلاء
وتتضمن المسابقه شروطها

ان تكون القصيده ( لطم )
من مستهل ومقاصير
وعن الامام الحسين على وجه الخصوص
وعلى ان تكون من 6 مقاطع الى 8 مقاطع
والوزن من اختيار الشاعر
على ان تكون جديده وغير موضوعه بأي منتدى اخر

تستمر المسابقه
من 1 محرم الحرام ولمدة 30 يوما يتمخض عن ذلك فائز واحد جائزته موسوعة شعراء الطف للسيد جواد شبر


توضع القصيده هنا بهذا الموضوع

ننتظر تفاعلكم ومشاركاتكم احبتي الكرام
خدمتا لمحمد وال محمد

خادمكم
مشرف القسم
رياض الرسل

[ابوتكتم الخير]

لا تشيلون الراس يهل الرياســـــــه
هذا الحسين اليوم عل الرمح راسه
عظم ألله أجورنا وإجوركم
بمصاب أبي الأحرار الحسين
لكم كل الشكر والأمتنان
على هذه الجهود التي تبذلونها
في خدمة الأمام الحسين
موفقين
أخوكم
ابوتكتم الخير

[ذلتهم الشيعية]

السلام عليكم
شكرا ع المسابقة
هاي القصيدة
http://www.4shared.com/audio/Ah6Kjd8J/__online.html
تحياتي

[الشاعر حسن خليفه]

بارك الله بك اخي رياض الرسل

مسابقه جميله ان شاء الله

اتمنى التوفيق للجميع

تحياتي

[مآسي]

بسم الله الرحمن الرحيم

وصلى الله على محمد وعلى اله الطيبين الطاهرين


عظم الله اجوركم جميعا


مسابقة جميل وسنشارك بها ان شاء الله ..... تحياتي



http://fc00.deviantart.net/fs71/i/2010/343/f/9/ashura_by_hamidshs-d34ixy5.jpg

[طيار عراقي]

بارك الله فيكم
نتمنى للجميع التوفيق

[ابن الشهيد]

السلام عليكم
وعظم الله اجوركم جميعا بهذا المصاب الجلل

اعتذر عن التاخير اخواني الاعزاء


يحسين رايه وعنوان
يحسين منهج القران
حتى الرسول الأعظم أكد هل بيان
0000000
اعتنينه من كلب مجمور
يبن الزهرة اعله الضريح ندور
مشينه اعله حبك بعشرة عاشور
نفداك وما يهمنه الجور
ظلمونه اعله حبك0000 يبن الزهره
منعونه زيارتك00000 يبن الزهره
نهتف ونكول000 بشهر عاشور 000نبقى نزور
000000000
ظلمونه اعلى الرايه منعو المشايه
قدمنه فدايه ورفعنالك الرايه
صدينه للخوف ما اهتمينه
ذكرنه الطفوف وعتينينه
حبينه الشهاده 00 يا راعي الزود
واخلصنه لسعاده00 يا راعي الزود
مشينه بنهجك 00 اعله حبك00 تحت رايتك
0000
محمد اعلنها بصوت
ونكتب عليك هنا الموت
بكربله جسمك المفتوت
أي هاي العلامه 00 صار العنوان
وضح كلامه 00 صار العنوان
نادت الاكوان 00 واكد القران 00 بالصاد وبالسجده



وعظم الله اجورنا واجوركم
الشاعر اخوكم ابن الشهيد

[رياض الرسل]

السلام عليكم

احبتي الكرام والاستاذه الاعزاء

نطلب من المشارك ان يذكر ويقول ان هذه القصيده للسابقه
حتى تعتمد القصيده للمسابقه لايكتبها ويضعها هنا بدون ذكر رجاءا

لأن القصيده التي تضع هنا للمسابقه نأخذها من هنا بعد وضعها ( ننسخها )
حتى يتم تقييمها
مع الشكر والتقدير لكل المشاركين الشعراء

خادمكم
مشرف القسم
رياض الرسل

[مآسي]

لوحة قدسية (وزن التجليبة)


المستهل

من طاح ابو اليمه الكاع ضوّاهه

اومن دمّه الطفوف اتّضح معناهه

بدمه اكّد... هـوّه الاجود...بالرجال

*************
1
ابو اليمه الهمم والغيــره والعفـــــــه

ملائكــــة السمــاء اتباهت ابطفـــــه

رســـم اعظم معاني الزود من وفــه

بحر واهل المراجل غركَت ابجرفـه

(شوصّف والطفوف ابدمّه روّاهه)

اسمه خالد...يبقه شاهد ... لايزال

*********************
2
ماهـــــــــاب النوايب هنّه هابنّــه

ولايــــوم المنايه اتكَرّبن منّــــــه

وجفوف العرش من طاح شالنــه

لان الباري رادَ ايعطّر الجنّــــــه

(جاب الجنه بالطف يمه وطّاهه)

