المساعد الشخصي الرقمي

مشاهدة النسخة كاملة : ابوتكتم الخير: الميمون

ابوتكتم الخير
14-12-2011, 12:27 AM
قصيدة الميمون


يصهل رجع ميمون ........... هز بصهيله الكون


من رد للخيم مهرنه ............. الحسين إنذبح عرفنه


يصهل رجع ميمون


**********


مهر المنيه ........ من رجع يصهل


ينادي الظليمه ....... والدموع إتهل


بالدمه مخضب ........ للأرض يركل


صاح أبو اليمه.......... بالذره مرمل


يهيل الترب عل الراس ........ حسين نذبح يا ناس


من صاح الظليمه صحنه ............. الحسين إنذبح عرفنه


يصهل رجع ميمون


**********


يا مهر كلي .......... وين أبو اليمه


عفته بالحومه ......... وما تظل يمه


وسرجك المايل ........... معفر بدمه


عدل لو ذبحوه .... ورضرضو جسمه


يا مهر كلي وين .............. خليت أخوي حسين


من شفتك كثر ألمنه ................ الحسين إنذبح عرفنه


يصهل رجع ميمون


*********


يكلي بمثلث ........... صوبو جبده


وبحجرصابو ......... جبهته وخده


وكطعو الخنصر...... والله من يده


ينادي يا حيدر.......... والنبي جده


إبن النبي المختار ............ يندب علي الكرار


من صاح المهر يلمنه .......... الحسين إنذبح عرفنه


يصهل رجع ميمون


*******************


والخيل إجتنه ........ هجمت الصوبين


حركت خيمنه ......... وتلهب النارين


يا مهر شردت ......... بالفله نساوين


وين إبن حيدر ......... عفته كلي وين


صحت وندهت حسين ............. يا مهر دربه منين


من الخيل وصلت خيمنه ............. الحسين إنذبح عرفنه


يصهل رجع ميمون


********


أخذنه للحومه .......... بالصهيل ينوح


شفنه أبو اليمه ........ عالترب مطروح


مكطع موذر ........... من الكفه مذبوح


عالأرض دمه .......... من الوريد يفوح


صحت بدموع العين ............ حاجيني خويه حسين


من رد الشمر ضربنه ................ الحسين إنذبح عرفنه


يصهل رجع ميمون


***********


لن أبو اليمه .......... زينب ينادي


إنتي الجفيله ........ لو حده الحادي


عندج وديعه ........علي من اولادي


هذا السجاد ............ بكية الهادي


هذا علي السجاد ............. من نسله الأمجاد


من وصه أخويه ببنه .............. الحسين إنذبح عرفنه


يصهل رجع ميمون


*******************


قاسم طاهر القاسمي


ابوتكتم الخير 11/محرم /1433
الشاعر حسن خليفه
14-12-2011, 09:13 PM
قصيده روعه بروعه كاتبها

عاشت الانامل التي خطت

والقريحه التي ابدعت

كلنا شوق بنتظار القادم من ابداعك

لاتحرمنا من هذا الابداع

تقبل مروري بحروفك الانيقه

تحياتي
ابوتكتم الخير
15-12-2011, 12:12 PM
الشاعر حسن خليفه
أشكر مروركم وهذه الكلمات
المعبرة
وبالتوفيق من الرحمن
ودعائكم
يتحقق طلبكم
دعائي
ابو يعرب الجنابي
15-12-2011, 11:17 PM
القدير الكبير
ابو تكتم
لوحة أفاقت بالجمال أحتواء المعنى
أبدعت في هذا الصرح الشامخ
تقديري
ابوتكتم الخير
18-12-2011, 08:05 PM
شاعر الحسين
العزيز أبو العرب
شرفتني بهذه الكلمات العذبة
رزقنا ألله وأياكم شفاعة الحسين
ورحم ألله أباك
لك دعائي