ضلع واحد ياعلي هد حيلك؟الى مولاي الامام علي ع اقولظ

[ابو معاد النجفي]

ضلع واحد ياعلي وهد حيلك
جا ضلوع حسين شتسويلك

ظلع واحد تعرفه منهو الظلع
كلب من ركن الهدايه منشلع
الرسول بفاطمه ظل منفجع
ينده بصوته علي يناديلك

شرد اسولف عالجره ولفاطمه
من عصره الباب وبسهمه رمه
طاحت عل الكاع مخضوبه بدمه
الك تنظر فاطمه تربيلك

الك تنظر عينه ام الحسن
والدموع اتفيض مزنه من الجفن
تصح ياويلاه من اهل الفتن
تصيح ياحيدر علي وتشكيلك

بين ظلع الزهره واظلوع الحسين
شلون طحنته العده والمجرمين
نفس ذيج الخيل خيل الظالمين
ونفس وجه ابن الدعي يربيلك

ظلع اول منكسر من البتول
ونفس مجرى الدم يادم الرسول
يوم طاح حسين وابين الجتول
صاح ربي مو اظلع افديلك

الك ياربي نذرت انه الحياة
ومايهمني اللي جرى من الجناة
علمتني العفه والدين وثباة
مثل ضلع امي ضلع احنيلك

خادم اهل البيت
ابو علي السعيدي

[ابوتكتم الخير]

عظم ألله لك الأجر
بمصاب الأمام الحسين
أحسنت جعلها ألله في ميزان حسناتك
يشفع لك الحسين
تلميذكم
ابوتكتم الخير

[الشاعر حسن خليفه]

اللهم صلي على محمد وال محمد

والحمدالله على نعمه الايمان وبر كه الولايه

قصيده رائعه ولائيه الحروف ايمانيه المعنى

بارك الله بك وجعلك من اتباع محمد وال محمد

صلوات الله عليهم اجمعين

وتقبل مروري المتواضع

خادمكم الشاعر

حسن خليفه

تحياتي