حّبه جنه ... بشره النه ... ابْلاجدال

****************
3
منهو ابْن البتول الطاهره الحـــره

منهو الجان من المصطفى سَـــره

منهو بالعـوالـــــم مشتهر امــــره

بس حسين جرّب واكَصد الكَبــره

(كنوز الرحمه يمّه الباري خلاّهه)

كَبره روضه ... بحبه يرضه ... ذوالجلال

********************
4
اسرار العزم من عزمه عرفوهـه

وجفوف المنايه ابجفّه لاووهــــه

باوع رايته ابكل صوب نصبوهه

مـــو بالكــــــاع بالدلال خلّوهـــه

(اوموانسان رب العرش علاّهه)

هذا يعني ... هوَّ معني ... بالكمال

******************
5
موحقهه العقيله ابفكَده محتـــــاره

تدري الموت بس حسين صكَّاره

والعــدوان كلهه اتهاب بتّــــــاره

ابو السجــاد تلوذ الناس باكتــاره

(اهل الزود هـوّ الحامل لواهــه)

هذا واضح ... بالملامح .... والخصال

*******************
6
سيفـــك سيــف ذو الفقــار مازنجـر

مـــاشــاف الغمـــد لحظات وتعـــذّر

الجثث خــــلاّهه بالميدان تطّشّــــــر

ابـــد والله المنيــه اعليك ماتكَـــــــدر

(والثوار منك صار مسراهـــــــه )

منك انت ... اخذ همته ... في القتال

*****************
7
تظل حـروف اسمك لوحــــه قدسيـه

رمـز للزود اوملاحـــم بالفروسيــــه

اوتظل للــدوم ثوره اعله العبوديــــه

اوعله الطغيان صوتك صرخه مدويه

(ويه الكَاع صوتك والله ساواهــــــه)

هوّ هزهم... اتحده عزهم ... والمحال

******************
8
يبو الصولات بيك الشيعه يفتخرون

يريت ابـــدربك الاجيال لـو يمشون

يقيناً جـان بيك اهـــواي ينصلحـون

بيك من الوحي الكرار ســر مكنون

(وحــق رب الجلاله والنبي طــه)

تبقه النه... يااملنه ... في الوصال




ارجو ان تنال رضاكم

[مآسي]

السلام عليكم ورحمة الله وبركاته

اخي رياض قصيدتي الشعرية (لوحة قدسية ) تخص المسابقة

تحياتي للجميع

[رياض الرسل]

السلام عليكم

ماسي

القصيده رائعه وصورها جميله
اسأل الله قبولها منك
واتمنى لها الفوز

لكن كان بودي لو ذكرت اسمك الكريم كونك شاعر حسيني
وهذا الشي مشرف لك

تقبل مني كل التقدير

خادمكم
رياض الرسل
مشرف القسم

[عدنان منعم]

كل الماذن صوت لبيك لبيك \\ موبس مهج مولاي بالغالي نفديك

[ابونرجس]

موفقين لما فيه الخير

حقيقة حاولت ان ارسل لكم رساله لاطلعكم على قصائدي في منتدى اخر ولكن للاسف لا يسمح لي

سوف اقوم بنشر جميع قصائدي بهذا الصرح المبارك ولكن اتمنى ان تقوموا بعمل قسم خاص يكتب عليه ديوان شاعر اهل البيت عليهم السلام ابونرجس او عمل فهرسه واعطائي صلاحية التعديل وقد قمت بنشر مجموعة من قصائدي سابقا وها انا اليوم اقوم بنشر 3 قصائد واسئلكم الدعاء

سفير المشاعر والكلمة الحجازيه
شاعر اهل البيت عليهم السلام
ابونرجس

وهذه المشاركة للمسابقة
يا بو السجاد يا موجي ويمي
فوقت الضيق خلك دوم يمي
يا اغلى عندي امن ابوي ومي
يا مولايه يا بن خير البريــــه

واحسينا واحسينا واحسين abo.nrjs لا تخيبنا قصدناك اجمعين



يا اللي عندك مشكله وقلبك حزين abo.nrjs صيح نادي يا حبيبي يا حسين

قول يا الله طالبينك يا معين abo.nrjs تقضى الحاجات وبجاه الحبيب


يا الهي طالبينك بالحسين abo.nrjs طالبينك يا اله العالمين

لا تخيبنا نخيناك اجمعين abo.nrjs بجاه محي الدين مولاي الغريب


ويا الهي بجاه مرضوض الصدر abo.nrjs سيدي العطشان مقطوع النحر

من قراء ابيات شعري او حضر abo.nrjs اقض حاجاته وكون انت الطبيب


نخوه يا مولاي يا اغلى ولي abo.nrjs يا حسين بن النبي وبن علي

بذكركم مولاي همي ينجلي abo.nrjs نشعر انك دائما منا قريب


نقسماً عليك بعدالله الرضيع abo.nrjs وشوفت العباس بالغبره صريع

سيدي ننخاك يا اعظم شفيع abo.nrjs قاصدينك يا معفر يا تريب


مشكله عندي وعندك حلها abo.nrjs ما بقول اشهي انت تدلها

وكل شيعي حاجته يوصل لها abo.nrjs يا شفيعي يا حبيبي يا سليب


يا وسيلتنا يا بن خير الوراء abo.nrjs شاف مرضانا وادفع كل بلاء

بجاه زينب والمريض بكربلاء abo.nrjs يا حبيبي يا حسيناً لا نخيب


سفير المشاعر والكلمة الحجازيه

شاعر اهل البيت عليهم السلام

ابونرجس وكالعاده لا اسمح بنقلها الا بذكر الاسم

[رياض الرسل]

السلام عليكم

الاخ الغالي والشاعر
ابو نرجس

اولا نتشرف بك بيننا شاعرا عزيزا

لكن حبيت ان اوضح لك شي نحن لانخصص لأي شاعر
صفحه لأشعاره على حده

النشر يكون مع مجميع الشعراء اذا كانت القصيده شعبيه تكون بهذا القسم
واذا كانت القصيده فصحى او خاطره
تكون بالقسم المخصص لها

وان قصيدتك للماسبقه غير مستوفيه لشروط المسابقه
ارجو منك الاطلاع على شروط المسابقه

وننتظر منك قصيده للمسابقه بكل ممنونيه حبيبنا الغالي

ونحن نتشرف بجميع الشعراء الافاضل

خادمك
مشرف القسم
رياض الرسل

[ابونرجس]

السلام عليكم
وعليكم السلام ورحمة الله وبركاته


الاخ الغالي والشاعر
ابو نرجس

اولا نتشرف بك بيننا شاعرا عزيزا

الله يعز قدرك اخوي الفاضل

لكن حبيت ان اوضح لك شي نحن لانخصص لأي شاعر
صفحه لأشعاره على حده

النشر يكون مع مجميع الشعراء اذا كانت القصيده شعبيه تكون بهذا القسم
واذا كانت القصيده فصحى او خاطره
تكون بالقسم المخصص لها

ولماذا اخي الكريم لا يكون هناك قسم او فهرسه للقصائد
ليسهل على المؤمنين الرجوع اليها في كل مناسبه
وقد عمل لي في مجموعة منتديات هذا العمل
قسم للرثاء واللواطم وقسم للاناشيد والمواليد وقسم للنخوات والابوذيات لان قصائدي والحمد لله تشمل جميع مناسبات اهل البيت ع وتجاوزة 200 قصيدة وان حبيت ان اعطيك روابط لبعض المنتديات التي عمل لي بها هذه الطريقه انا حاضر
والفائده تكون للمؤمنين
ولكي نكسب انا وانت وصاحب المنتدى دعواتهم

وان قصيدتك للماسبقه غير مستوفيه لشروط المسابقه
ارجو منك الاطلاع على شروط المسابقه

وننتظر منك قصيده للمسابقه بكل ممنونيه حبيبنا الغالي

احبك الله ورسوله واهل البيت عليهم السلام
سوف اراجع الشروط وليس مهمه المسابقه لي
ولو ان لقب شاعر الحسين عليه السلام شرف
اضيفه الى ما حصلت عليه من القاب

ونحن نتشرف بجميع الشعراء الافاضل
شرفكم الله

خادمك
مشرف القسم

رياض الرسل


يخدمك المال والبنون

ولو ترجع بطلبي الى مدير المنتدى او صاحبه اكون ممنونك

واسئلكم الدعاء

اخوك ابونرجس

[رياض الرسل]

السلام عليكم

الغالي والعزيز
ابو نرجس شاعرنا الرائع


اكرر ترحيبي بك وانا من يتشرف
بجميع الخدام المخلصين بأي مكان

انا مشرف هذا القسم ولديه الصلاحيات بكل شي
صح توجد في كثير من المنتديات هناك اقسام الى الشعراء ومخصصه لهذا الشي الذي ذكرته
لكن في هذا المنتدى لايوجد هذا الشي وهذه السياق المعمول به هنا هو هكذا
واكيد يجب ان نعمل بهذا السياق

وارجع واكرر احترامي وتقديري لك ايها الغالي والعزيز
ابو نرجس

خادمك
رياض الرسل

[ابونرجس]

الله يغليك ويعطيك لن يرضيك اخوي رياض

اشكرك على ترحيبك وكلماتك الجميله التي تدل على قلب طاهر مخلص الولاء للعترة الطاهره ع

انا فاهم قصدك انه لا يوجد هذا الشيء

ولكن لماذا لا نوجده خدمه للمومنين هل هو صعب ام ان الفكره لا تستحق

عمل فهرسه لكل شاعر بوضع قصائده بطريقه منظمه

للرجوع اليها لمن يرغب في كل مناسبه

اعتبره اقتراح جديد واعرضه على ادارة المنتدى

الجميع يستفيد الشاعر والرادود وكل من يحب الشعر في اهل البيت ع

اتمنى ان تاخذ الفكره حقها وان تعرض على الاداره ولا يضيع عند الله شيء

واسئلكم الدعاء

اخوك ابونرجس

[خادم الشيعة]

المستهل
يا حسين حبك جمر فؤادي....انخاك ما انخاك دايم في فؤادي

الحب والعمر لك كله ..يا إمامي يا نور فؤادي...

------------------------

نحبك احنا واحنا شيعتك...يا والي الكون بمهجتك

لله درك يا ملاك ...يا سيد أوصال العراق ..

حبك روحي وحبك منهجي..هيهات يا إمامي ما تنجلي..

روحي وعمري أنت يا إمام ...صلبك سادة هاشمي ..

إذا حالتي تحيرت ...أصرخ يا حسين يا إمام...

شنهو حالك وشنهو منهجك.....لك كل الشريعة يا إمام..

علمك هاشمي محمدي...وروحك ورد محمدي...

إذا يقولون الحب ملكة للأنام....حبك هو كل منهجي..

[مرتضى شكر]

يامسهل ياالله
في حق الأمام الحسين(ع) شعر:مرتضى شكر
دم الشهاده أسرار - أنشودة الثوار
لاذل معانيها - والنصر حاديها
من كربله الأعصار - أنشودة الثوار
------------------
نهضة تحدي قاد عالجور إحسين
لاظلم حاكم راد لامظلومين
إبسيف الشريعه حارب المرتدين
من دم وريد الحك روه غصن الدين
وإينع شذى الأيمان - حرية الأنسان
للحق عرفناها - بالطف لمسناها
تتناقلها الأخبار - أنشودة الثوار
-------------------- 1
من كربله إتعلمنه نتحدى الموت
مانسكت إعله الظلم وإبعينه إنفوت
مانذل مانركن لحكم الطاغوت
وإبلفظ (يامنصور أمت) يعله الصوت
نتحدى كل حاكم - وإنحارب الظالم
دم كربله بينه - صرخة تحدينه
لاذله لاإستعمار - أنشودة الثوار
------------------- 2
من لاء أبو اليمه أوعمق معناها
أدروس النضال إبكل وعي إهضمناها
كل مغريات الدنيه طلكناها
إسطور الكرامه إبدمنه طرزناها
والدهر شاهدنه - بصمة سواعدنا
لأجل الوطن والدين - لاوينه جف البين
شيعة علي الكرار - أنشودة الثوار
------------------ 3
نشتري إبدمنه المايخون إترابه
كلمن يحب شعبه أو يزيل أتعابه
اليطلب رضا الباري أويهاب إحسابه
للواقع إيترجم آيات إكتابه
عنوانه للأصلاح - لأجل الشعب يرتاح
صرخته الثوريه - لاللعبوديه
واجب عليه يختار - أنشودة الثوار
------------------ 4
إنريد اليمثلنه نديم القرآن
زاده الورع والتقى أوطاهر وجدان
إيهم بالرعيه مثل ماحيدر جان
يفكد المحتاج أويعيل الجوعان
حب الأنه والذات - مستنقع الآهات
من نذر مجهوده - للشعب وأوعوده
شعلة عزم وإصرار - أنشودة الثوار
-------------------- 5
لأجل العقيده حارب أزلام الجور
سيد الأحرار أوفتح باب النور
ترجم الثوره فجر ونالدم إسطور
إشعاع ثوري للأجيال إبكل دور
من أجل الشريعه - ضحه إبدم رضيعه
وإبدم الضحايا - سجل أسمى غايه
سن دستور الأحرار - أنشودة الثوار
------------------- 6
أشرق على العالم شمس حريه
دم الشهاده إبصرخته الثوريه
لاذله لاأفكار عــــــــــــدوانيه
إبكربله إحسين أعلنها إنسانيه
صرخة إنتمائه - للمبدأ وفائه
لحسين الشهاده - بأرض الدم سعاده
للطاغوت إنذار - أنشودة الثوار
---------------------

قصيدة لمسابقة (شاعر الحسين)
النجـــــــــــف الأشـــــــــــرف

[رياض الرسل]

السلام عليكم

الشاعر الغالي والعزيز
مرتضى شكر

قصيدتك رائعه كروعتك
واتمنى لها الفوز

انا من حذف قصيدة الموشح لأنها غير مستوفيه لشروط المسابقه
نحن نريد قصيده واحده وهذه قصيدتك هي التي دخلت المسابقه
وما انا سوى خادم يتراب اقدام خدام الامام الحسين واتشرف

خادمك
رياض الرسل

[أبو ذر السماوي]

أردتُ أن أكـتـُبَ في الحسينِ مقال ــــ فأحتج القلمُ وقال ــــــ إذا كان الحسينٌ سيد الكلام


فالسكوت خيرٌ لك والسلام


*****************************


السلام عليكم ورحمة الله وبركاته


هذهِ القصيده لمسابقة شاعر الحسين ( عليه السلام )


**********************




ألك يــــل عـــايــــش بـــــروحـــــي //// أخـــط الـــشــــوگ بــــجـــروحــــــي


مـــن أحـــن الـــروضـــة أطـــيــابـك //// أذوب وأگــــصــــــد أعــــــتــــابـــــك


أخـــط الـــشــــوگ بــــجـــروحــــــي


**************


شـفـت بـيـك الـگـلـب مـتـعـلـگ ولهفان ///// وكـل نـبـضـه بـدلـيـلي تـــرتـــل أبــاسـمــك


أحـن ألـگـاك عـايـش وسـط الـضـلــوع //// وأشـوف بـعـيـنـي لــوحــه مـطـرزه أبنجمك


وأعـايـن عـل طـبيـعـة وكل جمال الكون ///// تـكـامـل يـا حـسـيـن أبـجـوهــرة رســــمـــك


وإذا شـفـت الـبـدر أبأنواره زاح الخوف ///// أذكـــر نـــور مـــجـــدك مـــن بــزغ حـلـمـك



لو بزغت أنوار الشمس/ تروّيلي عنك هل درس/ من قدمت قربه النفس


والـــديــن اشــــتــــريــــتــــه مــــن نـــــزف دمـــــــــك



فـــديــتـــه أبـــمــنــحــرك يــحــســيــن //// وصــبــح أســمـك ســراج الـــديــــن


نـهـج عـمـري أصـبـح أخـــضــابك ///// أذوب وأگــــصــــــد أعــــــتــــابـــــك


أخـــط الـــشــــوگ بــــجـــروحــــــي


**************


صـرت مـنهـج حـياتـي وكــل مـعـانــيـهــا //// وأمــل روحـي أصــبـحـت يا نفحة الـقُـدرة


يـا صـرخـة حـقـيـقـة بـكـل مــشــاعـرهــا ///// سـرت وي دم وريـدي الـصرخة عل فطرة


مــا أرضــا الــمــذلــة الــكــتـبت الـتـاريخ //// صــحـت والــدنــيــا تــشـهـد مجدك وقدره


يــا شــبـل الـصـمـيـده ومـهـجـة الـمـخـتار ///// يــا ســلــوت حــنــيــن الـطـاهـرة الـزهـرة



يا خامس أصحاب العبا/ بـيـك أرتقىٰ مجده الآبه/ من أقتده أبهالمنقبة


مـــــن شــــافــــك طــــحـــت مــــــولاي عــــل غـــبـــرة



هـــوّن مــــا نـــــــزل بــــــــيــــــــــه ///// صـحـت والـــحـــق بــــزغ ضــيــّــه


أبـــعـــيـــن الـــخـــالــــق مـــصــابـك ///// أذوب وأگــــصــــــد أعــــــتــــابـــــك


أخـــط الـــشــــوگ بــــجـــروحــــــي


**************


نـزف نـحـرك صـبـر والـدنـيـا نـزفـت آه //// وجـروحــك ثــغـــر للــســيـــف تــتـــبــســم


وطـوفـان الـبـسـالـة ألـسـال مـن عـدهـا //// صــبـح رمـــز الــتــفـانـي وللـفــخــر مـعـلـم


يـل جـسـمـك خـلــود وصــدرك الإيــثــار //// عـجـيـبـة أبـحـافـر أخـيـول الـعـدة أتـهــشــم


لـچـن شـاء ألآلـٰه وحـب يـشــوف الـيـوم //// ريـحــانـة حـبـيــبــة أعـلــه الـثـرىٰ مــخــذم



لو ما حبيب المصطفىٰ/ چاصحنه عل دين العفة/وتبقىٰ المدامع ذارفه


وتـــرافــگـــنـــه الـــمـــذلــــة ونـــمـــشــــي درب أظـــلـــم



لــــو مــا دم أبـــو الــــســـــجــــــاد //// چـــاعـــشـــنــــه أبـــكــفـــر والـــحـــاد


يــمـــنـــقـــذ جــيـــت لـــحـــبــابـــك //// أذوب وأگــــصــــــد أعــــــتــــابـــــك


أخـــط الـــشــــوگ بــــجـــروحــــــي


**************


اســتـقــام الـديـن بــيــك وثــبـتـت أركانه //// وتــتــوج بـالــمــعــالــي ومـنـهـج العصمة


يــا ســر ألآلـٰـه ومــعــجــزاتــــك كـــــون //// يـا نـبـض الـشـفـاعـة ومـحـور الــرحــمــة


بــيـك أتـمـسـكـت شـفـتـك سـفـيـنـة نـوح //// وألــعــنـّـك تــخــلـــف نــالــتــه الــنـقــمــة


يـا ســـور الـكـمـال ورفــعــة الإخــــلاص ///// يــا نــبــع الــجــهــاد الــيــروي هــالأمــــه



يل زلزلة عرش الكفر/ وانكشفت أصحاب الغدر/ بيك آخره ودنيا أفتخر


يــــا مــــــأوىٰ الــحـــيـــارىٰ ومــــــصـــــدر الــــبـــــســـمـــــة



مـــا خـــاب الـــتــمــــســــك بــــيـــك //// مــحــب وبـــلـــهـــفـــتــه يــنــاجــيـك


وگـــــــف يــســتـــأذن أبـــبــابـــــــك ///// أذوب وأگــــصــــــد أعــــــتــــابـــــك


أخـــط الـــشــــوگ بــــجـــروحــــــي


**************


أجــيــتــك ســيــدي مـتـلـهـف أو ولـهـان ///// يــم بــابـــك وگـــفـــت أســتــأذنــك أدخــل


عـلـىٰ أعـتـابــك ردت أركـع وأشم الطيب //// مــن روضـة حــنــانــك والــدمــوع أتـهـل


ردت أحــبــو أبـضـريـحك وأنثر الأشواق ///// وأزيـل أجـبـال هـمـي أبـدارك امـن أنــــزل


يــا رحـمـة إلـٰهـي ألـمـا تـحـدهـا حـــدود ///// مــن عــطــفـــك أجــيــتــك سـيـدي أنـهـل



يـبـن الـرسـول أتـعـنـتـك/ روحـي ولـفـت يـم حـضـرتـك/ غايتها تحضه أبجنتك


ومـــن كــعـــبـــة حـــنـــانــــك روحــــي تـــســـتـــرســـــل



مــعــانـــي الــتـضـحـيـة ومــــجــــــدك //// وشــمـــوخ أللـــي كــتـــب عــهــدك


أبـــطـــريـــق الـــرســمــتــه أصـحـابـك //// أذوب وأگـــصــــد أعــــــتــــابــــــك


***************


أذوب بـكـل كـيـانــي وأدخـــل الــحـضــرة //// وأعـيـش أبـعـالـم الـود وأبـقـىٰ هـايـم بيك


يـا مـعـبـد حـنـيـنـي ويـا كـهـف روحـــــي //// تزيح أغبار هضمي من أسعىٰ وأگصد ليك


يــا أوج الــمــحــبـة ومــبـــدأ الــتـكــويـن //// يـا صــرح الـبـسـالـة مـنـهـو يعـلـّه أعليك


يــا نـور الـعـرش يـا غـضـبــة الــجـــبـــار ///// رفــع شــأنـك إلـٰهـك منهو الــيـّـضـاهـيــك



قـبلـة فـخـر قـبـرك جـعـل/ تـتهـافت عليها الـمُـقـل/ وبـنـورك الـحـق أكــتـمـل


وشـــــريــــــان الــــرســـالــــة الــــخــــالــــق مــــخـــلـــيـــــك


ريـــاحــــــيـــــن الــخــُـلـــد ذكـــــرك //// وريــــاض الـــجــنــة مـــن گــبــرك

شـــفـــه الــمــعــلــول بــــتــــرابــــك ///// أذوب وأگــــصــــــد أعــــــتــــابـــــك


أخـــط الـــشــــوگ بــــجـــروحــــــي


**************






خادم أهل البيت ( عليهم السلام )


أبو ذر السماوي




23/ محرم / 1433 هــــ

[رياض الرسل]

السلام عليكم

الشاعر الغالي
ابو ذر السماوي

القصيده اكثر من رائعه
واسأل الله قبولها منك
واتمنى لها الفوز


خادمك
رياض الرسل

[ابوتكتم الخير]

بسم ألله الرمن الرحيم


قصيدة للمشاركة في مسابقة (شاعر الحسين)



نهج الأله وكتبه


حسين القدس والكعبه


نحرم بيها ....نحرم بيها ...نحرم بيها ...ونحرم بيك


÷÷÷÷÷÷÷÷÷÷


ياسيدي يا من حييت الدنيـــه


و بدمك الطاهر عليت العليـــه


يامن صبح إسمك غذاء ومنيه


يا كلمت الحق الحقيقه العُليــه


أسمك غذاء وثوره ........والدنيه بيك منوره


نور بيها ...نور بيها ... نور بيها ...تنور بيك


÷÷÷÷÷÷÷÷


قرآن بالطــــف إنكتب من دمــــك


وسورة الكهف إترتلت بس بسمك


والفاتحـــه صــارت بدء بخيمــــك


والجنه صارت من مواضع جدمـك


يالواقعه وسورة هود ...... يالشاهد ويالمشهود


ترتل بيها ...ترتل بيها ...ترتل بيها ... ترتل بيك


÷÷÷÷÷÷÷÷


يا موسى ،يا عيسى وأبونا آدم


يا هود ،ياصالح ويحيى إبن العم


يا أسمى آيات الألـــــــــه وإعمم


كتاب الأله اليوم بيك إتمـــــــــــم


إنت الذبيح إسماعيل...... وإنت الصحف والأنجيل


من تحييها ... من تحييها ... من تحييها ... وتحيا بيك


÷÷÷÷÷÷÷


جسمك الكعبه والحجيج الأحزاب


بسيوف طافت تعتنيك من البــاب


جسمك المروه والصفه الأصحاب


وبجبــدك أحرم الرمح والنشــاب


فاضت الخيل بصدرك ........ والعرفة دم نحرك


يا كعبتها ... يا كعبتها ... ياكعبتها ... الطافت بيك


÷÷÷÷÷÷÷÷


والجنه إجتك ونزلت يم جدمك
وإنته إكرمتها وحضنتها بجسمك



عطشانه كصدت ترتوي من دمك


وتتشرف الجنه وأهلها بأسمـــك


نهر الضمه ونهر الشوك ...... والجنه إحتارت شتضوكك


وترويها ... وترويها ... وترويها ... وتروه بيك


÷÷÷÷÷÷÷÷


يا كعبة ألله الما فرغ من حجاج


يلي تجيك إبكل دقيقه الأفواج


لا ظلم كعها لا كفر لا إحراج


لا موت لا تفخيخ رد هالأمواج


نكصد زحف للكعبه .... لو كطعونه بدربه


نكصد ليهه ... نكصد ليهه ...نكصد ليهه ... ونكصد ليك


÷÷÷÷÷÷÷


واجب علينه نكصد إحنه الجنه


ونحيي المآتم كل وكت واجبنه


بيهـــــا محمد ينتظر مقدمنـــه


والزهره إم حسيـــن تستقبلنــه


وإم الخدر وسكينه ..... والكافل وجفينه


يشير علينه ... يشير علينه ... يشير علينه ... وشار عليك



قاسم طاهر القاسمي (ابوتكتم الخير)


16/محرم /1433

[رياض الرسل]

السلام عليكم

ابو تكتم الخير

موفق على هذه القصيده الرائعه
واسأل الله قبولها منك

واتمنى لك الفوز يارب

خادمك
رياض الرسل

[ابوتكتم الخير]

السلام عليكم

ابو تكتم الخير

موفق على هذه القصيده الرائعه
واسأل الله قبولها منك

واتمنى لك الفوز يارب

خادمك
رياض الرسل
وعليكم السلام
الأخ الشاعر رياض الرسل
الموفقية للجميع
وأشكر لك هذا الدعاء
وربي يجعلك مع الحسين وأصحابه
وحسن المنقلب
قاسم طاهر القاسمي (ابوتكتم الخير)

[ابو يعرب الجنابي]

الأديب ابو تكتم
الأستاذ قاسم طاهر القاسمي
يا لروعت قصيدك المبارك
وكأن حرفك يمطر حزنا على خدود قصيدتك
جزاك ألله خيرا وأنت تنثر درر الولاء
في واحات الأنا
ودي

[ابو محمد]

السلام عليكم
المفروض ترسل القصائد برساله خاصه الى راعي المسابقه
وبدوره ينشرها بدون ذكر الاسماء
ليتسنى للمحكمين اخذ دورهم باريحيه بعيدا عن كل تأثير
وبالتالي يكون قبول النتائج محمي من الطعن بنسبه كبيره

[ابو ياسر الكعبي]

حياكم الله اساتذتنا الافاضل
"
مشاركتي تحت عنوان

كليم الله

راسك گطع راسك * ماخمدت أنـفـاسك
يالـمنظرك دامي = حي إنت گدّامي
ماخمدت أنفاسك
***
كلما أريد أنظرك ..بالماي اتصوّرك .. والـمـاي يـعكس صِـوَر
يرسم گطع منحرك ..دمه إعله دم خنصرك ..شلاّل يـجري بنهر
إسـما أشرب اتذكّرك ..إيفت الگلب منظرك ..جسمك تـگطّع وذر
أنظر قُـطُب مـحوَرك ..راسك صُبَح منبرك ..وعْليه أطيل النظر
أشبحله بنظاري = وأسترخي بأفكاري
ومن تكتب أقلامي =حي إنت گدّامي
ماخمدت أنفاسك
***
لـمصـيـبتك أسـتِــمع ..صدر الحزن يـتّـسع ..وگلب الدمع يـنفجر
ومن يجري روج الدمع .. كل دمعه ترسم ضلع .. وكل ضلع حاضِن بدر
وكل بدر نـحره نبع ..حاضن جسد منصرع ..وكل جسد للدم جسر
وكل جسر بيه منوضع .. وجه النبي ومنطبع .. مرتفع خيـمة صبر
من يشكي للباري =دمع الجفن جاري
من جرحك السامي =حي إنت گدّامي
ماخمدت أنفاسك
***
أذكر عطش چبدتك .. وجمر الغضه ابـمهـجـتك .. كلما أشوف العذِب
أتذكّر امصيبتك .. واحضن جسد دمعتك .. يرتـجف برج الگلب
أذكر حـجر جبـهتـك .. ودم الخضب شيبتك ..واتصوّر إعله التُـرُب
الخيل من داستك .. طحنت صدر جثّتك..ومرجان دمّك يصب
محرابك بروحي =يستنطق اجروحي
ومن أسأل آلامي =حي إنت گدّامي
ماخمدت أنفاسك
***
موسى الكليم أصبحت .. وِلــْمِـدْيَن إمْن اوصلت .. مَـشْربت من الـمـاء
من النجيع إشربت ..ابطور الطفوف إصْعَقِت .. طفك صُبَح سيناء
إعليك العَوالم بـچت .. ليك الـمنيّه لِـفَت .. تـمشي عله إسْـتحياء
أوصالك إتـگطّعت .. وي وجه ربك غِدَت .. تـتـكلّم الأشـلاء
ربّك تِـجلاّلك = كلّمته بأوصالك
يالمنذبح ظامي ..حي إنت گدّامي
ماخمدت أنفاسك
***
يحسين وبنينوى .. مو جسمك الّي هِوه ..جسم الأرض منصرع
إنت إعله وادي طِوى ..امن الباري شعلك ضوه .. فوگ الشُهُب مِرتِفع
گلبك الربّك هِوى ..الدين ابدماك إرتوه .. من نـحرك الـمنگـطع
عالعرش من إستِوَى .. سلّـمك ربّك لِوا .. متخضّب امن النَجِع
وهاذه اللِوا مضخور = للغايب المنصور
بكل دورة أيامي =حي إنت گدّامي
ماخمدت أنفاسك
***
يحسين ناده الـمَلَك ..مَـحّد گطع راس إلك .. انت اگطعِت راسك
الباري يـتـأمّـلك .. عِـبـر الزمن راسِـلك .. وتـفايض إحساسك
دم النحر فاض إلك ..ضحّيت إله بكل هَلَك .. ونطيته عبّاسك
سَـيـَّرت رَكب الفلك .. كلـمن يضدك هَلَك .. بالدم ثـبت ساسك
راسك رُفَـع رُمـحه= فـجرك طلع صُبحه
يامُنقذ إسلامي =حي إنت گدّامي
ماخمدت أنفاسك
"
شاعر أهل البيت
أبو ياسر الكعبي

[رياض الرسل]

السلام عليكم

الشاعر الكبير والغالي
ابو ياسر الكعبي

موفق على هذه القصيده الرائعه كروعتك
واسأل الله قبولها منك

واتمنى لها الفوز

رياض الرسل

[رياض الرسل]

السلام عليكم

الى جميع الشعراء الكرام والافاضل


انتهى وقت المسابقه وعلى الجميع
عدم وضع اي قصيده هنا للمسابقه
لأن الوقت انتهى بهاية شهر محرم

واسأل الله القبول والفوز الى الجميع

خادمكم
رياض الرسل
مشرف القسم

[مآسي]

السلام عليكم ورحمة الله وبركاته


اخي رياض ممكن ان تنشر قصيدتي بأسمي المستعار وتدخلها في المسابقة بهذا الاسم واذا كان هذا منافي للشروط حينها سوف ارسل اسمي الصريح

تقبل تحياتي

اختك مأسي